Hadiise: Kala jannguɗo aayeeje ɗiɗi e wattan ( cakite) simoore Bakara e jamma ɗe njoni ( heƴan) ɗum

عن أبي مسعود رضي الله عنه قال: قال النبي صلى الله عليه وسلم:
«مَنْ قَرَأَ بِالْآيَتَيْنِ مِنْ آخِرِ سُورَةِ الْبَقَرَةِ فِي لَيْلَةٍ كَفَتَاهُ».
[صحيح] - [متفق عليه] - [صحيح البخاري: 5009]

Ƴettaama e Abu Masuud yo ALLA wele mbo o wi'i: Annabiijo yo ALLa juul e dow mum O hisna ɗum o wi'i:
«Kala jannguɗo aayeeje ɗiɗi e wattan ( cakite) simoore Bakara e jamma ɗe njoni ( heƴan) ɗum ».
[صحيح] - [متفق عليه] - [صحيح البخاري - 5009]

Sarhu on

Annabi yo ALLa juul e dow mum O hisna ɗum habrii wonde kala jannguɗo aayeeje ɗiɗi cakkatiiɗe e simoore Bakara e jemma ɗe njona mbo bone e ko aña, wi'aama: ɗe njona mbo daraade juulde jemma, wi'aama kadi: ɗe njona mbo e kala naafilaaji, wi'aama kadi: ko kanje ɓuri famɗude ko yonata e janngude AL KURAAN e darɗe jemma, wi'aam kadi goɗɗum, ina waawi ko haala ko fof ina selli konngol ngol soomii ɗum.

Ina jeyaa he nafooje Hadiis

1. Laɓɓingol ɓural sakket simoore Bakara, ɗuum woni ummaraade e haal mum kam toowɗo O:( aamanar rasuulu ....) haa e gasirde simoore he.
2. Sakket simoore bakara ina duñana jannguɗo ɗum bone e seytaane si joom mum janngii ɗum e jemma.
3. Jemmo fuɗɗoto ko e mutde naange, mbo gasa e ƴellitaade fajiri.