హదీస్: “ప్రవక్త సల్లల్లాహు అలైహి వసల్లం ఇలా పలికినారు: “మీలో ఉత్తములు ఎవరంటే, ఎవరైతే ఖుర్ఆన్ ను నేర్చుకుంటారో మరియు ఇతరులకు బోధిస్తారో”
عن عثمان رضي الله عنه عن النبي صلى الله عليه وسلم قال:
«خَيْرُكُمْ مَنْ تَعَلَّمَ الْقُرْآنَ وَعَلَّمَهُ».
[صحيح] - [رواه البخاري] - [صحيح البخاري: 5027]
المزيــد ...
ఉస్మాన్ బిన్ అఫ్ఫాన్ రజియల్లాహు అన్హు ప్రవక్త సల్లల్లాహు అలైహి వసల్లం నుండి ఇలా ఉల్లేఖిస్తున్నారు:
“ప్రవక్త సల్లల్లాహు అలైహి వసల్లం ఇలా పలికినారు: “మీలో ఉత్తములు ఎవరంటే, ఎవరైతే ఖుర్ఆన్ ను నేర్చుకుంటారో మరియు ఇతరులకు బోధిస్తారో”.
[దృఢమైనది] - [దీనిని ఇమామ్ బుఖారీ ఉల్లేఖించారు] - [صحيح البخاري - 5027]
ప్రవక్త సల్లల్లాహు అలైహి వసల్లం ఇలా తెలియజేస్తున్నారు: విశ్వాసులలో ఉత్తములు మరియు అల్లాహ్ వద్ద ఉన్నత స్థానములు పొందు వారు ఎవరంటే, ఎవరైతే ఖుర్ఆన్ ను నేర్చుకుంటారో మరియు ఇతరులకు నేర్పిస్తారో (బోధిస్తారో) – అంటే, ఖుర్ఆన్ ను, దానిని పఠించే నియమాలను అనుసరించి పఠించడాన్ని, పఠించిన దానిని కంఠస్థము చేయడాన్ని, ఖుర్ఆన్ ను భావయుక్తంగా, మధురంగా పఠించడాన్ని, మరియు అందులోని ఆదేశాలను అవగాహన చేసుకోవడాన్ని, అలాగే దాని విశ్లేషణను నేర్చుకుంటాడో - అలాగే తాను నేర్చుకున్న ఖుర్ఆన్ శాస్త్రాలలో ఉన్న ఙ్ఞానాన్ని ఇతరులకు బోధిస్తాడో, అలాగే ఆ ఙ్ఞానము ప్రకారము ఆచరిస్తూ ఉంటాడో – అటువంటి వాడు ఉత్తముడు మరియు అల్లాహ్ వద్ద ఉన్నత స్థానమును పొందువాడు అవుతాడు.
من فوائد الحديث
- ఈ హదీసులో ఖుర్’ఆన్ యొక్క ఘనత, దాని గౌరవము మరియు ఔన్నత్యము, ప్రాశస్త్యము వివరించబడ్డాయి. ఖుర్’ఆన్ అన్నింటి కంటే ఉత్తమమైన బోధన. ఎందుకంటే అది అల్లాహ్ యొక్క వాక్కు.
- ఙ్ఞానాన్ని సముపార్జించే వారిలో ఉత్తములు ఎవరంటే, ఎవరైతే తాము నేర్చుకున్న ఙ్ఞానాన్ని ఇతరులకు బోధిస్తారో. అలా కాక ఙ్ఞానసముపార్జన చేసి దానిని తమ వరకు మాత్రమే పరిమితం చేసుకునే వారు ఎంతమాత్రమూ కాదు.
- ఖుర్’ఆన్ కు సంబంధించి ఙ్ఞానసముపార్జన చేయడం మరియు బోధించడం అంటే, అందులో ఖుర్’ఆన్ పఠించడం, అందులోని ఆయతుల అర్థాలను మరియు ఆదేశాలను గ్రహించడం మరియు ఆ ఙ్ఞానాన్ని ఇతరులకు బోధించడం – ఇవన్నీ ఇమిడి ఉన్నాయి.
కూర్పులు
ఇంకా
- హదీస్: దైవప్రవక్త సల్లల్లాహు అలైహివ సల్లమ్ ప్రవచించారు’ ఖురాన్ పట్ల శ్రద్ద కలిగి ఉండండి ఎవరి చేతిలో ముహమ్మద్ సల్లల్లాహు అలైహివ సల్లమ్ ప్రాణం ఉందో ఆ ఉనికి సాక్షి ‘ఖుర్ఆన్ ఒంటె కంటే ఎక్కువగా తన కట్టు నుండి పారిపోతుంది’.
- హదీస్: అల్లాహ్ పవిత్ర గ్రంధం నుండి ఎవరైతే ఒక అక్షరం పఠిస్తారో అతనికి దానిపై ఒక పుణ్యం లభిస్తుంది.
- హదీస్: “ఖుర్’ఆన్ పఠించే విశ్వాసి యొక్క ఉపమానము దబ్బపండు వంటిది; దాని వాసనా మంచిగా ఉంటుంది మరియు రుచి కూడా మంచిగా ఉంటుంది. ఖుర్’ఆన్ పఠించని విశ్వాసి యొక్క ఉపమానము ఖర్జూరము వంటిది; దానికి వాసన ఉండదు, కానీ రుచి తీయగా ఉంటుంది
- హదీస్: “(పాపంచిక జీవితములో) తన మనసును ఖుర్’ఆన్ పఠనములో లగ్నము చేసుకున్న వానితో (తీర్పు దినమున) ఇలా అనడం జరుగుతుంది “ఏవిధంగానైతే నీవు ప్రాపంచిక జీవితములో ఖుర్’ఆన్ ను హృద్యంగా పఠించే వానివో అలా పఠిస్తూ (స్వర్గములో ఉన్నత స్థానములను) అధిరోహిస్తూ ఉండు. ఎక్కడైతే నీవు ఆఖరి ఆయతును పఠిస్తావో అదే నీ గమ్యస్థానము అవుతుంది