Hadith: ((هه‌ر كه‌سێ پیته‌كێ ژ په‌ڕتووكا خودێ بخوینیت؛ دێ خێره‌ك بۆ وی ژ وێ خواندنێ هێته‌ نڤیسین، خێر ژی ب ده‌ھ خێرێن وه‌كی خۆیه‌

عن عبد الله بن مسعود رضي الله عنه قال: قال رسول الله صلى الله عليه وسلم:
«مَنْ قَرَأَ حَرْفًا مِنْ كِتَابِ اللهِ فَلَهُ بِهِ حَسَنَةٌ، وَالْحَسَنَةُ بِعَشْرِ أَمْثَالِهَا، لَا أَقُولُ {الم} حَرْفٌ، وَلَكِنْ {أَلِفٌ} حَرْفٌ، وَ{لَامٌ} حَرْفٌ، وَ{مِيمٌ} حَرْفٌ».
[حسن] - [رواه الترمذي] - [سنن الترمذي: 2910]

عه‌بدولڵاهێ كوڕێ مه‌سعوودی (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((هه‌ر كه‌سێ پیته‌كێ ژ په‌ڕتووكا خودێ بخوینیت؛ دێ خێره‌ك بۆ وی ژ وێ خواندنێ هێته‌ نڤیسین، خێر ژی ب ده‌ھ خێرێن وه‌كی خۆیه‌، ئه‌ز نابێژم (الم) هه‌می پیته‌كه‌، به‌لكی (ئه‌لیف) پیته‌كه‌ و (لام) پیته‌كه‌ و (میم) پیته‌كه‌)).
[حسن] - [رواه الترمذي] - [سنن الترمذي - 2910]

Explanation

پێغه‌مبه‌ر (صه‌لات و سه‌لامێن خودێ ل سه‌ر بن) به‌حسێ هندێ دكه‌ت كو هه‌ر موسلمانه‌كێ پیته‌كێ ژ په‌ڕتووكا خودێ (كو قورئانه‌) بخوینیت، دێ خێره‌ك بۆ وی ب ڤێ پیتێ هێته‌ نڤیسین، خێرا وی ژی دێ ده‌ھ جاران زێده‌تر لێ هێت.
پاشی پێغه‌مبه‌ری (صه‌لات و سه‌لامێن خودێ ل سه‌ر بن) ئه‌ڤ چه‌نده‌ ب گۆتنا خۆ دیار كر: (ئه‌ز نابێژم (الم) هه‌می پیته‌كه‌، به‌لكی (ئه‌لیف) پیته‌كه‌ و (لام) پیته‌كه‌ و (میم) پیته‌كه‌): ب ڤێ چه‌ندێ دبنه‌ سێ پیت و سیھ خێر پێ بده‌ست مرۆڤیڤه‌ دهێن.

Benefits from the Hadith

1. هاندان ل سه‌ر گه‌له‌ك خواندنا قورئانێ.
2. خوانده‌ڤانێ قورئانێ بۆ هه‌ر پیته‌كا د هه‌ر په‌یڤه‌كێدا دخوینیت؛ خێره‌ك هه‌یه‌ و خێر ب ده‌ھ خێرێن وه‌كی خۆیه‌.
3. به‌رفره‌هییا دلۆڤانییا خودایێ مه‌زن و قه‌نجییا وی، ژ به‌ر كو وی ب قه‌نجی و مه‌ردینییا خۆ؛ خێر و خه‌لات بۆ عه‌بدێن خۆ چه‌ند جاران زێده‌تر لێ كر.
4. قه‌در و بهایێ قورئانێ ل سه‌ر هه‌ر ئاخڤتنەکا دی، ئه‌و قورئانا مرۆڤ ب خواندنا وێ عیباده‌تی دكه‌ت، ئه‌ڤه‌ ژی چونكی ئه‌و ئاخڤتنا خودایێ مه‌زنه‌.