Hadith: Nditu mundu jwakulupilila akusapataga malipilo gakulandana ni mundu jwakusawa ali mkutawa ni kwimaga chilo kupopela mtando wa ndamo syakwe syambone

عن عائشة رضي الله عنها قالت: سمعت رسول الله صلى الله عليه وسلم يقول:
«إنَّ المُؤْمِنَ ليُدرِكُ بِحُسْنِ خُلُقِهِ دَرَجَةَ الصَّائِمِ القَائِمِ».
[صحيح بشواهده] - [رواه أبو داود وأحمد] - [سنن أبي داود: 4798]

Ngani jikupitila kwa Aisha -Mlungu asangalale nawo- wawechete kuti: nampikene Mtume jwa Mlungu -chanasa ni utendele wa Mlungu iwe pa jwelejo- ali mkuwecheta kuti:
"Nditu mundu jwakulupilila akusapataga malipilo gakulandana ni mundu jwakusawa ali mkutawa ni kwimaga chilo kupopela mtando wa ndamo syakwe syambone".
[صحيح بشواهده] - [رواه أبو داود وأحمد] - [سنن أبي داود - 4798]

Explanation

Mtume-chanasa ni utendele wa Mlungu iwe pa Mtumejo-alongoswele kuti ndamo syambone sikusamtendekasya mundu kupata malipilo gakulandana ni mundu jwakusawa ali mkutawa musi nikwimaga chilo kupopela mwakupelenganya, nikuti masengo gakusonganganya ndamo syambone ni aga:kwatendela yambone wandu,kuwecheta malowe gambone,kulosya ngope jakusengwa,kuleka kwapatisya wandu ipwetesi nikuwa mundu jwakupilila ku yakusakala ya wandu.

Benefits from the Hadith

1. Ukulu wakuwichila mtima kwa Chisilamu pakulinganya ndamo nikusitenda kuwa syakwanila.
2. Umbone wa ndamo syambone, yaikusatendekasya kapolo kulandana ni mundu jwakusawa akutawa musi ni ngagopolaga, nambo soni jwakusawa chimile kupopela ndawi ja chilo ngapela.
3. Kutawa ndawi ja musi ni kwima chilo kupopela, gele ni masengo gawili gamakulungwakulungwa ganti mkati mwakwe mukusimanikwa yakupweteka yakusasimana nayo mkukamula masengo gelega, nakusapataga malipilo gakulandana ni mundu jwasakamula masengo gelego, mundu jwakwete ndamo syambone ligongo lyakulimbana ni umi wakwe pakola ndamo syambonesi.