عن أبي بَكْرَةَ- رضي الله عنه - عن النبي صلى الله عليه وسلم أنه قال: «أَلا أُنَبِّئُكم بِأَكْبَرِ الْكَبَائِر؟»- ثَلاثا- قُلْنَا: بَلى يا رسول الله، قَالَ: «الإِشْرَاكُ بِالله وَعُقُوقُ الوالدين، وكان مُتَّكِئاً فَجَلس، وَقَال: ألا وَقَوْلُ الزور، وَشهَادَةُ الزُّور»، فَما زال يُكَرِّرُها حتى قُلنَا: لَيْتَه سَكَت.
[صحيح] - [متفق عليه]
المزيــد ...

আবু বাকৰাহ ৰাদ্বিয়াল্লাহু আনহুৰ পৰা বৰ্ণিত, তেওঁ নবী চাল্লাল্লাহু আলাইহি অছাল্লামৰ পৰা বৰ্ণনা কৰিছে, তেখেতে কৈছেঃ "c2">“মই তোমালোকক আটাইতকৈ ডাঙৰ (কবীৰাহ) গুনাহ সম্পৰ্কে অৱগত নকৰামনে?” এই কথাষাৰ তেখেতে তিনিবাৰ ক’লে। আমি ক’লোঁ, নিশ্চয় কওক হে আল্লাহৰ ৰাছুল। তেখেতে ক’লে, "c2">“আল্লাহৰ সৈতে অংশীদাৰ স্থাপন কৰা বা শ্বিৰ্ক কৰা, পিতা-মাতাৰ অবাধ্যতা কৰা, তেখেত আউজি বহি আছিল, ইয়াৰ পিছত উঠি বহিলে আৰু ক’লে, সাৱধান! মিছা কথা কোৱা আৰু মিছা সাক্ষ্য প্ৰদান কৰা।” তেখেতে কথাষাৰ বাৰে বাৰে কৈ আছিল। ইপিনে আমি আশা ভৰা মনেৰে কৈ আছিলোঁ, যদি তেখেত চুপ হ’লহেঁতেন। ছহীহ - মুত্তাফাকুন ‘আলাইহি (বুখাৰী আৰু মুছলিম)
ছহীহ - মুত্তাফাক্ব আলাইহ

ব্যাখ্যা

ৰাছুলুল্লাহ চাল্লাল্লাহু আলাইহি অছাল্লামে চাহাবাসকলক ক’লে, মই তোমালোকক কবীৰাহ গুনাহ সম্পৰ্কে সংবাদ নিদিমনে? ইয়াৰ পিছত তেখেতে এই তিনিটা বিষয় উল্লেখ কৰিলে, সেয়া হৈছে: আল্লাহৰ সৈতে শ্বিৰ্ক কৰা। এইটো হৈছে মাকামে উলুহিয়্যাতৰ ওপৰত সীমালংঘন কৰা আৰু আল্লাহ তা‘আলাৰ অধিকাৰৰ ওপৰত হস্তক্ষেপ কৰি সেইবোৰক এনেকুৱা কিছুমান অক্ষম সৃষ্টিক প্ৰদান কৰা যিসকল ইয়াৰ উপযুক্ত নহয়। পিতা-মাতাৰ অবাধ্যতা কৰা জঘন্য অপৰাধ। কাৰণ, এইটো আটাইতকৈ নিকটতম ব্যক্তিক বেয়া আচৰণৰ দ্বাৰা তেওঁৰ অনুগ্রহৰ প্ৰতিদান দিয়া হ’ব। আৰু আনটো হৈছে মিছা সাক্ষ্য দিয়া। সকলো প্ৰকাৰ মিছা কথা আৰু অপবাদ ইয়াৰ অন্তৰ্ভুক্ত। ইয়াৰ দ্বাৰা অভিপ্ৰায় হৈছে, প্ৰতিপক্ষৰ সম্পদ হনন কৰা বা তাৰ ইজ্জত সন্মান ইত্যাদিৰ ওপৰত আঘাত কৰা।

অনুবাদ: ইংৰাজী ফৰাচী স্পেনিচ তুৰ্কী উৰ্দু ইন্দোনেচিয়ান বোছনিয়ান ৰুচিয়ান বাংলা চাইনিজ ফাৰ্চি হিন্দী ভিয়েতনামীজ ছিনহালী উইঘোৰ কুৰ্দী হাউছা পুৰ্তুগিজ মালয়ালম তেলেগু ছাৱাহিলী তামিল বৰ্মী থাই জাৰ্মান জাপানিজ পুস্তু আল বানিয়ান السويدية الأمهرية
অনুবাদ চাওক

হাদীছৰ পৰা সংগৃহীত উপকাৰিতাসমূহ

  1. এই হাদীছৰ পৰা শিক্ষনীয় বিষয়টো হৈছে চৰী‘আতৰ বিধানসমূহক উপস্থাপন পদ্ধতিৰ দ্বাৰা অৰ্থাৎ “মই তোমালোকক অৱগত কৰামনে?” ইয়াৰ মাধ্যমত দাঙি ধৰা হৈছে।
  2. আটাইতকৈ মহাপাপ হৈছে, আল্লাহৰ সৈতে শ্বিৰ্ক কৰা বা অংশীদাৰ স্থাপন কৰা। কিয়নো, তেওঁ শ্বিৰ্ক গুনাহক সকলো কবীৰা গুনাহৰ ওপৰত স্থান দিছে আৰু ইয়াক আটাইতকৈ ডাঙৰ গুনাহ হিচাপে গণ্য কৰিছে। ইয়াৰ স্বপক্ষে দলিল হৈছে আল্লাহ তা‘আলাৰ এই বাণী, {إن الله لا يَغْفِرُ أن يشرَكَ به وَيَغْفِرُ مَا دونَ ذلِكَ لِمَنْ يشَاء}. “নিশ্চয় আল্লাহে তেওঁৰ সৈতে কৰা শ্বিৰ্ক গুনাহক ক্ষমা নকৰে। ইয়াৰ বাহিৰে অন্যান্য গুনাহবোৰ তেওঁ যাক ইচ্ছা কৰিব ক্ষমা কৰিব।”
  3. পিতা-মাতাৰ অধিকাৰৰ গুৰুত্ব। কিয়নো, আল্লাহে তেওঁৰ অধিকাৰৰ সৈতে পিতা-মাতাৰ অধিকাৰকো সংযুক্ত কৰিছে।
  4. মুছলিম সমাজত মিছা সাক্ষী আৰু ইয়াৰ বেয়া প্ৰভাৱ অত্যন্ত মাৰাত্মক; সেইটো চাৰিত্রিক বিষয়তে হওক অথবা সামাজিক জীৱনৰ অন্য কোনো বিষয়তে হওক।
অধিক