Hadith: ((هه‌ر كه‌سێ (ڕۆژێ) ده‌ھ جاران بێژیت: ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن، ئه‌و ئێكێ ب تنێیه‌ و وی چ شریك و هه‌ڤال نینن، مولك و ده‌ستهه‌لات و سوپاسی هه‌می یێن وینه‌ و ئه‌و ل سه‌ر هه‌ر تشته‌كی یێ خودان شیانه‌ (لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ)

عن أبي أيوب رضي الله عنه عن النبي صلى الله عليه وسلم قال:
«مَنْ قَالَ: لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، عَشْرَ مِرَارٍ كَانَ كَمَنْ أَعْتَقَ أَرْبَعَةَ أَنْفُسٍ مِنْ وَلَدِ إِسْمَاعِيلَ».
[صحيح] - [متفق عليه] - [صحيح مسلم: 2693]

ئه‌بو ئه‌یووب (خودێ ژێ ڕازی بیت) دبێژیت: پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
((هه‌ر كه‌سێ (ڕۆژێ) ده‌ھ جاران بێژیت: ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن، ئه‌و ئێكێ ب تنێیه‌ و وی چ شریك و هه‌ڤال نینن، مولك و ده‌ستهه‌لات و سوپاسی هه‌می یێن وینه‌ و ئه‌و ل سه‌ر هه‌ر تشته‌كی یێ خودان شیانه‌ (لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ)، ئه‌ڤه‌ هه‌روه‌كی وی چار كه‌س ژ كوڕێن ئیسماعیلی ئازا كرین)).
[صحيح] - [متفق عليه] - [صحيح مسلم - 2693]

Explanation

پێغه‌مبه‌ر (صه‌لات و سه‌لامێن خودێ ل سه‌ر بن) به‌حسێ هندێ دكه‌ت كو هه‌ر كه‌سێ بێژیت: (لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ)، ڕامانا وێ ژی ئه‌ڤه‌یه‌: ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن، ئه‌و ئێكێ ب تنێیه‌ و وی چ شریك و هه‌ڤال نینن، مولك و ده‌ستهه‌لات هه‌می یێن وینه و ئه‌و یێ ژ هه‌ژی سوپاسیكرنێیه‌ د گه‌ل ڤیان و مه‌زنڕاگرتنا وی ب تنێ‌ و ئه‌و ل سه‌ر هه‌ر تشته‌كی یێ خودان شیانه‌ و چ تشت ل به‌ر وی ب زه‌حمه‌ت و ئاسێ نینن. هه‌ر كه‌سێ ڕۆژێ ده‌ھ جاران ڤی زكرێ مه‌زن دووباره‌ بكه‌ت؛ خێرا وی دێ هندی خێرا وی كه‌سی لێ هێت یێ چار كه‌س ژ دوینده‌ها ئیسماعیلێ كوڕێ ئیبراهیمی (سلاڤ ل سه‌ر هه‌ردووكان بن) ژ عه‌بدینییێ ڕزگار كرین و قه‌يد و زنجیرێن كۆله‌بوونێ ل سه‌ر ڕاكرین، تایبه‌ت به‌حسێ دوینده‌ها ئیسماعیلی (سلاڤ لێ بن) كر؛ چونكی ئه‌و باشتره‌ ژ دوینده‌هێن دی.

Benefits from the Hadith

1. قه‌در و بها و خێرا ڤی زكری كو ڤان تشتان د ناڤ خۆدا هه‌لدگریت: ئێكانه‌بوونا خودایێ مه‌زن ب خودایینی و عیباده‌تی، مولك و ده‌ستهه‌لاتێ، سوپاسیكرن و هێز و شیانێن ته‌مام.
2. خێرا ڤی زكری‌ دێ ب ده‌ست وی كه‌سیڤه هێت یێ د ڕۆژێدا دبێژیت، ڤێجا چ ب دویڤ ئێكدا بێژیت، یان ژی جۆدا جۆدا بێژیت.