Hadith: ((هه‌ر كه‌سێ ب شه‌ڤێ هه‌ردوو ئایه‌تێن دویماهیكا سووڕه‌ت به‌قه‌ڕه‌ بخوینیت؛ ئه‌و تێرا وی هه‌نه‌))

عن أبي مسعود رضي الله عنه قال: قال النبي صلى الله عليه وسلم:
«مَنْ قَرَأَ بِالْآيَتَيْنِ مِنْ آخِرِ سُورَةِ الْبَقَرَةِ فِي لَيْلَةٍ كَفَتَاهُ».
[صحيح] - [متفق عليه] - [صحيح البخاري: 5009]

ئه‌بو مه‌سعوود (خودێ ژێ ڕازی بیت) دبێژیت: پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
((هه‌ر كه‌سێ ب شه‌ڤێ هه‌ردوو ئایه‌تێن دویماهیكا سووڕه‌ت به‌قه‌ڕه‌ بخوینیت؛ ئه‌و تێرا وی هه‌نه‌)).
[صحيح] - [متفق عليه] - [صحيح البخاري - 5009]

Explanation

پێغه‌مبه‌ر (صه‌لات و سه‌لامێن خودێ ل سه‌ر بن) به‌حسێ هندێ دكه‌ت كو هه‌ر كه‌سێ ب شه‌ڤێ هه‌ردوو ئایه‌تێن دویماهیكا سووڕه‌ت به‌قه‌ڕه‌ بخوینیت؛ هنگی ئه‌ڤه‌ تێرا وی هه‌نه‌ خودێ وی ژ خرابی و تشتێ نه‌خۆشییێ دگه‌هینیته‌ وی بپارێزیت. هاتییه‌ گۆتن: ئه‌ڤه‌ تێرا وی هه‌نه‌ و پێدڤی ناكه‌ت نڤێژێن شه‌ڤێ بكه‌ت. هاتییه‌ گۆتن: تێرا وی هه‌نه‌ و پێدڤی ناكه‌ت چ زكرێن دی یێن شه‌ڤێ بخوینیت. هاتییه‌ گۆتن: ئه‌ڤه‌ كێمترین ئاستێ خواندنا قورئانێیه‌ كو مرۆڤ د نڤێژێن شه‌ڤێدا بخوینیت و هنده‌ك تشتێن دی ژی هاتینه‌ گۆتن، به‌لكی ئه‌و تشتێن هاتینه‌ گۆتن هه‌می د دروست بن و ئه‌و په‌یڤا د فه‌رمووده‌یێدا هاتی ب خۆڤه‌ بگریت.

Benefits from the Hadith

1. دیاركرنا قه‌در و بها و خێرا ئایه‌تێن دویماهیكا سووڕه‌ت به‌قه‌ڕه‌، كو ئه‌و ژی ژ گۆتنا خودێ: (آمن الرسول...) ده‌ستپێدكه‌ن هه‌تا دویماهیكا سووڕه‌تێ.
2. دویماهیكا سووڕه‌ت به‌قه‌ڕه‌ خودانێ خۆ ژ خرابی و نه‌خۆشییان و شه‌یتانی دپارێزیت، ئه‌گه‌ر مرۆڤی ئه‌و ب شه‌ڤێ خواندن.
3. شه‌ڤ ب ئاڤابوونا ڕۆژێ ده‌ستپێدكه‌ت و ب نڤێژا سپێدێ ب دویماهیك دهێت.