නබි වදන: අල්ලාහ්ගේ දූතයාණෝ (සල්ලල්ලාහු අලයිහි වසල්ලම්) වෙනත් මාසවල පරිශ්රමයෙන් කටයුතු නොකරන දෑ රමළාන් මාසයේ පරිශ්රමයෙන් යුතුව කටයුතු කළහ. වෙනත් දිනවල පරිශ්රමයෙන් කටයුතු නොකරන දෑ එහි අවසාන දින දහයේ පරිශ්රමයෙන් යුතුව කටයුතු කළහ.

عن عائشة رضي الله عنها قالت: كان رسول الله صلى الله عليه وسلم يَجْتَهِدُ في رمضان ما لا يَجْتَهِدُ في غيره، وفي العَشْرِ الأوَاخِرِ منه ما لا يَجْتَهِدُ في غيره.
[صحيح] - [رواه مسلم]

ආඉෂා (රළියල්ලාහු අන්හා) තුමිය විසින් වාර්තා කරන ලදී. අල්ලාහ්ගේ දූතයාණෝ (සල්ලල්ලාහු අලයිහි වසල්ලම්) වෙනත් මාසවල පරිශ්රමයෙන් කටයුතු නොකරන දෑ රමළාන් මාසයේ පරිශ්රමයෙන් යුතුව කටයුතු කළහ. වෙනත් දිනවල පරිශ්රමයෙන් කටයුතු නොකරන දෑ එහි අවසාන දින දහයේ පරිශ්රමයෙන් යුතුව කටයුතු කළහ.
පූර්ව සාධක සහිත හදීසයකි. - ඉමාම් මුස්ලිම් එය වාර්තා කර ඇත.

විවරණය

රමළාන් මාසයේ නබි (සල්ලල්ලාහු අලයිහි වසල්ලම්) තුමාගේ නැමදුම් සම්බන්ධව මෙහිදී ආඉෂා (රළියල්ලාහු අන්හා) තුමිය විසින් දන්වා ඇත. සැබැවින්ම එතුමා සෙසු මාසවලදී පරිශ්රමය නොයොදන දෑ එහි දී පරිශ්රමයෙන් යුතුව කටයුතු කළහ. ඊට හේතුව සැබැවින්ම එය සමෘද්ධිමත් මාසයයි. සෙසු මාසවලට වඩා අල්ලාහ් එය භාග්යමත් කර ඇත. අවසන් දින දහය ප්රවේශ වූ විට එම මාසය ආරම්භයේ එතුමා පරිශ්රමය දැරුවාට වඩා අධිකව එහිදී පරිශ්රමය යෙදුවේය. ඊටත් හේතුව මාස දහසකට වඩා උතුම් කද්ර් රාත්රිය එහි ඇති බැවිණි. එමෙන්ම භාග්යමත් රාත්රිය අවසන් වන බැවිණි. ඒ අනුව එතුමා එය දැහැමි ක්රියාවන්ගෙන් අවසන් කළහ.