Hadith: “បុគ្គលណាដែលអល់ឡោះប្រាថ្នាចង់ឲ្យរូបគេបានល្អ ទ្រង់នឹងឲ្យជននោះយល់ដឹងអំពីសាសនា(អ៊ីស្លាម)

عن معاوية رضي الله عنه قال: سمعت النبي صلى الله عليه وسلم يقول:
«مَنْ يُرِدِ اللهُ بِهِ خَيْرًا يُفَقِّهْهُ فِي الدِّينِ، وَإِنَّمَا أَنَا قَاسِمٌ، وَاللهُ يُعْطِي، وَلَنْ تَزَالَ هَذِهِ الْأُمَّةُ قَائِمَةً عَلَى أَمْرِ اللهِ، لَا يَضُرُّهُمْ مَنْ خَالَفَهُمْ، حَتَّى يَأْتِيَ أَمْرُ اللهِ».
[صحيح] - [متفق عليه] - [صحيح البخاري: 71]

អំពី មូអាវីយ៉ះ رضي الله عنه បាននិយាយថា៖ ខ្ញុំបានឮណាពី ﷺ លោកបានមានប្រសាសន៍ថា៖
“បុគ្គលណាដែលអល់ឡោះប្រាថ្នាចង់ឲ្យរូបគេបានល្អ ទ្រង់នឹងឲ្យជននោះយល់ដឹងអំពីសាសនា(អ៊ីស្លាម)។ តាមពិត ខ្ញុំគ្រាន់តែជាអ្នកបែងចែកប៉ុណ្ណោះ ហើយអល់ឡោះជាអ្នកផ្តល់ឲ្យ។ ប្រជាជាតិនេះនៅតែឈរនៅលើបទបញ្ជារបស់អល់ឡោះជាម្ចាស់ជានិច្ច។ អ្នកដែលប្រឆាំងនឹងពួកគេមិនអាចបង្កគ្រោះថ្នាក់អ្វីដល់ពួកគេបានឡើយ រហូតទាល់តែបទបញ្ជារបស់អល់ឡោះបានមកដល់”។
[صحيح] - [متفق عليه] - [صحيح البخاري - 71]

Explanation

ណាពី ﷺ លោកបានប្រាប់ថា ជាការពិតណាស់ ជនណាដែលអល់ឡោះជាម្ចាស់ប្រាថ្នាចង់ឲ្យរូបគេបានល្អ ទ្រង់នឹងប្រទានឲ្យគេនូវការយល់ដឹងអំពីសាសនាអ៊ីស្លាម។ ហើយពិតណាស់ ណាពី ﷺ លោកគ្រាន់តែជាអ្នកបែងចែក និងចែកចាយនូវអ្វីដែលអល់ឡោះជាម្ចាស់បានប្រទានដល់លោកនៃលាភសក្ការៈ ចំណេះវិជ្ជា និងអ្វីៗផ្សេងទៀតប៉ុណ្ណោះ។ រីឯអ្នកដែលផ្តល់ឲ្យពិតប្រាកដនោះ គឺអល់ឡោះជាម្ចាស់ទៅវិញទេ។ ចំណែកឯអ្វីផ្សេងទៀតក្រៅពីទ្រង់ គឺគ្រាន់តែជាមូលហេតុប៉ុណ្ណោះដែលវាមិនអាចផ្តល់ផលប្រយោជន៍អ្វីឡើយ លើកលែងដោយការអនុញ្ញាតពីអល់ឡោះ។ ម្យ៉ាងវិញទៀត ប្រជាជាតិនេះនៅតែឈរនៅលើបទបញ្ជារបស់អល់ឡោះជាម្ចាស់ជានិច្ចដោយអ្នកដែលប្រឆាំងនឹងពួកគេមិនអាចបង្កគ្រោះថ្នាក់អ្វីដល់ពួកគេបានឡើយ រហូតទាល់តែថ្ងៃបរលោកបានមកដល់។

Benefits from the Hadith

1. ភាពធំធេង និងឧត្តមភាពនៃចំណេះដឹងឥស្លាម និងការសិក្សាអំពីវា ហើយនិងជំរុញឲ្យសិក្សាអំពីវា។
2. ការឈរនៅលើការពិត គឺចាំបាច់ត្រូវតែមានក្នុងចំណោមប្រជាជាតិនេះ(ប្រជាជាតិព្យការីមូហាំម៉ាត់)ជាដរាប។ ប្រសិនបើក្រុមមួយមិនធ្វើវាទេនោះ គឺមានក្រុមផ្សេងដែលធ្វើវា។
3. ការឈ្វេងយល់ពីសាសនាឥស្លាម ស្ថិតក្នុងចំណោមបំណងដែលអល់ឡោះជាម្ចាស់ចង់ឲ្យខ្ញុំបម្រើរបស់ទ្រង់បានល្អ។
4. ណាពី ﷺ លោកផ្តល់ឲ្យនូវអ្វីមួយទៅតាមបទបញ្ជារបស់អល់ឡោះ និងចេតនារបស់ទ្រង់ប៉ុណ្ណោះ ហើយលោកពុំមែនជាអ្នកដែលមានកម្មសិទ្ធិគ្រប់គ្រងអ្វីមួយនោះឡើយ។