නබි වදන: (දේවත්වය විශ්වාස කරන) මුඃමින්වරයා තම යහපත් ගුණාංග තුළින් රාත්‍රියේ නැගිට නැමදුම් කරන, උපවාසය රකින අයකුගේ නිලය ලබනු ඇත
عن عائشة رضي الله عنها قالت: سمعت رسول الله صلى الله عليه وسلم يقول:
«إنَّ المُؤْمِنَ ليُدرِكُ بِحُسْنِ خُلُقِهِ دَرَجَةَ الصَّائِمِ القَائِمِ».
[صحيح بشواهده] - [رواه أبو داود وأحمد] - [سنن أبي داود: 4798]
المزيــد ...
අල්ලාහ්ගේ දූතයාණන් (සල්ලල්ලාහු අලයිහි වසල්ලම්) ප්‍රකාශ කළ බව ආඉෂා (රළියල්ලාහු අන්හා) තුමිය විසින් මෙසේ වාර්තා කරන ලදී.
"(දේවත්වය විශ්වාස කරන) මුඃමින්වරයා තම යහපත් ගුණාංග තුළින් රාත්‍රියේ නැගිට නැමදුම් කරන, උපවාසය රකින අයකුගේ නිලය ලබනු ඇත."
පූර්ව සාධක සහිත හදීසයකි. - ඉමාම් අබූ දාවූද් එය වාර්තා කර ඇත.
සැබැවින්ම යහපත් ගුණාංග, අදාළ පුද්ගලයාව අඛණ්ඩව දහවල් කාලයේ උපවාසයේ නිරත වන රාත්‍රියේ නැගිට නැමදුම් ඉටු කරන තැනැත්තාගේ නිලයට ළඟා කරවනු ඇත. යහපත් ගුණාංගවල එකතුව වනාහි: දැහැමි ලෙස ආශ්‍රය කිරීම, යහපත් කතාව, ප්‍රසන්නවත් මුහුණ, නපුරුකම් වැළැක්වීම හා ජනයාගෙන් එය ඉවත් කිරීම යනාදියයි.
හදීසයේ හරය
- සදාචාරයේ මහිමය සහ පරිපූර්ණත්වය සඳහා ඉස්ලාම් දක්වන සැලකිල්ලේ තරම.
- සදාචාරයේ මහිමය; එය කෙතරම් ද යත් උපවාසය කඩ නොකරන උපවාස ශීලය රකින්නකුගේ හා නැමදුම්වල දී වෙහෙසට පත් නොී ඒවායෙහි නිරත වන්නකුගේ තත්ත්වය ගැත්තා එමගින් ලබනු ඇත.
- දහවල් කාලයේ උපවාසයේ නිරත වීම හා රාත්‍රි කාලයේ නැමදුම් කිරීම මහඟු ක්‍රියාවන් දෙකකි. ඒවායෙහි ආත්මයට වෙහෙසක් ඇත. යහපත් හැසිරීම් තුළින් තම ආත්මය කැප කරන බැවින් එවන් යහපත් හැසිරීම් ඇති උදවිය එම මහඟු ක්‍රියා දෙකෙහි නිලය ලබනු ඇත.
ප්‍රවර්ග
අමතර
- නබි වදන: මිනිසෙකු තම සහෝදරයකුට ප්රේම කරන්නේ නම් තමන් ඔහුට ප්රේම කරන බව දැනුම් දිය යුතු වේ.
- නබි වදන: මහා පාපයන්ගෙන් වැළකී සිටින විට, පස්වේල සලාතයත්, ජුමුආ වෙන් ජුමුආවටත්, රමළානයෙන් රමළානයටත් ඒවා අතර සිදුවන දෑ සඳහා ඒවා ප්රතිකර්මයන් වනු ඇත.
- නබි වදන: විකුණන විටත් මිලට ගන්නා විටත් තීන්දු කරන විටත් අවකාශය ලබා දෙන මිනිසාට අල්ලාහ් කරුණා කරත්වා!
- නබි වදන: මිනිසුන් සමග ණය ගනුදෙනු කරන පුද්ගලයෙකු විය. ඔහු තම සේවා දායකයාට ‘ඔබ බංකොලොත් ලෙස පැමිණි විටෙක, ඒ ගැන ඔබ නොසලකා හරින්න. අල්ලාහ් අපට සමාව දෙන්නට පුළුවන’ යැයි පවසමින් සිටියේය. ඔහු අල්ලාහ්ව මුණ ගැසුණේය. ඔහු ඔහුට සමාව දුන්නේය.
- නබි වදන: සැබැවින්ම මිනිසෙකු නබි (සල්ලල්ලාහු අලයිහි වසල්ලම්) තුමාණන්හට: ‘මට ඔබ උපදෙස් දෙනු මැනව!’ යැයි පවසා සිටියේය. එතුමා: “ඔබ කෝප නොවනු” කීප වරක් ම ඔහු එසේ විමසා සිටියේය. එවිට ද “ඔබ කෝප නොවනු.” යැයි පැවසූහ.
- නබි වදන: සැබැවින්ම යුක්තිගරුකයින් අල්ලාහ් අභියස ආලෝකයෙන් යුතු වේදිකාවන් මත සිටිති. ඔවුහු වනාහි ඔවුන්ගේ තීන්දුවලත් ඔවුන්ගේ පවුල් අතරත් ඔවුන් භාරව කටයුතු කළ දෑ තුළත් සාධාරණය ඉටු කරන්නන් වූහ.
- නබි වදන: සැබැවින්ම ජනයා කිසිදු යුක්තියකින් තොරව අල්ලාහ්ගේ සම්පත් අතර ගනුදෙනු කරති. එහෙයින් මළවුන් කෙරෙන් නැගිටුවනු ලබන දිනයේ අපා ගින්න ඔවුනට හිමිය.