Ab Adiis: yéen nit ñi, deeleen tasaare nuyóo, di leele ñam, di jokk mbokk, di julli guddi fekk nit ñi a ngi nelaw, kon dangeen dugg àjjana ci jàmm

عَنْ عَبْدُ اللَّهِ بْنُ سَلَامٍ رضي الله عنه قَالَ: لَمَّا قَدِمَ النَّبِيُّ صَلَّى اللَّهُ عَلَيْهِ وَسَلَّمَ الْمَدِينَةَ انْجَفَلَ النَّاسُ قِبَلَهُ، وَقِيلَ: قَدِمَ رَسُولُ اللَّهِ صَلَّى اللَّهُ عَلَيْهِ وَسَلَّمَ، قَدِمَ رَسُولُ اللَّهِ، قَدِمَ رَسُولُ اللَّهِ، ثَلَاثًا، فَجِئْتُ فِي النَّاسِ لِأَنْظُرَ، فَلَمَّا تَبَيَّنْتُ وَجْهَهُ، عَرَفْتُ أَنَّ وَجْهَهُ لَيْسَ بِوَجْهِ كَذَّابٍ، فَكَانَ أَوَّلُ شَيْءٍ سَمِعْتُهُ تَكَلَّمَ بِهِ أَنْ قَالَ:
«يَا أَيُّهَا النَّاسُ، أَفْشُوا السَّلَامَ، وَأَطْعِمُوا الطَّعَامَ، وَصِلُوا الْأَرْحَامَ، وَصَلُّوا بِاللَّيْلِ وَالنَّاسُ نِيَامٌ، تَدْخُلُوا الْجَنَّةَ بِسَلَامٍ».
[صحيح] - [رواه الترمذي وابن ماجه وأحمد] - [سنن ابن ماجه: 3251]

Jële nañu ci Abdullah ibn Salaam yal na ko Yàlla dollee gërëm mu wax ne: ba Yonnente bi yal na ko Yàlla dolli xéewal ak mucc ñëwee Madiina nit ñi dañoo buur jëm ci moom, ñu naan: Yonnente Yàlla bi ñëw na, Yonnente Yàlla bi ñëw na, Yonnente Yàlla bi ñëw na, ñatti yoon, ma ñëw ci nit ñi ngir xool, bi ma seetloo kanam ga, laa xam ne kanamam gi du kanamu fenkat, li ma njëkk a degg mu wax ko mooy:
"yéen nit ñi, deeleen tasaare nuyóo, di leele ñam, di jokk mbokk, di julli guddi fekk nit ñi a ngi nelaw, kon dangeen dugg àjjana ci jàmm".
[Wér na] - [At-tirmisiy soloo na ko, ak Ibnu Maaja, ak Ahmat] - [Téere Sunna yi bu Ibnu Maaja - 3251]

Leeral

Bi Yonnente bi yal na ko Yàlla dolli xéewal ak mucc ñëwee Madiina, nit ñi gis ko dañoo gaawantu jëm ci moom, bokk na ci ñi demoon ci moom Abdallah ibn Salaam yal na ko Yàlla dollee gërëm moom nag ab Yahuut la woon, ba mu ko gisee mu xam ne kanamam gi du kanamu fenkat; ndax la cay feeñ ci leer ak taar ak worma gu dëggu, Li mu njëkk a dégg ci Yonnente bi yal na ko Yàlla dolli xéewal ak mucc mooy mu ñaax nit ñi ci jëf sabab yuy tax a dugg àjjana, bokk na ca:
Bi ci njëkk: tasaare nuyóo ak fésal ko te baril ko ci koo xam ak koo xamul.
Ñaareel bi: leele ñam ci saraxe ak maye ak ganale.
Ñatteel bi: jokk mbokk mi nga xam ne buumu meen moo leen boole, walla jegeñaale ci wetu baay walla yaay.
Ñenteel bi: julli naafila, taxaw guddi fekk nit ñi di nelaw.

Bokk na ci njariñi Adiis bi

1. Sopp nañu tasaare nuyóo ci diggante jullit ñi, bu dee ku dul jullit nag deesu ko njëkka nuyu ci salaam, donte dafa wax, assalaamu halaykum, dees koy dello ci wax: wa halaykum.