ჰადისი: რომელმა მუსლიმმაც არ უნდა მიმართოს ალლაჰს თხოვნით, რომელშიც არ არის ცოდვა და რომელიც არ არღვევს ნათესაურ კავშირებს, ალლაჰი მას აუცილებლად სამიდან ერთ-ერთს უბოძებს: ან მას ამქვეყნად მიანიჭებს იმას, რასაც ის ითხოვს, ან მას ახირეთისთვის შეუნახავს, რათა იქ დააჯილდოვოს ამის სანაცვლოდ, ან მოაცილებს მისგან იგივეს ტოლფას ბოროტებას». საჰაბებმა ჰკითხეს: "მაშინ ჩვენ უფრო მეტს შევევედრებით ალლაჰს!" მოციქულმა (ალლაჰის ლოცვა და მშვიდობა მას) უპასუხა: «ალლაჰთან [ამასთან შედარებით] კიდევ უფრო მეტი არის

عَنْ أَبِي سَعِيدٍ رضي الله عنه أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«مَا مِنْ مُسْلِمٍ يَدْعُو بِدَعْوَةٍ لَيْسَ فِيهَا إِثْمٌ، وَلَا قَطِيعَةُ رَحِمٍ، إِلَّا أَعْطَاهُ اللهُ بِهَا إِحْدَى ثَلَاثٍ: إِمَّا أَنْ تُعَجَّلَ لَهُ دَعْوَتُهُ، وَإِمَّا أَنْ يَدَّخِرَهَا لَهُ فِي الْآخِرَةِ، وَإِمَّا أَنْ يَصْرِفَ عَنْهُ مِنَ السُّوءِ مِثْلَهَا» قَالُوا: إِذنْ نُكْثِرُ، قَالَ: «اللهُ أَكْثَرُ».
[صحيح] - [رواه أحمد] - [مسند أحمد: 11133]

გადმოცემულია აბუ სა'იდისგან (ალლაჰი იყოს მისით კმაყოფილი), რომ შუამავალმა (ალლაჰის ლოცვა და მშვიდობა მას) თქვა:
«რომელმა მუსლიმმაც არ უნდა მიმართოს ალლაჰს თხოვნით, რომელშიც არ არის ცოდვა და რომელიც არ არღვევს ნათესაურ კავშირებს, ალლაჰი მას აუცილებლად სამიდან ერთ-ერთს უბოძებს: ან მას ამქვეყნად მიანიჭებს იმას, რასაც ის ითხოვს, ან მას ახირეთისთვის შეუნახავს, რათა იქ დააჯილდოვოს ამის სანაცვლოდ, ან მოაცილებს მისგან იგივეს ტოლფას ბოროტებას». საჰაბებმა ჰკითხეს: "მაშინ ჩვენ უფრო მეტს შევევედრებით ალლაჰს!" მოციქულმა (ალლაჰის ლოცვა და მშვიდობა მას) უპასუხა: «ალლაჰთან [ამასთან შედარებით] კიდევ უფრო მეტი არის».
[სანდო (საჰიჰ)] - [გადმოსცა აჰმადმა] - [მუსნად აჰმად - 11133]

განმარტება

შუამავალმა (ალლაჰის ლოცვა და მშვიდობა მას) გვამცნო: ჭეშმარიტად მუსლიმი როცა ევედრება ალლაჰს და სთხოვს მას რაიმეს, ეს თხოვნა კი ცოდვას არ მოიცავს, მაგალითად რომ შეევედროს ცოდვის ჩადენის და უსამართლობის გამარტივება, არ ევედრება ნათესაური კავშირების გაწყვეტას; მაგალითად, რომ დასწყევლოს მისი შვილები ან ახლო ნათესავები, გარდა ამ ორი შემთხვევისა ალლაჰი აუცილებლად უპასუხებს მის ვედრებას, სამიდან ერთ-ერთი ფორმით: ან უპასუხებს მის ვედრებას და მისცემს იმას, რაც სთხოვა. ან გადაუვადებს უზენაესი ალლაჰი განკითხვის დღეს და მისცემს საფასურს საფეხურების ამაღლებით, ან წყალობით, ან ცოდვების მიტევებით. ან ააშორებს თავიდან გაკეთებული ვედრების ტოლფას ამქვეყნიურ უბედურებას. საჰაბები შეეკითხნენ შუამავალს (ალლაჰის ლოცვა და მშვიდობა მას): მაშ, ხშირად აღვავლინოთ ვედრება, რათა მოვიპოვოთ ამ წყალობათაგან ერთ-ერთი? შუამავალმა (ალლაჰის ლოცვა და მშვიდობა მას) თქვა: რასაც ალლაჰი ფლობს უფრო მეტი და უფრო დიადია, ვიდრე თქვენი სათხოვარი, მისი წყალობა უშრეტია და ამოუწურავი.

ჰადისის სარგებლობიდან

1. მუსლიმის ვედრება შესმენილი იქნება და არ დარჩება პასუხგაუცემელი, მაგრამ თავისი პირობებით და ადაბით: ამიტომ საჭიროა მორწმუნემ ხშირად გააკეთოს ვედრება და არ იჩქაროს პასუხის მიღებაში.
2. ვედრებაზე გაცემული პასუხი მხოლოდ შევედრებულის მოპოვებით არ შემოიფარგლება; არამედ შესაძლებელია ამ ვედრებით მან უბედურება აიცილოს თავიდან, ან მისი მადლი იმიერ ქვეყანაში მიიღოს.
3. იბნ ბაზმა თქვა: «დაჟინება, ღმერთის მიმართ დადებითი ზრახვები და იმედის არ დაკარგვა არის ვედრების შესმენის ყველაზე დიდი წინაპორობა. აუცილებელია, ადამიანი დაჟინებით აღავლენდეს ვედრებას, და იყოს დადებითად განწყობილი უზენაესი ალლაჰის მიმართ, და იცოდეს, რომ ის არის ყოვლისმცოდნე, ბრძენი. ზოგჯერ ღმერთი თავისი სიბრძნით მაშინვე პასუხობს ვედრებას, ზოგჯერ კი უგვიანებს თვისი სიბრძნიდან გამომდინარე, ზოგჯერაც კი იმაზე უკეთესს აძლევს, ვიდრე მან სთხოვა».