Hadiis: Ned ning sẽn loe noor rɑɑr ɑ ye tɩ yẽ be Wẽnd sorã sõngr pʋgẽ, Wẽnd na n zãaga a nengã ne Bugmã bõn-bɩʋʋng pis-yopoe

عَنْ أَبِي سَعِيدٍ الْخُدْرِيِّ رَضِيَ اللهُ عَنْهُ قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ:
«مَنْ صَامَ يَوْمًا فِي سَبِيلِ اللهِ بَاعَدَ اللهُ وَجْهَهُ عَنِ النَّارِ سَبْعِينَ خَرِيفًا».
[صحيح] - [متفق عليه] - [صحيح مسلم: 1153]

Yii a Abɩɩ Saʿɩɩd Al-ẖʋdriy nengẽ (Wẽnd yard be a yĩnga), a yeelame: mam wʋma Wẽnd Tẽn-tʋʋma, (Wẽnd pʋʋsg la A tɩlgr be a yĩnga), t’a yetẽ:
«Ned ning sẽn loe noor rɑɑr ɑ ye tɩ yẽ be Wẽnd sorã sõngr pʋgẽ, Wẽnd na n zãaga a nengã ne Bugmã bõn-bɩʋʋng pis-yopoe».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Muslim - 1153]

bilgrã

Nabiyaamã vẽnegame n wilgdẽ (Wẽnd pʋʋsg la a tɩlg be a yĩnga) tɩ ned ning sẽn loe noor gɩhaadɩ raare, la sãnda yeelame tɩ gɩhaadɩ raare la zẽng sẽn ka gɩhaadɩ raare, tɩ yaa pʋ-peelem maaneg ne Wẽnde, n baood yel-sõmd laahr raarã Wẽnd nengẽ, tɩ ad Wẽnd ne a yɩɩdlemã, A zãagd-a-lɑ ne Bugmã bõn-bɩʋʋng pis-yopoe.

Sẽn be Hɑdiisã yõod-rãmbẽ

1. Limaam An-nawawiy yeelame (Wẽnd na yols-a): loe noor Wẽnd yĩngã, a yaa bũmb sẽn wilgd tɩ yaa ned ning noorã loees sẽn ka namsd-a, hakε ka na n põse sẽn tũ ne no-loeerã, tɩ zabrã me ka na n keoos ne a sabab ye, bũmb baa a yembr sẽn yaa zabrã yεl ka na n keoos ye.
2. A pirsdame la a wilgd yamleoog maaneg ne naafɩlã no-loeere.
3. Wilgda sẽn yaa tɩlae tɩ b maan pʋ-peelem la b bao Wẽnd yardo la b ra tʋg n loet noor tɩ yaa maan-tɩ-b-wʋme, ka bõn-raab zẽng me ye.
4. A As-Sindy yeelame (Wẽnd na yols-a): a sẽn yeel tɩ (Wẽnd yĩnga) tõeeme tɩ raabã yaa Anniy wã manegr bala, la tõeeme tɩ raabã me a loeeme n mik t'a bee gɩhaadɩ zĩigẽ, la yaa yiib soab-kãngã la sẽn wat ned fãa yamẽ wã.
5. A ɭbn Hagar yeelame: a sẽn yet tɩ: (bõn-bɩʋʋng pis-yope) wã yaa tɩ bõn-bɩʋʋngã yaa wakat b sẽn mi yʋʋmdã pʋgẽ, la b sẽn rat zĩ-kãngã yaa yʋʋmdã gilli, la sẽn weleg bõn-bɩʋʋng n ka yeel kiis a taabã -Tʋʋlgã la waoodã la sig-noyã-, yaa tɩ bõn-bɩʋʋngã, yẽnda la yʋʋmdã wakat sẽn yaa bʋgsg n yɩɩda, bala tɩ-biisã fãsda a wakatã.