Hadith: “ឱមនុស្សលោកទាំងឡាយ! ចូរពួកអ្នកផ្សព្វផ្សាយសាឡាម ផ្តល់ចំណីអាហារ ផ្សារភ្ជាប់ទំនាក់ទំនងសាច់ញាតិ និងប្រតិបត្តិសឡាតនៅពេលយប់ខណៈពេលដែលមនុស្សម្នាកំពុងគេងលក់ នោះពួកអ្នកនឹងបានចូលឋានសួគ៌ដោយសុវត្ថិភាព”។

عَنْ عَبْدُ اللَّهِ بْنُ سَلَامٍ رضي الله عنه قَالَ: لَمَّا قَدِمَ النَّبِيُّ صَلَّى اللَّهُ عَلَيْهِ وَسَلَّمَ الْمَدِينَةَ انْجَفَلَ النَّاسُ قِبَلَهُ، وَقِيلَ: قَدِمَ رَسُولُ اللَّهِ صَلَّى اللَّهُ عَلَيْهِ وَسَلَّمَ، قَدِمَ رَسُولُ اللَّهِ، قَدِمَ رَسُولُ اللَّهِ، ثَلَاثًا، فَجِئْتُ فِي النَّاسِ لِأَنْظُرَ، فَلَمَّا تَبَيَّنْتُ وَجْهَهُ، عَرَفْتُ أَنَّ وَجْهَهُ لَيْسَ بِوَجْهِ كَذَّابٍ، فَكَانَ أَوَّلُ شَيْءٍ سَمِعْتُهُ تَكَلَّمَ بِهِ أَنْ قَالَ:
«يَا أَيُّهَا النَّاسُ، أَفْشُوا السَّلَامَ، وَأَطْعِمُوا الطَّعَامَ، وَصِلُوا الْأَرْحَامَ، وَصَلُّوا بِاللَّيْلِ وَالنَّاسُ نِيَامٌ، تَدْخُلُوا الْجَنَّةَ بِسَلَامٍ».
[صحيح] - [رواه الترمذي وابن ماجه وأحمد] - [سنن ابن ماجه: 3251]

អំពី អាប់ទុលឡោះ ពិន សាឡាម رضي الله عنه បាននិយាយថា៖ នៅពេលដែលណាពី ﷺ បានមកដល់ក្រុងម៉ាទីណះ មនុស្សម្នាបានប្រញាប់ប្រញាល់ទៅរកលោក។ ហើយមានគេនិយាយថា៖ អ្នកនាំសាររបស់អល់ឡោះ ﷺ បានមកដល់ហើយ អ្នកនាំសាររបស់អល់ឡោះបានមកដល់ហើយ អ្នកនាំសាររបស់អល់ឡោះបានមកដល់ហើយ ចំនួនបីដង។ ពេលនោះ ខ្ញុំក៏បានទៅជាមួយពួកគេដើម្បីមើលដែរ។ នៅពេលដែលខ្ញុំបានឃើញមុខលោកច្បាស់ ខ្ញុំដឹងថា ជាការពិតណាស់ មុខរបស់លោកមិនមែនជាមុខរបស់មនុស្សដែលភូតកុហកឡើយ។ ហើយរឿងដំបូងដែលខ្ញុំបានឮលោកមានប្រសាសន៍នោះ គឺលោកបានមានប្រសាសន៍ថា៖
“ឱមនុស្សលោកទាំងឡាយ! ចូរពួកអ្នកផ្សព្វផ្សាយសាឡាម ផ្តល់ចំណីអាហារ ផ្សារភ្ជាប់ទំនាក់ទំនងសាច់ញាតិ និងប្រតិបត្តិសឡាតនៅពេលយប់ខណៈពេលដែលមនុស្សម្នាកំពុងគេងលក់ នោះពួកអ្នកនឹងបានចូលឋានសួគ៌ដោយសុវត្ថិភាព”។
[صحيح] - [رواه الترمذي وابن ماجه وأحمد] - [سنن ابن ماجه - 3251]

Explanation

នៅពេលដែលណាពី ﷺ បានមកដល់ក្រុងម៉ាទីណះ មនុស្សម្នាបានឃើញលោក ហើយនាំគ្នាសំដៅទៅរកលោកយ៉ាងលឿន។ ក្នុងចំណោមអ្នកដែលបានសំដៅទៅរកលោកនោះ គឺអាប់ទុលឡោះ ពិន សាឡាម رضي الله عنه ដែលពេលនោះ គាត់ស្ថិតក្នុងចំណោមពួកយូដា(មិនទាន់ចូលឥស្លាម)នៅឡើយ។ នៅពេលគាត់បានឃើញណាពី ﷺ គាត់បានដឹងថា មុខរបស់លោកមិនមែនជាមុខរបស់មនុស្សដែលភូតកុហកឡើយ ព្រោះតែពន្លឺ ភាពស្រស់ស្អាត ភាពស្ញប់ស្ញែងពិតដែលស្តែងចេញអំពីលោក។ ហើយរឿងដំបូងដែលគាត់បានឮពីណាពី ﷺ នោះ គឺលោកបានជំរុញមនុស្សទាំងឡាយឱ្យធ្វើទង្វើកុសលនានាដែលជាមូលហេតុនាំឲ្យបានចូលឋានសួគ៌ ក្នុងចំណោមនោះ៖
ទីមួយ៖ ផ្សព្វផ្សាយសាឡាម បង្ហាញវាទៅកាន់អ្នកដទៃ និងឧស្សាហ៍ឲ្យសាឡាមទាំងអ្នកដែលយើងស្គាល់ ទាំងអ្នកដែលយើងមិនស្គាល់។
ទីពីរ៖ ផ្តល់ចំណីអាហារតាមរយៈការបរិច្ចាគទាន អំណោយ និងការទទួលរាក់ទាក់ភ្ញៀវ។
ទីបី៖ ភ្ជាប់ទំនាក់ទំនងជាមួយសាច់ញាតិដែលមានទំនាក់ទំនងឈាមជ័រ ឬញាតិសន្តាន មិនថាខាងឪពុក ឬខាងម្តាយ។
ទីបួន៖ សឡាតស៊ូណិតនៅពេលយប់ខណៈដែលមនុស្សម្នាទាំងឡាយកំពុងគេងលង់លក់។

Benefits from the Hadith

1. ស៊ូណិតផ្សព្វផ្សាយសាឡាមរវាងអ្នកមូស្លីមទាំងឡាយ។ ចំពោះអ្នកដែលមិនមែនជាមូស្លីម យើងមិនគួរផ្តើមឲ្យសាឡាមមុនទេ។ ប៉ុន្តែប្រសិនបើគេឲ្យសាឡាមមកកាន់យើងថា៖ “السلام عليكم” យើងត្រូវតបវិញថា៖ “وعليكم”។