हदीस: अल्लाहले जसको भलाइ गर्न चाहनुहुन्छ, उसलाई धर्मको समझ दिनुहुन्छ

عن معاوية رضي الله عنه قال: سمعت النبي صلى الله عليه وسلم يقول:
«مَنْ يُرِدِ اللهُ بِهِ خَيْرًا يُفَقِّهْهُ فِي الدِّينِ، وَإِنَّمَا أَنَا قَاسِمٌ، وَاللهُ يُعْطِي، وَلَنْ تَزَالَ هَذِهِ الْأُمَّةُ قَائِمَةً عَلَى أَمْرِ اللهِ، لَا يَضُرُّهُمْ مَنْ خَالَفَهُمْ، حَتَّى يَأْتِيَ أَمْرُ اللهِ».
[صحيح] - [متفق عليه]

मुआविया (रजियल्लाहु अन्हु) ले बयान गरेका छन्, मैले रसूल (सल्लल्लाहु अलैहि वसल्लम) ले भन्दै गरेको सुनें, उहाँले भन्नुभयो :
"अल्लाहले जसको भलाइ गर्न चाहनुहुन्छ, उसलाई धर्मको समझ दिनुहुन्छ । म मात्र एक वितरणकर्ता हुँ, दाता त अल्लाह हुनुहुन्छ । यो उम्मत अल्लाहको धर्ममा अडिग रहिरहनेछ, यसको विरोध गर्नेहरूले तिनीहरूलाई हानि गर्न सक्नेछैनन्, यहाँसम्म अल्लाहको आज्ञा आउँछ ।"
सही - मुत्तफकुन अलैहि

व्याख्या

रसूल (सल्लल्लाहु अलैहि वसल्लम) बताउँदै हुनुहुन्छ, अल्लाहले जसलाई भलाइ गर्न चाहनुहुन्छ, उसलाई धर्मको समझ दिनुहुन्छ । अनि उहाँ मात्र एक वितरणकर्ता हुनुहुन्छ, उहाँ अल्लाहले प्रदान गर्नुभएको जीविका र ज्ञान आदि बाँड्नु हुन्छ, जबकि वास्तविक दाता अल्लाह हुनुहुन्छ । उहाँ बाहेक अरू सबै त्यस्तो साधन हुन् जसले अल्लाहको अनुमति बिना फाइदा गर्दैन । यो उम्मत (राष्ट्र) कयामतको दिनसम्म अल्लाहको धर्ममा अडिग रहनेछ र विरोध गर्नेहरूले कुनै हानि गर्न सक्ने छैनन्, यहाँसम्म कयामत आउँछ भनी उहाँले भन्नुभयो ।