Hadith: ((ههر كهسێ خودێ خێر و باشی بۆ بڤێت؛ دێ شارهزا كهت د دینیدا
عن معاوية رضي الله عنه قال: سمعت النبي صلى الله عليه وسلم يقول:
«مَنْ يُرِدِ اللهُ بِهِ خَيْرًا يُفَقِّهْهُ فِي الدِّينِ، وَإِنَّمَا أَنَا قَاسِمٌ، وَاللهُ يُعْطِي، وَلَنْ تَزَالَ هَذِهِ الْأُمَّةُ قَائِمَةً عَلَى أَمْرِ اللهِ، لَا يَضُرُّهُمْ مَنْ خَالَفَهُمْ، حَتَّى يَأْتِيَ أَمْرُ اللهِ».
[صحيح] - [متفق عليه] - [صحيح البخاري: 71]
المزيــد ...
موعاویه (خودێ ژێ ڕازی بیت) دبێژیت: من گوھ ل پێغهمبهری (صهلات و سهلامێن خودێ ل سهر بن) بوو دگۆت:
((ههر كهسێ خودێ خێر و باشی بۆ بڤێت؛ دێ شارهزا كهت د دینیدا، ئهز ب تنێ دابهشكهرم و خودێیه ددهت، ئهڤ ئوممهته ژی دێ بهردهوام ل سهر فهرمانا خودێ ڕابیت و ئهوێن سهرپێچییا وان دكهن چ زیانێ ل وان ناكهت، ههتا فهرمانا خودێ دهێت)).
[صحيح] - [متفق عليه] - [صحيح البخاري - 71]
پێغهمبهر (صهلات و سهلامێن خودێ ل سهر بن) بهحسێ هندێ دكهت كو ههر كهسێ خودێ خێر و باشی بۆ بڤێت؛ دێ تێگههشتن و شارهزابوونا دینی دهتێ و ب ڕزقی كهت و كو ئهو (صهلات و سهلامێن خودێ ل سهر بن) ب تنێ دابهشكهره، ئهو ڕزق و زانین و تشتێن دی یێن خودێ داینه وی؛ ئهو دابهش دكهت و بهلاڤ دكهت، بهلێ ئهوێ ب دروستی و حهقیقی تشتی ددهت؛ ههر خودێ ب تنێیه، ژ بلی وی ههمی ئهگهرن و بێی دهستویرییا خودێ نهشێن چ مفای بگههینن، ئهڤ ئوممهته ژی دێ بهردهوام ل سهر فهرمانا خودێ ڕابیت و ئهوێن سهرپێچییا وان دكهن چ زیانێ ل وان ناكهت، ههتا قیامهت ڕادبیت.
Benefits from the Hadith
- مهزناهی و قهدر و بهایێ زانینا شهرعی و فێربوونا وێ و هاندان ل سهر فێربوونا وێ.
- ڕابوون و ئهنجامدانا حهقییێ دڤێت د ناڤ ڤێ ئوممهتێدا ههبیت و ههر بمینیت، ڤێجا ئهگهر كۆم و دهستهكهكێ دهست ژ ڤێ حهقییێ بهردان؛ كۆم و دهستهكهكا دی دێ گریت و بهردهوامییێ پێ دهت.
- خۆشارهزاكرنا د دینیدا ژ حهز و ڤیانا خێر و باشییێه ژ لایێ خودێڤه بۆ عهبدێ وی.
- پێغهمبهر (صهلات و سهلامێن خودێ ل سهر بن) ب فهرمان و حهزا خودێ تشتی (ڕزق و زانینێ و ژ بلی وان) ددهت و ئهوی چ د دهستاندا نینه.
Categories
More ...
- Hadith: ((ههر پێنج نڤێژ، ئهینی بۆ ئهینییێ، ڕهمهزان بۆ ڕهمهزانێ، كهفارهت و ژێبهرن بۆ گونههێن د ناڤبهرا خۆدا، (بهلێ ب مهرجهكی) ئهگهر مرۆڤی خۆ ژ گونههێن مهزن دویر ئێخست))
- Hadith: ((هندهك زهلام ب نهحهقی دهستوهردانێ د مالێ خودێدا دكهن، ل ڕۆژا قیامهتێ ئاگر بۆ وانه))
- Hadith: ((خهبهران نهبێژنه مرییان، چونكی ئهو یێن گههشتینه وی كارێ وان بهری خۆ فڕێكری و ئهنجامدای))
- Hadith: ((بۆ چ موسلمانان یا حهلال نینه ئهو ژ سێ شهڤان زێدهتر ژ برایێ خۆ سل ببيت و پشتا خۆ بدهتێ و د گهل نهئاخڤیت، دێ گههنه ئێك و ئهڤه دێ پشتا خۆ دهته ڤی و یێ دی دێ پشتا خۆ دهته وی، باشترینێ وان ژی ئهوه یێ دهستپێكێ سلاڤ دكهت))
- Hadith: ((ئهو كهسێ پهیوهندییێن مرۆڤاینییێ دبڕیت؛ ناچیته بهحهشتێ))
- Hadith: ((نهخۆشتڤیترین كهس ل دهڤ خودێ ئهوه یێ ب توندی دچیته د ناڤ گهنگهشێدا و زێدهگاڤییێ تێدا دكهت))
- Hadith: ((ههر كهسێ بهڕهڤانییێ ژ كهسایهتی و كهڕامهتا برایێ خۆ بكهت؛ خودێ ژی ل ڕۆژا قیامهتێ دێ ڕویێ وی ژ ئاگرێ جههنهمێ پارێزیت))