ဟဒီးဆ်: မုနာဖိက်(အရေခြုံမွတ်စလင်မ်)တို့အပေါ်တွင် အိရှာဆွလာသ်နှင့် ဖဂျရ်ဆွလာသ်သည် အလေးလံဆုံး ဆွလာသ်ဖြစ်သည်။ အကယ်၍ ၎င်းတို့သည် ထိုဆွလာသ်နှစ်ကြိမ်၏ အကျိုးကုသိုလ်အား သိရှိကြလျှင် (လမ်းမလျှောက်နိုင်သဖြင့်) လေးဖက်ထောက်လာရမည်ဆိုလျှင်လည်း မုချလာကြလိမ့်မည်။ အမှန်တကယ်ပင် ငါကိုယ်တော်သည် ဆွလာသ်ဆောက်တည်ရန် အမိန့်ပေးတော်မူမည်။ အိကာမသ်ဆိုပြီးသည့်အခါ လူတို့အားဦးဆောင် ဆွလာသ်ဆောက်တည်ရန် ပုဂ္ဂိုလ်တစ်ဦးအား အမိန့်ပေးတော်မူမည်။ ထို့နောက် ငါကိုယ်တော်သည် ထင်းစီးများပါရှိသော လူတို့နှင့်အတူ(ဂျမာအသ်ဖြင့်)ဆွလာသ်ဆောက်တည်ရန် မလာကြသူများထံသွားပြီး ၎င်းတို့နှင့်အိမ်ကိုပါ မီးရှို့ပစ်ရန် ဆန္ဒရှိတော်မူသည်။

عن أبي هريرة رضي الله عنه عن النبي صلى الله عليه وسلم قال: «أَثقَل الصَّلاةِ على المُنَافِقِين: صَلاَة العِشَاء، وصَلاَة الفَجر، وَلَو يَعلَمُون مَا فِيها لَأَتَوهُمَا وَلَو حَبْوُا، وَلَقَد هَمَمتُ أًن آمُرَ بِالصَّلاَةِ فَتُقَام، ثُمَّ آمُر رجلاً فيصلي بالنَّاس، ثُمَّ أَنطَلِق مَعِي بِرِجَال معهُم حُزَمٌ مِن حَطَب إلى قَومٍ لاَ يَشهَدُون الصَّلاَة، فَأُحَرِّقَ عَلَيهِم بُيُوتَهُم بالنَّار».
[صحيح] - [متفق عليه]

အဗူဟုရိုင်ရဟ်(ရဿွိရလ္လာဟုအန်ဟု)က ဆင့်ပြန်ခဲ့သည် တမန်တော်မြတ်(ဆွလ္လလ္လာဟုအလိုင်ဟိဝစလ္လမ်) မိန့်ကြားတော်မူခဲ့သည်။ မုနာဖိက်(အရေခြုံမွတ်စလင်မ်)တို့အပေါ်တွင် အိရှာဆွလာသ်နှင့် ဖဂျရ်ဆွလာသ်သည် အလေးလံဆုံး ဆွလာသ်ဖြစ်သည်။ အကယ်၍ ၎င်းတို့သည် ထိုဆွလာသ်နှစ်ကြိမ်၏ အကျိုးကုသိုလ်အား သိရှိကြလျှင် (လမ်းမလျှောက်နိုင်သဖြင့်) လေးဖက်ထောက်လာရမည်ဆိုလျှင်လည်း မုချလာကြလိမ့်မည်။ အမှန်တကယ်ပင် ငါကိုယ်တော်သည် ဆွလာသ်ဆောက်တည်ရန် အမိန့်ပေးတော်မူမည်။ အိကာမသ်ဆိုပြီးသည့်အခါ လူတို့အားဦးဆောင် ဆွလာသ်ဆောက်တည်ရန် ပုဂ္ဂိုလ်တစ်ဦးအား အမိန့်ပေးတော်မူမည်။ ထို့နောက် ငါကိုယ်တော်သည် ထင်းစီးများပါရှိသော လူတို့နှင့်အတူ(ဂျမာအသ်ဖြင့်)ဆွလာသ်ဆောက်တည်ရန် မလာကြသူများထံသွားပြီး ၎င်းတို့နှင့်အိမ်ကိုပါ မီးရှို့ပစ်ရန် ဆန္ဒရှိတော်မူသည်။
ဤဟဒီးဆ်သည် ဆွဟီးဟ် အဆင့်ရှိသည်။ - ဗုခါရီကျမ်းနှင့် မွတ်စ်လင်မ်ကျမ်း။

ရှင်းလင်းချက်

မုနာဖိက် (အရေခြုံမွတ်စ်လင်မ်)များသည် အလ္လာဟ်အရှင်မြတ် မိန့်ကြားထားသကဲ့သို့ပင် လူတို့အား ပြစားကြပြီး၊ အလ္လာဟ်အရှင်မြတ်အား အနည်းငယ်သာ သတိရတသကြသည်။ ၎င်းတို့၏ ပျင်းရိမှုသည် အိရှာဆွလာသ်နှင့် ဖဂျရ်ဆွလာသ်တို့တွင် ပေါ်လွင်လာသည်။ အဘယ်ကြောင့်ဆိုသော် ထိုဆွလာသ်နှစ်ကြိမ်သည် မှောင်သည့်အချိန်တွင် ဆောက်တည်ရသဖြင့် ဆွလာသ်ဆောက်တည်သူများသည် ၎င်းတို့အားမမြင်တွေ့နိုင်ပေ။ ယင်းဆွလာသ်နှစ်ကြိမ်သည် အနားယူသည့်အချိန်နှင့် အိပ်ကောင်းသည့်အချိန်တွင် ဖြစ်သဖြင့် မုနာဖိက်အများစုသည် ထိုဆွလာသ်နှစ်ကြိမ်အားပေါ့လျော့ကြောင်း ကျွန်ုပ်တို့တွေ့ရမည်ဖြစ်သည်။ ထိုဆွလာသ်နှစ်ကြိမ်အား အလ္လာဟ်အရှင်မြတ်အပေါ် အီမာန်သက်ဝင်ယုံကြည်ခြင်း၏ တွန်းအားနှင့် နောင်တမလွန်၏အကျိုးကုသိုလ်အား မျှော်လင့်ချက်ထားသူသာလျှင် ဂျမာအသ်ဖြင့် ဆောက်တည်ရန် တက်ကြွမှုရှိပေလိမ့်မည်။ ဤကိစ္စသည် တင်ပြထားသည့်အတိုင်းဖြစ်သဖြင့် ဤဆွလာသ်နှစ်ကြိမ်သည် မုနာဖိက်တို့အတွက် အခက်ခဲဆုံးနှင့် အလေးလံဆုံးဖြစ်ကြသည်။အကယ်၍ ၎င်းတို့သည် ထိုဆွလာသ်နှစ်ကြိမ်အား ဗလီဝတ်ကျောင်းတော်တွင် မွတ်စ်လင်မ်တို့၏ ဂျမာအသ်နှင့်အတူ ဆောက်တည်ခြင်း၏ အကျိုးကုသိုလ်အား သိရှိခဲ့ကြလျှင်(လမ်းမလျှောက်နိုင်လျှင်လည်း) ကလေးကဲ့သို့ လက်နှင့်ဒူခေါင်းတို့ဖြင့် လေးဖက်ထောက်ကာ လာရလျှင်လည်း မုချလာကြလိမ့်မည်။ တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)သည် ယင်းဆွလာသ်နှစ်ကြိမ်အား ဂျမာအသ်ဖြင့်ဆောက်တည်ရန် ပျင်းရိသူ၊ နောက်ချန်နေသူများကို အပြစ်ပေးရန်ဆန္ဒဖြင့် ကျိန်ဆိုတော်မူခဲ့သည်။ ထို့ကြောင့် ကိုယ်တော်သည် ဆွလာသ်ဆောက်တည်ရန် အမိန့်ပေးတော်မူပြီး ဂျမာအသ်အတွက် အိကာမသ်ဆိုပြီးသည့်အခါ ပုဂ္ဂိုလ်တစ်ဦးအားမိမိအစား လူတို့အား အိမာန်ရှေ့ဆောင်ပြုရန်အမိန့်ပေးတော်မူမည်။ ထို့နောက်ကိုယ်တော်သည် ထင်းစီးများသယ်ထားကြသော လူတို့နှင့်အတူသွားကာ ဆွလာသ်တွင်မပါဝင်ကြသူများအား ၎င်းတို့ကျူးလွန်လိုက်ကြသည့် ဂျမာအသ်ဖြင့်ဆွလာသ်တည်ဆောက်ရန် နောက်ချန်နေခြင်း၏ အပြစ်ပြင်းထန်မှုကြောင့် ၎င်းတို့နှင့် နေအိမ်များကိုပါ မီးရှို့ပစ်တော်မူမည်။ ကိုယ်တော်သည် ဤအတိုင်း လက်တွေ့အပြစ်မပေးခြင်းမှာ အခြားဆင့်ပြန်ချက်များတွင်ဖော်ပြထားသကဲ့သို့ပင် ထိုအိမ်များတွင် အပြစ်ကင်းသည့် ကလေးသူငယ်များနှင့် အမျိုးသမီးများရှိသည့် အတွက်ကြောင့်ပင်ဖြစ်သည်။