Hadith: عهبدەکی گونهههك كر، ئینا گۆت: خودایێ من؛ گونهها من بۆ من ژێببه
عن أبي هريرة رضي الله عنه
عَنِ النَّبِيِّ صَلَّى اللهُ عَلَيْهِ وَسَلَّمَ، فِيمَا يَحْكِي عَنْ رَبِّهِ عَزَّ وَجَلَّ، قَالَ: «أَذْنَبَ عَبْدٌ ذَنْبًا، فَقَالَ: اللَّهُمَّ اغْفِرْ لِي ذَنْبِي، فَقَالَ تَبَارَكَ وَتَعَالَى: أَذْنَبَ عَبْدِي ذَنْبًا، فَعَلِمَ أَنَّ لَهُ رَبًّا يَغْفِرُ الذَّنْبَ، وَيَأْخُذُ بِالذَّنْبِ، ثُمَّ عَادَ فَأَذْنَبَ، فَقَالَ: أَيْ رَبِّ اغْفِرْ لِي ذَنْبِي، فَقَالَ تَبَارَكَ وَتَعَالَى: عَبْدِي أَذْنَبَ ذَنْبًا، فَعَلِمَ أَنَّ لَهُ رَبًّا يَغْفِرُ الذَّنْبَ، وَيَأْخُذُ بِالذَّنْبِ، ثُمَّ عَادَ فَأَذْنَبَ، فَقَالَ: أَيْ رَبِّ اغْفِرْ لِي ذَنْبِي، فَقَالَ تَبَارَكَ وَتَعَالَى: أَذْنَبَ عَبْدِي ذَنْبًا، فَعَلِمَ أَنَّ لَهُ رَبًّا يَغْفِرُ الذَّنْبَ، وَيَأْخُذُ بِالذَّنْبِ، اعْمَلْ مَا شِئْتَ فَقَدْ غَفَرْتُ لَكَ».
[صحيح] - [متفق عليه] - [صحيح مسلم: 2758]
المزيــد ...
ژ ئهبو هورەیرەی (خودێ ژێ ڕازی بیت)
ژ پێغهمبهری (صهلات و سهلامێن خودێ ل سهر بن) ژ وێ یا ژ خودایێ خۆ یێ مهزن ڤهدگێڕیت كو گۆتییه: ((عهبدەکی گونهههك كر، ئینا گۆت: خودایێ من؛ گونهها من بۆ من ژێببه، خودایێ مهزن ژی گۆت: عهبدێ من گونهههك كر، پاشی زانی كو وی خودایهك یێ ههی و گونههێ ژێدبهت و مرۆڤی ژ بهر گونههێ سزا ددهت. پاشی جارهكا دی زڤڕی و گونهههكا دی كر، ئینا گۆت: خودایێ من؛ گونهها من بۆ من ژێببه، خودایێ مهزن ژی گۆت: عهبدێ من گونهههك كر، پاشی زانی كو وی خودایهك یێ ههی و گونههێ ژێدبهت و مرۆڤی ژ بهر گونههێ سزا ددهت. پاشی جارهكا دی زڤڕی و گونهههك كر، ئینا گۆت: خودایێ من؛ گونهها من بۆ من ژێببه، خودایێ مهزن ژی گۆت: عهبدێ من گونهههك كر، پاشی زانی كو وی خودایهك یێ ههی و گونههێ ژێدبهت و مرۆڤی ژ بهر گونههێ سزا ددهت. تشتێ ته دڤێت بكه؛ ئهز ل ته بووریم و من گونههێن ته ژێبرن)).
[صحيح] - [متفق عليه] - [صحيح مسلم - 2758]
پێغهمبهر (صهلات و سهلامێن خودێ ل سهر بن) ژ خودایێ خۆ ڤهدگێڕیت كو ئهگهر عهبدی گونهههك كر و پاشی گۆت: خودایێ من؛ گونهها من بۆ من ژێببه، خودایێ مهزن ژی گۆت: عهبدێ من گونهههك كر، پاشی زانی كو وی خودایهك یێ ههی و گونههێ ژێدبهت و مرۆڤی ستاره دكهت و لێ دبووریت، یان ژی ژ بهر گونههێ سزا ددهت، مسوگهر من گونهها وی ژێبر. پاشی جارهكا دی ئهڤ عهبده زڤڕی و گونهههكا دی كر، ئینا گۆت: خودایێ من؛ گونهها من بۆ من ژێببه، خودایێ مهزن ژی گۆت: عهبدێ من گونهههك كر، پاشی زانی كو وی خودایهك یێ ههی و گونههێ ژێدبهت و مرۆڤی ستاره دكهت و لێ دبووریت، یان ژی ژ بهر گونههێ سزا ددهت، مسوگهر من گونهها عهبدێ خۆ ژێبر. پاشی جارهكا دی ئهڤ عهبده زڤڕی و گونهههكا دی كر، ئینا گۆت: خودایێ من؛ گونهها من بۆ من ژێببه، خودایێ مهزن ژی گۆت: عهبدێ من گونهههك كر، پاشی زانی كو وی خودایهك یێ ههی و گونههێ ژێدبهت و مرۆڤی ستاره دكهت و لێ دبووریت، یان ژی ژ بهر گونههێ سزا ددهت، مسوگهر من گونهها عهبدێ خۆ ژێبر. ڤێجا تشتێ دڤێت بلا بكهت، مادهم هندی جارهكا گونهههكێ دكهت؛ ڤێ گونههێ دهێلیت و پهشیمان دبیت و بڕیارهكا ژ دل ددهت كو جارهكا دی نازڤڕیته ڤێ گونههێ، بهلێ نهفسا وی ل سهر وی زال دبیت و جارهكا دی دكهڤیته د ناڤ گونههێدا، ڤێجا هندی ئهو ڤێ چهندێ بكهت، گونههێ بكهت و پهشیمان بیت؛ ئهز ژی ههر دێ لێ بوورم و گونهها وی ژێبهم، چونكی تهوبهكرن و پهشیمانبوون گونههێن بهری خۆ ژێدبهت.
Benefits from the Hadith
- بهرفرههییا دلۆڤانییا خودێ د گهل عهبدێن وی و كو ههر چهند مرۆڤ گونههان بكهت و ههر كارهكێ بكهت؛ ئهگهر تهوبه بكهت و ژێ پهشیمان بیت و بزڤڕیته لایێ خودێ؛ خودێ دێ تهوبهیا وی قهبویل كهت و لێ بووریت.
- ئهو كهسێ باوهری ب خودایێ مهزن ههبیت؛ هیڤی یا ب لێبوورینا خودێ ههی و ژ سزایێ وی ژی دترسیت، لهوا لهزێ د تهوبهكرنێدا دكهت و بهردهوامییێ نادهته گونههێ.
- مهرجێن تهوبهكرنا دروست ئهڤهنه: هێلانا گونههێ، پهشیمانبوون ژ وێ گونههێ و دانا بڕیارهكا ژ دل كو جارهكا دی نهزڤڕیته وێ گونههێ، ئهگهر ئهڤ تهوبهكرنه یا گرێدایی بیت ب مافێن خهلكیڤه و ڤی تهوبهكاری زۆڕداری ل سهر مال یان نامویس یان نهفسا كهسهكێ دی كربیت؛ ڤی دهمی مهرجێ چارێ ژی دێ ل سهر ههرسێ مهرجێن دی زێده بیت، ئهو مهرج ژی ئهڤهیه كو ئهو كهس: گهردهنا خۆ ب وی كهسێ مافێ وی خواری بدهته ئازاكرن، یان مافێ وی بۆ بزڤڕینیت.
- گرنگییا نیاسینا خودێ و ههبوونا زانینێ ب وی كو ئهڤ زانینه دێ وه ل مرۆڤی كهت یێ زانا بیت ب كاروبارێن دینێ خۆ، لهوا ههر گاڤا خهلهتی و گونهههك كر؛ دێ تهوبه كهت و ژ دلۆڤانییا خودێ بێهیڤی نابیت و زێدهگاڤییێ ل سهر سنوورێن خودێ ژی ناكهت.
Categories
More ...
- Hadith: ((ههر پێنج نڤێژ، ئهینی بۆ ئهینییێ، ڕهمهزان بۆ ڕهمهزانێ، كهفارهت و ژێبهرن بۆ گونههێن د ناڤبهرا خۆدا، (بهلێ ب مهرجهكی) ئهگهر مرۆڤی خۆ ژ گونههێن مهزن دویر ئێخست))
- Hadith: ((هندهك زهلام ب نهحهقی دهستوهردانێ د مالێ خودێدا دكهن، ل ڕۆژا قیامهتێ ئاگر بۆ وانه))
- Hadith: ((خهبهران نهبێژنه مرییان، چونكی ئهو یێن گههشتینه وی كارێ وان بهری خۆ فڕێكری و ئهنجامدای))
- Hadith: ((بۆ چ موسلمانان یا حهلال نینه ئهو ژ سێ شهڤان زێدهتر ژ برایێ خۆ سل ببيت و پشتا خۆ بدهتێ و د گهل نهئاخڤیت، دێ گههنه ئێك و ئهڤه دێ پشتا خۆ دهته ڤی و یێ دی دێ پشتا خۆ دهته وی، باشترینێ وان ژی ئهوه یێ دهستپێكێ سلاڤ دكهت))
- Hadith: ((ئهو كهسێ پهیوهندییێن مرۆڤاینییێ دبڕیت؛ ناچیته بهحهشتێ))
- Hadith: ((نهخۆشتڤیترین كهس ل دهڤ خودێ ئهوه یێ ب توندی دچیته د ناڤ گهنگهشێدا و زێدهگاڤییێ تێدا دكهت))
- Hadith: ((ههر كهسێ بهڕهڤانییێ ژ كهسایهتی و كهڕامهتا برایێ خۆ بكهت؛ خودێ ژی ل ڕۆژا قیامهتێ دێ ڕویێ وی ژ ئاگرێ جههنهمێ پارێزیت))