නබි වදන: අහෝ ජනයිනි, නුඹලා සලාමය පතුරුවන්න. ලේ ඥාතීන් සමග සම්බන්ධකම් පවත්වන්න. ආහාර සපයන්න. ජනයා නිදමින් සිටියදී රාත්රියේ නැගිට සලාතය ඉටු කරන්න. නුඹලා සාමයෙන් ස්වර්ගයට පිවිසෙනු ඇත.

عن عبد الله بن سلام رضي الله عنه قال: سمعت رسول الله صلى الله عليه وسلم يقول: «يَا أَيُّهَا النَّاسُ، أَفْشُوا السَّلَامَ وَصِلُوا الْأَرْحَامَ، وَأَطْعِمُوا الطَّعَامَ، وَصَلُّوا بِاللَّيْلِ وَالنَّاسُ نِيَامٌ، تَدْخُلُوا الْجَنَّةَ بِسَلَامٍ».
[صحيح] - [رواه الترمذي وابن ماجه وأحمد والدارمي]

අල්ලාහ්ගේ දූතයාණන් (සල්ලල්ලාහු අලයිහි වසල්ලම්) කළ ප්රකාශයකට තමන් සවන් දුන් බව පවසමින් අබ්දුල්ලාහ් ඉබ්නු සලාම් (රළියල්ලාහු අන්හු) තුමා විසින් වාර්තා කරන ලදී. "c2">“අහෝ ජනයිනි, නුඹලා සලාමය පතුරුවන්න. ලේ ඥාතීන් සමග සම්බන්ධකම් පවත්වන්න. ආහාර සපයන්න. ජනයා නිදමින් සිටියදී රාත්රියේ නැගිට සලාතය ඉටු කරන්න. නුඹලා සාමයෙන් ස්වර්ගයට පිවිසෙනු ඇත.”
පූර්ව සාධක සහිත හදීසයකි. - ඉබ්නු මාජාහ් එය වාර්තා කර ඇත.

විවරණය

මෙම හදීසයේ සාමයෙන් ස්වර්ගයට පිවිසෙන පුද්ගලයින්ගේ ගුණාංග වර්ණනා කරමින්, ප්රශංසනීය කරුණු හතරක් සම්බන්ධයෙන් අවධාරණය කොට දිරිගන්වා ඇත. එම ගුණාංග නම්: සලාමය පතුරුවාලීම, ලේ ඥාතී සම්බන්ධකම් පැවැත්වීම, ආහාර සැපයීම, මිනිසුන් නිදා සිටියදී රාත්රියේ අවදිවී සලාතය ඉටු කිරීමයි. සලාමය පතුරුවාලීම යනු: සලාමය ප්රසිද්ධියේ, හෙළි පිටම අධික ලෙස දන්වා සිටීමය. ආහාර සැපයීම යනු: අවශ්ය අයට අහාර සැපයීමයි. එනම්: තම පවුලට දරුවන්ට නිවසේ වෙසෙන්නන් හට ආහාරය සැපයීමය. තහජ්ජුද් ඉටු කරනු වස් මිනිසෙකු රාත්රියේ නැගී සිට සලාතය ඉටු කළ විට ඔහුගේ ප්රකාශයන් හා ප්රාර්ථානාවන් තුළින් ද ඉතා භක්තිමත්ව හැසිරීමෙන් ද අල්ලාහ් වෙත ඔහු සමීප වනු ඇත. එවිට ජනයා නිදමින් සිටිති. කිසිදු දඬුවමකින් හෝ වේදනාවකින් තොරව ස්වර්ගයට පිවිසෙන ක්රියාදාමයන් අතරින් එය උතුම් ක්රියාදාමයකි.