حدیث: حج او عمره پرله پسې ادا کړئ، ځکه چې دا دواړه فقر او ګناهونه داسې لرې کوي لکه څنګه چې (د پښ پو شوی اور ) د اوسپنې، سرو زرو او سپینو زرو ناپاکي لرې کوي او قبول شوی حج له جنت پرته بله بدله نه لري

عَنْ عَبْدِ اللهِ بْنِ مَسْعُودٍ قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«تَابِعُوا بَيْنَ الحَجِّ وَالعُمْرَةِ، فَإِنَّهُمَا يَنْفِيَانِ الفَقْرَ وَالذُّنُوبَ كَمَا يَنْفِي الكِيرُ خَبَثَ الحَدِيدِ، وَالذَّهَبِ، وَالفِضَّةِ، وَلَيْسَ لِلْحَجَّةِ الْمَبْرُورَةِ ثَوَابٌ إِلاَّ الجَنَّةُ».
[صحيح] - [رواه الترمذي والنسائي وأحمد] - [سنن الترمذي: 810]

دا ژباړه بیا لیدنې او کره کتنې ته اړتیا لري.

له عبدالله بن مسعود رضی الله عنه څخه روایت دی وایي چې رسول الله صلی الله علیه وسلم فرمایلي:
"حج او عمره پرله پسې ادا کړئ، ځکه چې دا دواړه فقر او ګناهونه داسې لرې کوي لکه څنګه چې (د پښ پو شوی اور ) د اوسپنې، سرو زرو او سپینو زرو ناپاکي لرې کوي او قبول شوی حج له جنت پرته بله بدله نه لري".
[صحيح] - [رواه الترمذي والنسائي وأحمد] - [سنن ترمذی - 810]

تشریح

رسول الله صلی الله علیه وسلم ژر ژر د حج او عمرې، یو د بل پسې پر ادا کولو ټېنګار کوي او دا چې څوک یې وس لري نو باید پرېکون پکې را نه ولي، ځکه چې ادا کول یې په داسې ډول د فقر، ګناهونو او پر زړه د ګناهونو د اغیزو د لرې کېدو لامل ګرځي لکه څنګه چې د اور پو کول د اوسپنې او هغو معدنیاتو څخه زنګ او نور توکي لرې کوي چې له جنسه یې نه وي.

د حديث له ګټو څخه

1. په پرله پسې ډول د حج او عمرې د ادا کولو فضیلت او پرې ټېنګار.
2. د حج او عمرې ادا کول د شتمنۍ او د ګناهونو د بخښنې له لاملونو څخه دي.
3. مبارکفوري ویلي چې د (ينفيان الفقر) معنا دا ده چې غریبي له منځه وړي، نو کیدی شي د لاس په شتمن کېدو سره ظاهري فقر او د زړه په شتمن کېدو سره باطني فقر له منځه تلل مراد وي.