ഹദീസ്: ആർക്കെങ്കിലും അല്ലാഹു നന്മ ഉദ്ദേശിച്ചാൽ അവന് അല്ലാഹു (ഇസ്ലാം) ദീനിൽ അവഗാഹം നൽകുന്നതാണ്.
عن معاوية بن أبي سفيان رضي الله عنه قال: قال رسول الله صلى الله عليه وسلم : «من يُرِدِ الله به خيرا يُفَقِّهْهُ في الدين».
[صحيح] - [متفق عليه]
المزيــد ...
മുആവിയഃ -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു: "ആർക്കെങ്കിലും അല്ലാഹു നന്മ ഉദ്ദേശിച്ചാൽ അവന് അല്ലാഹു (ഇസ്ലാം) ദീനിൽ അവഗാഹം നൽകുന്നതാണ്."
സ്വഹീഹ് - ബുഖാരിയും മുസ്ലിമും ഉദ്ധരിച്ചത്
ആർക്കെങ്കിലും അല്ലാഹു നന്മയും ഉപകാരവും ഉദ്ദേശിച്ചാൽ മതവിധികളെ കുറിച്ച് അറിവുള്ളവനും, അതിനെ കുറിച്ച് ഉൾക്കാഴ്ചയുള്ളവനുമാക്കി അല്ലാഹു അവനെ മാറ്റുന്നതാണ്. ഹദീഥിൽ അവഗാഹം എന്ന അർത്ഥം നൽകിയ ഫിഖ്ഹ് എന്ന പദം രണ്ട് നിലക്ക് ഉപയോഗിക്കപ്പെടാറുണ്ട്. ഒന്ന്: ഇസ്ലാമിക പ്രമാണങ്ങളിൽ നിന്ന് കർമ്മശാസ്ത്രപരമായ വിധിവിലക്കുകളെ കുറിച്ച് അറിയൽ (എന്ന അർത്ഥത്തിൽ). ഉദാഹരണത്തിന് ആരാധനാകർമ്മങ്ങളെ കുറിച്ചും, ഇടപാടുകളെ കുറിച്ചും പഠിക്കൽ ഫിഖ്ഹാണ്. രണ്ട്: അല്ലാഹുവിന്റെ ദീനിനെ കുറിച്ചുള്ള അറിവുകൾക്കെല്ലാം ഫിഖ്ഹ് എന്ന് പറയപ്പെടാറുണ്ട്. വിശ്വാസപരവും കർമ്മപരവും ഹലാൽ ഹറാമുകളെ കുറിച്ചുള്ളതും സ്വഭാവമര്യാദകളെ കുറിച്ചുള്ളതുമെല്ലാം അറിയുന്നത് ഈ നിലക്ക് ഫിഖ്ഹ് എന്നതിൽ ഉൾപ്പെടും.
ഹദീഥിൻ്റെ പാഠങ്ങളിൽ നിന്ന്
- * ദീനിൽ അവഗാഹം നേടുന്നതിന്റെ മഹത്വവും, അതിനുള്ള പ്രേരണയും പ്രോത്സാഹനവും ഈ ഹദീഥ് ഉൾക്കൊള്ളുന്നു.
- * ഫിഖ്ഹ് എന്ന പദം രണ്ട് നിലക്ക് ഉപയോഗിക്കപ്പെടാറുണ്ട്. ഒന്ന്: ഇസ്ലാമിക പ്രമാണങ്ങളിൽ നിന്ന് കർമ്മശാസ്ത്രപരമായ വിധിവിലക്കുകളെ കുറിച്ച് അറിയൽ (എന്ന അർത്ഥത്തിൽ). രണ്ട്: അല്ലാഹുവിന്റെ ദീനിനെ കുറിച്ചുള്ള അറിവുകൾക്കെല്ലാം ഫിഖ്ഹ് എന്ന് പറയപ്പെടാറുണ്ട്. വിശ്വാസപരമായ അടിസ്ഥാനങ്ങളും, കർമ്മശാസ്ത്രപരമായ വിധികളും, നന്മകളും, ഹലാൽ ഹറാമുകളും (മറ്റ് ദീനിലെ വിഷയങ്ങളുമെല്ലാം) അറിയുന്നത് ഈ പറഞ്ഞതിൽ ഉൾപ്പെടും.
- * അല്ലാഹുവിന്റെ ദീനിൽ അവഗാഹം തേടുന്നതിൽ നിന്ന് ഒരാൾ തിരിഞ്ഞു കളയുന്നെങ്കിൽ അല്ലാഹു അയാൾക്ക് നന്മ ഉദ്ദേശിച്ചിട്ടില്ലെന്ന് ഈ ഹദീഥിൽ നിന്ന് മനസ്സിലാക്കാം.
- * ആരെങ്കിലും അല്ലാഹുവിന്റെ ദീനിൽ അറിവ് നേടാൻ പരിശ്രമിക്കുന്നുണ്ടെങ്കിൽ അല്ലാഹു അവനെ സ്നേഹിക്കുന്നുണ്ട്. കാരണം വിജ്ഞാനം നേടാനും, ദീനിൽ അവഗാഹം നേടാനും അവന് വഴിയൊരുക്കുക വഴി അല്ലാഹു അവന് നന്മ ഉദ്ദേശിച്ചിരിക്കുന്നു.
- * ദീനിൽ അവഗാഹം നേടുന്നത് പ്രശംസനീയമാണ്. എന്നാൽ മറ്റു വിഷയങ്ങളിൽ അവഗാഹം നേടുന്നത് (അടിസ്ഥാനപരമായി) ആക്ഷേപാർഹമോ പ്രശംസനീയമോ അല്ല. നല്ല ലക്ഷ്യത്തിനായാണെങ്കിൽ അക്കാരണത്താൽ അത് പ്രശംസിക്കപ്പെടുകയും, മോശം ഉദ്ദേശത്തിലാണെങ്കിൽ അതിനാൽ അത് ആക്ഷേപിക്കപ്പെടുകയും ചെയ്തേക്കാമെന്ന് മാത്രം.
വിഭാഗങ്ങൾ
കൂടുതൽ
- ഹദീസ്: അഞ്ചു നമസ്കാരങ്ങൾ, ഒരു ജുമുഅ മുതൽ അടുത്ത ജുമുഅ വരെ, ഒരു റമദാൻ മുതൽ അടുത്ത റമദാൻ വരെ; ഇവക്കിടയിലുള്ള (തിന്മകൾക്കുള്ള) പ്രായശ്ചിത്തമാണ്; വൻപാപങ്ങൾ ഉപേക്ഷിക്കപ്പെട്ടുവെങ്കിൽ.
- ഹദീസ്: ആരെങ്കിലും (മത)വിജ്ഞാനം അന്വേഷിച്ചു കൊണ്ട് പുറപ്പെട്ടാൽ അവൻ തിരിച്ചു വരുന്നത് വരെ അല്ലാഹുവിൻ്റെ മാർഗത്തിലാണ്.
- ഹദീസ്: ചിലർ അല്ലാഹുവിൻ്റെ സമ്പത്തിൽ നിന്ന് അന്യായമായി (പലതും) കൈവശപ്പെടുത്തുന്നു. ഉയിർത്തെഴുന്നേൽപ്പിൻ്റെ നാളിൽ നരകമാണ് അവർക്കുള്ളത്.
- ഹദീസ്: മരണപ്പെട്ടവരെ നിങ്ങൾ മോശം പറയരുത്. തങ്ങൾ ചെയ്തു വെച്ചതിലേക്ക് അവർ എത്തിച്ചേർന്നിരിക്കുന്നു.
- ഹദീസ്: തൻ്റെ സഹോദരനെ മൂന്നിലധികം ദിവസത്തേക്ക് അകറ്റിനിർത്തൽ ഒരു മുസ്ലിമിന് അനുവദനീയമല്ല. രണ്ടു പേരും കണ്ടുമുട്ടുമ്പോൾ ഇവൻ ഇങ്ങോട്ടും, അവൻ അങ്ങോട്ടുമെന്ന രൂപത്തിൽ തിരിഞ്ഞു കളയുക (എന്നത് പാടില്ല). അവരിൽ ഏറ്റവും നല്ലവൻ ആദ്യം സലാം പറഞ്ഞു കൊണ്ട് തുടങ്ങുന്നവനാണ്.
- ഹദീസ്: കുടുംബബന്ധം മുറിക്കുന്നവൻ സ്വർഗത്തിൽ പ്രവേശിക്കുകയില്ല.
- ഹദീസ്: കടുത്ത താർക്കികനായുള്ള വ്യക്തിയാണ് അല്ലാഹുവിന് ഏറ്റവും കോപമുള്ളയാൾ.