Hadithi: I Dërguari i Allahut ﷺ angazhohej me (adhurim) në dhjetëshen e fundit (të Ramazanit), aq sa nuk angazhohej jashtë tyre

عَنْ عَائِشَةَ أُمِّ المؤْمِنينَ رَضِيَ اللهُ عَنْهَا:
كَانَ رَسُولُ اللهِ صَلَّى اللهُ عَلَيْهِ وَسَلَّمَ يَجْتَهِدُ فِي الْعَشْرِ الْأَوَاخِرِ مَا لَا يَجْتَهِدُ فِي غَيْرِهِ.
[صحيح] - [رواه مسلم] - [صحيح مسلم: 1175]

Aishja (Allahu qoftë i kënaqur me të!) tregon
"I Dërguari i Allahut ﷺ angazhohej me (adhurim) në dhjetëshen e fundit (të Ramazanit), aq sa nuk angazhohej jashtë tyre."
[Ky hadith është sahih] - [E shënon Muslimi] - [Sahihu i Muslimit - 1175]

Shpjegimi

Kur hynin dhjetë netët e fundit të Ramazanit, Profeti ﷺ angazhohej me përkushtim në adhurim dhe bindje ndaj Allahut. Ai shtonte përpjekjet në kryerjen e veprave të mira, llojeve të ndryshme të bamirësisë dhe akteve të adhurimit, më shumë se në çdo kohë tjetër, për shkak të madhështisë dhe vlerës së këtyre netëve dhe në kërkim të Natës së Kadrit.

Mësime nga hadithi

1. Inkurajimi për shtimin e devotshmërisë dhe llojeve të ndryshme të adhurimeve në mënyrë të përgjithshme gjatë muajit Ramazan dhe veçanërisht gjatë dhjetë netëve të tij të fundit.
2. Dhjetë netët e fundit të Ramazanit fillojnë nga nata e njëzetenjëtë deri në fund të muajit.
3. Është e preferuar të shfrytëzohen kohët me vlerë, duke u angazhuar në adhurime.