ဟဒီးဆ်: ငါကိုယ်တော်သည် အသင်တို့အား အလွန်ကြီးလေးသော ပြစ်မှုကြီးများနှင့် ပတ်သက်ပြီး သတင်းမပေးရဘူးလား။

عن أبي بَكْرَةَ- رضي الله عنه - عن النبي صلى الله عليه وسلم أنه قال: «أَلا أُنَبِّئُكم بِأَكْبَرِ الْكَبَائِر؟»- ثَلاثا- قُلْنَا: بَلى يا رسول الله، قَالَ: «الإِشْرَاكُ بِالله وَعُقُوقُ الوالدين، وكان مُتَّكِئاً فَجَلس، وَقَال: ألا وَقَوْلُ الزور، وَشهَادَةُ الزُّور»، فَما زال يُكَرِّرُها حتى قُلنَا: لَيْتَه سَكَت.
[صحيح] - [متفق عليه]

အဗူဗက်ရဟ် (ရဿွိယလ္လာဟုအန်ဟု)က တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)ထံမှ ဆင့်ပြန်ခဲ့သည်။ ကိုယ်တော်ကမိန့်ကြားတော်မူသည်မှာ ငါကိုယ်တော်သည် အသင်တို့အား အလွန်ကြီးလေးသော ပြစ်မှုကြီးများနှင့် ပတ်သက်ပြီး သတင်းမပေးရဘူးလားဟု သုံးကြိမ်တိုင်တိုင် မေးမြန်းတော်မူခဲ့သည်။ ကျွန်တော်တို့က အို -အလ္လာဟ်အရှင်မြတ်၏ရစူလ်တမန်တော်၊ အမှန်ပဲပြောပြတော်မူပါဟု လျှောက်ထားခဲ့ကြသည်။ ကိုယ်တော်မြတ်က မိန့်တော်မူသည်။ (၁)အလ္လာဟ်အရှင်မြတ်နှင့် တစ်စုံတစ်ရာအား ယှဉ်တွဲကိုးကွယ်ခြင်း၊ (၂) မိဘနှစ်ပါး၏ အမိန့်ကို ဖီဆန်ခြင်းဖြစ်သည်။ ထိုသို့ဖြေကြားပြီးနောက် ကိုယ်တော်သည် မှီလျက်ရှိနေရာမှ ထိုင်တော်မူ၍ မိန့်ကြားတော်မူသည်မှာ ကောင်းစွာသတိပြုကြပါ။ (၃)မုသားသက်သေထွက်ဆိုခြင်းဖြစ်သည်။ ကိုယ်တော်မြတ်သည် ထိုစကားကို ထပ်ခါထပ်ခါ မိန့်ကြားတော်မူနေရာ တိတ်ဆိတ်သွားလျှင် ကောင်းမှာပဲဟု ကျွန်တော်တို့(စိတ်ထဲ၌) ကိုယ်တော့်အား(ကြင်နာ၍) ပြောဆိုမိကြသည်အထိ ဖြစ်ခဲ့သည်။
ဤဟဒီးဆ်သည် ဆွဟီးဟ် အဆင့်ရှိသည်။ - ဗုခါရီကျမ်းနှင့် မွတ်စ်လင်မ်ကျမ်း။

ရှင်းလင်းချက်

အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်)ကမိမိ၏ ဆွဟာဗဟ်သာဝကကြီးများကို (ألاأنبئكم)ဟု မိန့်ကြားခဲ့သည်။ ၎င်း၏ အလိုသဘောမှာ ငါရစူလ်အသင်တို့အား ပြစ်မှုကြီးများအနက် အကြီးဆုံးပြစ်မှုအား တင်ပြမည်။ ၎င်းနောက် ဤသုံးခုအား တင်ပြတော်မူသည်။ (၁)အလ္လာဟ်အရှင်မြတ်နှင့် တစ်စုံတစ်ရာအား ယှဉ်တွဲကိုးကွယ်ခြင်း။ ၎င်းသည် ခဝပ်ကိုးကွယ်မှုခံထိုက်ခြင်းဟူသော အရှင်မြတ်၏ ဂုဏ်အဆင့်အတန်းအား ကျူးကျော်စော်ကားခြင်း ဖြစ်သည်။ ချွတ်ယွင်းမှုအပေါင်းမှ ကင်းစင်၍ ကြီးကျယ်မြင့်မားတော်မူသော အလ္လာဟ်အရှင်မြတ်(ပိုင်ဆိုင်သည့်) အခွင့်အရေးကိုယူ၍ ချည့်နဲ့သော မထိုက်တန်သည့် အဖန်ဆင်းခံများကို ပေးလိုက်ခြင်းဖြစ်သည်။ မိဘနှစ်ပါးအမိန့်အား ဖီဆန်ခြင်းသည် ရွံရှာဖွယ်ကောင်းသော အပြစ်အကုသိုလ် ဖြစ်သည်။ အဘယ်ကြောင့်ဆိုသော် မိမိနှင့်အနီးဆုံး တော်စပ်သူကို ကောင်းမွန်စွာ ပြုစုရမည့်အစား ထိခိုက်နစ်နာအောင်ပြုလုပ်လိုက်သောကြောင့် ဖြစ်သည်။ မုသားသက်သေထွက်ဆိုခြင်းဟူသည် လိမ်လည်သည့် စကားအားလုံးကို ဆိုလိုပြီး ထိုစကားဖြင့် လိမ်လည်ခြင်းခံရသူ၏ ဥစ္စာပစ္စည်းကို ရယူရန် သို့မဟုတ် ၎င်း၏ ဂုဏ်သိက္ခာကိုထိပါးစော်ကားရန် သို့မဟုတ် အလားတူကိစ္စတစ်ခုခုကိုပြုလုပ်ရန် ရည်ရွယ်သည်။