ഹദീസ്: ആരെങ്കിലും "ലാ ഇലാഹ ഇല്ലള്ളാഹു വഹ്ദഹു ലാ ശരീകലഹു, ലഹുൽ മുൽകു വലഹുൽ ഹംദു വഹുവ അലാ കുല്ലി ശൈഇൻ ഖദീർ" (അല്ലാഹുവല്ലാതെ ആരാധനക്ക് അർഹനായി ഒരാളുമില്ല; അവൻ ഏകനാണ്; അവന് യാതൊരു പങ്കുകാരനുമില്ല. അവനാകുന്നു സർവ്വാധികാരമുള്ളത്. അവനാകുന്നു സർവ്വ സ്തുതിയും. അവൻ എല്ലാ കാര്യത്തിനും കഴിവുള്ളവനാകുന്നു) എന്ന് പത്ത് തവണ ചൊല്ലിയാൽ ഇസ്മാഈൽ സന്തതികളിൽ നിന്ന് നാല് പേരെ മോചിതരാക്കിയവനെ പോലെയാണ് അവൻ.
عن أبي أيوب رضي الله عنه عن النبي صلى الله عليه وسلم قال: «مَنْ قَالَ: لَا إلَهَ إلَّا اللَّهُ وَحْدَهُ لَا شَرِيكَ لَهُ، لَهُ الْمُلْكُ، وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ عَشْرَ مَرَّاتٍ كَانَ كَمَنْ أَعْتَقَ أَرْبَعَةَ أَنْفُسٍ مِنْ وَلَدِ إسْمَاعِيلَ».
[صحيح] - [متفق عليه]
المزيــد ...
അബൂ അയ്യൂബ് -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു: ആരെങ്കിലും "ലാ ഇലാഹ ഇല്ലള്ളാഹു വഹ്ദഹു ലാ ശരീകലഹു, ലഹുൽ മുൽകു വലഹുൽ ഹംദു വഹുവ അലാ കുല്ലി ശൈഇൻ ഖദീർ" (അല്ലാഹുവല്ലാതെ ആരാധനക്ക് അർഹനായി ഒരാളുമില്ല; അവൻ ഏകനാണ്; അവന് യാതൊരു പങ്കുകാരനുമില്ല. അവനാകുന്നു സർവ്വാധികാരമുള്ളത്. അവനാകുന്നു സർവ്വ സ്തുതിയും. അവൻ എല്ലാ കാര്യത്തിനും കഴിവുള്ളവനാകുന്നു) എന്ന് പത്ത് തവണ ചൊല്ലിയാൽ ഇസ്മാഈൽ സന്തതികളിൽ നിന്ന് നാല് പേരെ മോചിതരാക്കിയവനെ പോലെയാണ് അവൻ.
സ്വഹീഹ് - ബുഖാരിയും മുസ്ലിമും ഉദ്ധരിച്ചത്
ഹദീഥിൽ പറയപ്പെട്ട ദിക്റിന്റെ ശ്രേഷ്ഠത ശ്രദ്ധിക്കുക. അല്ലാഹുവിന്റെ ഏകത്വം അംഗീകരിക്കുന്ന വാക്കുകളാണ് അതിലുള്ളത് എന്നതിനാലാണത്. ആരെങ്കിലും പത്ത് തവണ ഈ ദിക്ർ അതിന്റെ അർത്ഥം അറിഞ്ഞു കൊണ്ടും, അതിന്റെ ഉദ്ദേശലക്ഷ്യങ്ങൾ പ്രാവർത്തികമാക്കി കൊണ്ടും പറയുകയാണെങ്കിൽ ഇബ്രാഹീം നബി -عَلَيْهِ السَّلَامُ- യുടെ മകനായ ഇസ്മാഈലിന്റെ -عَلَيْهِ السَّلَامُ- സന്തതിപരമ്പരയിൽ പെട്ട നാല് പേരെ അടിമത്വത്തിൽ നിന്ന് മോചിപ്പിച്ചവനെ പോലെയാണ് അവൻ.
ഹദീഥിൻ്റെ പാഠങ്ങളിൽ നിന്ന്
- * ഇസ്ലാമിന്റെ അടിത്തറയായ തൗഹീദിന്റെ വാചകം (ലാ ഇലാഹ ഇല്ലല്ലാഹ്) ഉൾക്കൊള്ളുന്ന ഈ ദിക്റിന്റെ ശ്രേഷ്ഠത.
- * ആരാധനക്കുള്ള അർഹതയിൽ അല്ലാഹു ഏകനാകുന്നു. സർവ്വ അധികാരവും സർവ്വ സ്തുതികളും അവന് മാത്രവുമാകുന്നു.
- * അല്ലാഹുവിനാകുന്നു പരിപൂർണ്ണമായ അധികാരവും സർവ്വ സ്തുതികളുമെന്ന് ഈ ഹദീഥ് അറിയിക്കുന്നു. അവന്റെ ശക്തി എല്ലാത്തിനെയും ഉൾക്കൊള്ളുന്നതാണെന്നും അത് അറിയിക്കുന്നു.
- * ഈ ദിക്റിൽ 'യുഹ്'യീ വ യുമീത്' (അവൻ ജീവിപ്പിക്കുകയും മരിപ്പിക്കുകയും ചെയ്യുന്നു) എന്ന പദം അധികമായി വന്നിട്ടില്ല.
- * പത്ത് തവണ തുടർച്ചയായോ പലപ്പോഴായോ ചൊല്ലാമെന്നാണ് ഹദീഥിന്റെ ബാഹ്യാർത്ഥം സൂചിപ്പിക്കുന്നത്.
- * അടിമയാക്കപ്പെടാനുള്ള കാരണങ്ങൾ സംഭവിച്ചാൽ അറബികളിൽ ചിലർ അടിമകളായി മാറുക എന്നത് സാധ്യമാണെന്ന് ഈ ഹദീഥ് സൂചിപ്പിക്കുന്നു.
- * അറബികൾക്ക് മറ്റുള്ളവരേക്കാൾ ശ്രേഷ്ഠത നൽകപ്പെട്ടിരിക്കുന്നു. കാരണം അവർ ഇസ്മാഈലിന്റെ സന്തതിപരമ്പരയിൽ പെട്ടവരാണ്.
വിഭാഗങ്ങൾ
കൂടുതൽ
- ഹദീസ്: അഞ്ചു നമസ്കാരങ്ങൾ, ഒരു ജുമുഅ മുതൽ അടുത്ത ജുമുഅ വരെ, ഒരു റമദാൻ മുതൽ അടുത്ത റമദാൻ വരെ; ഇവക്കിടയിലുള്ള (തിന്മകൾക്കുള്ള) പ്രായശ്ചിത്തമാണ്; വൻപാപങ്ങൾ ഉപേക്ഷിക്കപ്പെട്ടുവെങ്കിൽ.
- ഹദീസ്: ഒരടിമ തിന്മ ചെയ്തു. ശേഷം അദ്ദേഹം പറഞ്ഞു: "അല്ലാഹുവേ! നീ എൻ്റെ തിന്മ എനിക്ക് പൊറുത്തു നൽകണേ!" അപ്പോൾ അല്ലാഹു പറഞ്ഞു: "എൻ്റെ അടിമ ഒരു തിന്മ ചെയ്തു. തിന്മ പൊറുത്തു നൽകുകയും, തിന്മ പിടികൂടുകയും ചെയ്യുന്ന ഒരു രക്ഷിതാവ് അവനുണ്ടെന്ന് അവൻ അറിഞ്ഞിരിക്കുന്നു."
- ഹദീസ്: ചിലർ അല്ലാഹുവിൻ്റെ സമ്പത്തിൽ നിന്ന് അന്യായമായി (പലതും) കൈവശപ്പെടുത്തുന്നു. ഉയിർത്തെഴുന്നേൽപ്പിൻ്റെ നാളിൽ നരകമാണ് അവർക്കുള്ളത്.
- ഹദീസ്: മരണപ്പെട്ടവരെ നിങ്ങൾ മോശം പറയരുത്. തങ്ങൾ ചെയ്തു വെച്ചതിലേക്ക് അവർ എത്തിച്ചേർന്നിരിക്കുന്നു.
- ഹദീസ്: തൻ്റെ സഹോദരനെ മൂന്നിലധികം ദിവസത്തേക്ക് അകറ്റിനിർത്തൽ ഒരു മുസ്ലിമിന് അനുവദനീയമല്ല. രണ്ടു പേരും കണ്ടുമുട്ടുമ്പോൾ ഇവൻ ഇങ്ങോട്ടും, അവൻ അങ്ങോട്ടുമെന്ന രൂപത്തിൽ തിരിഞ്ഞു കളയുക (എന്നത് പാടില്ല). അവരിൽ ഏറ്റവും നല്ലവൻ ആദ്യം സലാം പറഞ്ഞു കൊണ്ട് തുടങ്ങുന്നവനാണ്.
- ഹദീസ്: കുടുംബബന്ധം മുറിക്കുന്നവൻ സ്വർഗത്തിൽ പ്രവേശിക്കുകയില്ല.
- ഹദീസ്: കടുത്ത താർക്കികനായുള്ള വ്യക്തിയാണ് അല്ലാഹുവിന് ഏറ്റവും കോപമുള്ളയാൾ.