Ҳадис: Ким: «Лаа илаҳа иллаллоҳу ваҳдаҳу лаа шарийка лаҳ, лаҳул мулку ва лаҳул ҳамду ва ҳува ъала кулли шай`ин қодийр», деб ўн марта айтса

عن أبي أيوب رضي الله عنه عن النبي صلى الله عليه وسلم قال:
«مَنْ قَالَ: لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، عَشْرَ مِرَارٍ كَانَ كَمَنْ أَعْتَقَ أَرْبَعَةَ أَنْفُسٍ مِنْ وَلَدِ إِسْمَاعِيلَ».
[صحيح] - [متفق عليه] - [صحيح مسلم: 2693]

Абу Айюб разияллоҳу анҳу ривоят қиладилар: «Расулуллоҳ соллаллоҳу алайҳи ва саллам:
Ким: «Лаа илаҳа иллаллоҳу ваҳдаҳу лаа шарийка лаҳ, лаҳул мулку ва лаҳул ҳамду ва ҳува ъала кулли шай`ин қодийр», деб ўн марта айтса, Исмоил алайҳиссалом зурриётидан тўрттасини озод қилгандай бўлади», дедилар.
[Тўғри матн] - [Муттафақун алайҳ] - [Саҳиҳи Муслим - 2693]

Изоҳ

Расулуллоҳ соллаллоху алайҳи ва саллам бу ҳадиси шарифда, ким: «Лаа илаҳа иллаллоҳу ваҳдаҳу лаа шарийка лаҳ, лаҳул мулку ва лаҳул ҳамду ва ҳува ъала кулли шай`ин қодийр», яъни: «Аллоҳдан бошқа ҳақ маъбуд йўқдир, У ёлғиз, шериги йўқ. Тамомий мулк У Зотга хос, У Зот муҳаббат ва улуғлаш ила сано ва мақтовга лойиқ, У Зотдан бошқаси лойиқ эмас ва У Зот барча нарсага қодир, ҳеч нарса У Зотни ожиз қолдира олмайди», деб бу зикрни ўн маротаба такрорласа, унга Исмоил ибн Иброҳим алайҳимасслом зурриётидан тўртта қулни озод қилганчалик савоб берилади. Исмоил алайҳиссалом зурриёти бошқалардан шарафлироқ бўлгани сабабли шахсан улар зикр қилинди.

Ҳадиснинг фойдалари

1. Аллоҳ таолони илоҳлик, мулк, ҳамд ва тамомий қудрат билан сифатлаган бу зикрнинг фазилати.
2. Кетма-кет ёки бўлиб айтса ҳам, бу зикрнинг савобига эришади.