Hadith: “ពិតប្រាកដណាស់ អ្នកមានជំនឿអាចឈានដល់ឋានៈរបស់អ្នកបួស និងអ្នកសឡាតនៅពេលយប់តាមរយៈសីលធម៌ល្អរបស់ខ្លួន”។

عن عائشة رضي الله عنها قالت: سمعت رسول الله صلى الله عليه وسلم يقول:
«إنَّ المُؤْمِنَ ليُدرِكُ بِحُسْنِ خُلُقِهِ دَرَجَةَ الصَّائِمِ القَائِمِ».
[صحيح بشواهده] - [رواه أبو داود وأحمد] - [سنن أبي داود: 4798]

អំពី អាអ៊ីស្ហះ رضي الله عنها បាននិយាយថា៖ ខ្ញុំបានឮរ៉ស៊ូលុលឡោះ ﷺ លោកបានមានប្រសាសន៍ថា៖
“ពិតប្រាកដណាស់ អ្នកមានជំនឿអាចឈានដល់ឋានៈរបស់អ្នកបួស និងអ្នកសឡាតនៅពេលយប់តាមរយៈសីលធម៌ល្អរបស់ខ្លួន”។
[صحيح بشواهده] - [رواه أبو داود وأحمد] - [سنن أبي داود - 4798]

Explanation

ណាពី ﷺ លោកបានបញ្ជាក់ថា ជាការពិតណាស់ សីលធម៌ល្អអាចធ្វើនាំឲ្យបុគ្គលម្នាក់ឈានដល់ឋានៈអ្នកដែលបួសពេលថ្ងៃ និងក្រោកសឡាតពេលយប់ជាប្រចាំ។ សីលធម៌ល្អនោះ គឺការធ្វើអំពើល្អ និយាយពាក្យសម្តីដែលល្អៗ មានទឹកមុខញញឹម និងមិនបង្កបញ្ហាដល់អ្នកដទៃ ថែមទាំងទ្រទាំចំពោះការបង្កបញ្ហាពីអ្នកដទៃផងដែរ។

Benefits from the Hadith

1. ភាពធំធេងនៃការយកចិត្តទុកដាក់របស់សាសនាឥស្លាមចំពោះការដុសខាត់សីលធម៌និងភាពល្អឥតខ្ចោះរបស់វា។
2. បង្ហាញពីឧត្តមភាពនៃសីលធម៌ល្អ រហូតដល់វាធ្វើឲ្យខ្ញុំបម្រើអល់ឡោះឈានដល់ឋានៈអ្នកដែលបួសមិនឈប់ និងអ្នកដែលក្រោកសឡាតពេលយប់ដោយមិនហត់។
3. ការបួសនៅពេលថ្ងៃ និងការក្រោកសឡាតនៅពេលយប់(គីយ៉ាមុលឡៃល៍) គឺជាទង្វើពីរដែលមនុស្សមានការលំបាកក្នុងការប្រតិបត្តិវា។ អ្នកដែលមានសីលធម៌ល្អអាចឈានដល់ឋានៈឬកម្រិតជនទាំងពីរប្រភេទនេះដោយសារតែប្រឹងជម្នះខ្លួនទៅកាន់ការមានទំនាក់ទំនងដ៏ល្អ។