Ҳадис: Албатта, мўмин ўзининг чиройли хулқи билан, рўза тутувчи ва тунлари қоим инсоннинг даражасини топади», деганларини эшитдим», дедилар

عن عائشة رضي الله عنها قالت: سمعت رسول الله صلى الله عليه وسلم يقول:
«إنَّ المُؤْمِنَ ليُدرِكُ بِحُسْنِ خُلُقِهِ دَرَجَةَ الصَّائِمِ القَائِمِ».
[صحيح بشواهده] - [رواه أبو داود وأحمد] - [سنن أبي داود: 4798]

Оиша разияллоҳу анҳо: «Расулуллоҳ соллаллоҳу алайҳи ва салламнинг:
«Албатта, мўмин ўзининг чиройли хулқи билан, рўза тутувчи ва тунлари қоим инсоннинг даражасини топади», деганларини эшитдим», дедилар.
[Шоҳидлари билан саҳиҳ] - [Абу Довуд ва Аҳмад ривояти] - [Сунани Абу Довуд - 4798]

Изоҳ

Набий соллаллоҳу алайҳи ва саллам бу ҳадиси шарифда чиройли хулқ, соҳибини кундузлари рўза, тунлари намоз ўқишда давомий бўладиган инсон даражасига олиб чиқишини хабар бердилар. Чиройли хулқ – яхшилик қилиш, чиройли сўзлаш, ёруқ юзли, бошқаларга азийят бермаслик ва бошқалар азиятини кўтара олиш демакдир.

Ҳадиснинг фойдалари

1. Чиройли хулқларни ривожлантириш ва камолотга етказишга Ислом динининг қаттиқ эътибори.
2. Чиройли хулқнинг фазли. Ҳаттоки банда у билан, ифторлик қилмай рўза тутадиган ва дам олмай намоз ўқийдиган инсон даражасига ета олади.
3. Кундузлари рўза, тунлари намоз ўқиш нафсга оғир бўлган улуғ икки амалдир. Нафси билан курашиб хулқини чиройли қилган инсон шу даражага етади.