ჰადისი: მიატოვე ის, რაც ეჭვს გიჩენს, და მიაპყარი ყურადღება იმას, რაც ეჭვს არ იწვევს, რადგან სიმართლეს სიმშვიდე მოაქვს, ხოლო სიცრუე — ეჭვებს აჩენს

عَنْ أَبِي الحَوْرَاءِ السَّعْدِيِّ قَالَ: قُلْتُ لِلْحَسَنِ بْنِ عَلِيٍّ رضي الله عنهما: مَا حَفِظْتَ مِنْ رَسُولِ اللهِ صَلَّى اللَّهُ عَلَيْهِ وَسَلَّمَ؟ قَالَ: حَفِظْتُ مِنْ رَسُولِ اللهِ صَلَّى اللَّهُ عَلَيْهِ وَسَلَّمَ:
«دَعْ مَا يَرِيبُكَ إِلَى مَا لاَ يَرِيبُكَ، فَإِنَّ الصِّدْقَ طُمَأْنِينَةٌ، وَإِنَّ الكَذِبَ رِيبَةٌ».
[صحيح] - [رواه الترمذي والنسائي وأحمد] - [سنن الترمذي: 2518]

აბუ ალ-ჰავრაა' ას-სა'დისგან გადმოცემულია: მე ვკითხე ჰასან იბნ ალის (ალლაჰის იყოს მათით კმაყოფილი): "რა დაიმახსოვრე ალლაჰის მოციქულისგან (ალლაჰის ლოცვა და მშვიდობა მას?" მან მიპასუხა: "მე დავიმახსოვრე ალლაჰის მოციქულისგან (ალლაჰის ლოცვა და მშვიდობა მას):
«მიატოვე ის, რაც ეჭვს გიჩენს, და მიაპყარი ყურადღება იმას, რაც ეჭვს არ იწვევს, რადგან სიმართლეს სიმშვიდე მოაქვს, ხოლო სიცრუე — ეჭვებს აჩენს».
[სანდო (საჰიჰ)] - - [სუნან ალ-თირმიზი - 2518]

განმარტება

მოციქულმა (ალლაჰის ლოცვა და მშვიდობა მას) ბრძანა, რომ უნდა დატოვო ის, რაც ეჭვს გიჩენს, იქნება ეს სიტყვები თუ ქმედებები, რომელთა შესახებაც არ არის ცნობილი, აკრძალულია თუ ნებადართული. ამის ნაცვლად, უნდა მიმართო იმას, რაც ეჭვს არ იწვევს, რაც დარწმუნებით არის ცნობილი როგორც კარგი და ნებადართული, რადგან გული ასეთ რაღაცეებში სიწყნარეს და სიმშვიდეს პოულობს. ხოლო ის, რაც ეჭვს იწვევს, გულში წუხილს და შფოთვას იწვევს.

ჰადისის სარგებლობიდან

1. მუსლიმმა უნდა დააფუძნოს თავისი საქმეები დარწმუნებულობაზე და დატოვოს ის, რაც ეჭვს იწვევს, რელიგიაში სიცხადისა და ცნობიერების მისაღწევად.
2. აკრძალვა იმ ქმედებების შესრულება, რაც იწვევს ეჭვებს (შუბუჰათს).
3. თუ გსურს მოიპოვო სიმშვიდე და გულდასვენება, დატოვე ყველაფერი, რაც ეჭვს იწვევს, და გადააგდე ის გვერდზე.
4. ალლაჰის წყალობა მის მსახურებზე გამოიხატება იმაში, რომ მან უბრძანა მათ ის, რაც მოჰფენს სულს სიმშვიდეს და გულდასვენებას, და აუკრძალა ის, რაც იწვევს შფოთვასა და შეშფოთებას.