නබි වදන: හජ් හා උම්රා ඉටු කරන්න. සැබැවින්ම උදුන, යකඩ රන් හා රිදී වල ඇති කිලිටි ඉවත් කරන්නාක් මෙන් ඒ දෙක දිළිඳුකම හා පාපය ඉවත් කරනු ඇත. පිළිගනු ලබන හජ් වන්දනාවට ස්වර්ගය මිස වෙනත් කුසලක් නැත

عَنْ عَبْدِ اللهِ بْنِ مَسْعُودٍ قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«تَابِعُوا بَيْنَ الحَجِّ وَالعُمْرَةِ، فَإِنَّهُمَا يَنْفِيَانِ الفَقْرَ وَالذُّنُوبَ كَمَا يَنْفِي الكِيرُ خَبَثَ الحَدِيدِ، وَالذَّهَبِ، وَالفِضَّةِ، وَلَيْسَ لِلْحَجَّةِ الْمَبْرُورَةِ ثَوَابٌ إِلاَّ الجَنَّةُ».
[صحيح] - [رواه الترمذي والنسائي وأحمد] - [سنن الترمذي: 810]

අල්ලාහ්ගේ දූතයාණන් (සල්ලල්ලාහු අලයිහි වසල්ලම්) ප්‍රකාශ කළ බව අබ්දුල්ලාහ් ඉබ්නු මස්ඌද් (රළියල්ලාහු අන්හු) තුමා විසින් මෙසේ වාර්තා කරන ලදී:
"හජ් හා උම්රා ඉටු කරන්න. සැබැවින්ම උදුන, යකඩ රන් හා රිදී වල ඇති කිලිටි ඉවත් කරන්නාක් මෙන් ඒ දෙක දිළිඳුකම හා පාපය ඉවත් කරනු ඇත. පිළිගනු ලබන හජ් වන්දනාවට ස්වර්ගය මිස වෙනත් කුසලක් නැත."
[පූර්ව සාධක සහිත හදීසයකි] - [رواه الترمذي والنسائي وأحمد] - [سنن الترمذي - 810]

විවරණය

හජ් වන්දනාව හා උම්රා වන්දනාව අතර සමීපයෙන් කටයුතු කරන මෙන් ද හැකියාව තිබිය දී ඒ දෙක ඉටු කිරීම අත් නොහරින මෙන් ද නබි (සල්ලල්ලාහු අලයිහි වසල්ලම්) තුමාණෝ පවසා උනන්දු කර ඇත්තාහ. සැබැවින්ම යකඩ හා එහි මිශ්‍රව පවතින එයට අදාළ නැති අනෙකුත් ලෝහමය කිලිටි ඉවත් කිරීමට භාවිතා කරන ගින්න මෙන් ඒ දෙක දිළිඳුකම හා පාපය ඉවත් කරන අතර හදවත තුළ පවතින කිලිටි ද ඉවත් කරනු ඇත.

හදීසයේ හරය

1. හජ් හා උම්රා අතර අඛන්ඩව කටයුතු කිරීමේ මහිමය හා ඒ සඳහා උනන්දු කරවීම.
2. හජ් හා උම්රා වන්දනා පිළිපැදීම පොහොසත් භාවයට හා පාපකම්වලට සමාව ලැබීමට හේතු සාධක වෙයි.
3. මුබාරක්පූරි තුමා මෙසේ පවසයි: "දිළිඳුකම ඒ දෙක ඉවත් කරයි" යනු ඒ දෙක අහක් කරයි යන්නයි. එනම් මතුපිටින් පවතින දිළිඳුකමෙන් දෑත් පොහොසත් වීමෙන් හා අභ්‍යන්තරයේ පවතින දිළිඳුකමෙන් හදවත පොහොසත් වීමෙන් පිහිටනු ඇත.