Buudɑ gomdã
  1. Zu-raoogã
  2. Sagsã
  3. Fighu wã ne Yẽgã

Hadiis Nebã ka bakd n be sõma pʋgẽ, tɩ b sã n yãg ne no-kaoorã

Fighu wã ne Yẽgã Dũud-rãmbã fɑsengo (fighu) No-loeerã No-loeerã Sunn-ramba

عَنْ سَهْلِ بْنِ سَعْدٍ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«لَا يَزَالُ النَّاسُ بِخَيْرٍ مَا عَجَّلُوا الْفِطْرَ».

Yii a Sahl ɭbn Sa'ad nengẽ (Wẽnd yard be a yĩnga) tɩ Wẽnd Tẽn-tʋʋmã (Wẽnd pʋʋsg la a tɩlgr be a yĩnga) yeelame:
«Nebã ka bakd n be sõma pʋgẽ, tɩ b sã n yãg ne no-kaoorã».

Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a) Ṣahɩɩh Muslim - 1098

bilgrã

Nabiyaamã kõo kibare (Wẽnd pʋʋsg la A tɩlgr be a yĩnga) tɩ nebã ka bak n be sõma pʋgẽ, tɩ b sã n yãg ne noorã kaoobo, b sẽn paam hakɩɩk tɩ wĩndgã lʋɩɩme poorẽ, la rẽnda yaa Sũnnah gãdbo la a todsã zug yalsgo.

Sẽn be Hɑdiisã yõod-rãmbẽ

  1. A An-nawawiy yeelame (Wẽnd na yols-a): be a pʋgẽ sẽn yaa pirsg tɩ b yãg ne no-kaoorã tɩ b sã n paam hakɩɩk tɩ wĩndgã lʋɩɩme, la a võorã rat n yeelame tɩ nebã yell ka bake n yaa sẽn tũnugd taaba b sã n ket n gũusd sũnn-kãngã, la b sã n wa yaoolge, yẽ me yaa tagmas n wilgd sãang bãmb sẽn lʋɩt a pʋgẽ.
  2. Sõmã wã paad nebã pʋgẽ wã a tũudba ne sũnnah tũubu, la yεlã me sãangã yaa ne sũnnah toeengo.
  3. Yõsg Gafã rãmbã la bidah wã rãmbã, bala bãmb yaoonda no-kaoorã.
  4. A ɭbn Hagar yeelame (Wẽnd na yols-a): La be a pʋgẽ b sẽn vẽneg sababã, a Al-Muhallab yeelame: la sẽn yeel rẽ wã, sõmã ning sẽn be a pʋgẽ, yaa sẽn na yɩl tɩ wĩndgã ra wa paas n yɩɩg yʋngã, rẽ n yɩɩd bʋg-bʋg ne no-loεta n leb n kõt-a pãng ne tũudmã n yɩɩda, la bãngdbã zemsa taaba tɩ ad zĩ-kãngã wã yaa sẽn na n mik t'a tara bas-m-yam ne wĩndgã lʋɩɩse, n tũ ne gesgo maa tẽeg-tɩrg rãmb b yiib n togs tɩ wĩndgã lʋɩɩme, la woto bala, baa tɩ yaa nin-yεng sẽn yaa tẽeg-tɩrg soab n kõ kibarã tɩ wĩndgã lʋɩɩme, gomd sẽn tʋg n wil n yɩɩda.
  5. A ɭbn Hagar yeelame (Wẽnd na yols-a): Nekre: sẽn be bidah-rãmb nins b sẽn kisgã pʋgẽ, yaa bũmb ning sẽn yẽbg tõnd zamaanã pʋgẽ ne b sẽn boond fagirã laandãan a yiib n soɑbã taoore tɩ fɑgirã nɑ n pɑ tɑ n zems wala minit pisi Ramadaanã pʋgẽ, la b sẽn kiisd lampɑ-rãmbã b sẽn mɑɑn tɩ yɑɑ tɑgmɑs n wilgd rɩɩbã la yũubã gɩdgre ne ned ning sẽn rata noorã loeese, tɩ neb nins sẽn maand-a wã yẽgemdẽ tɩ woto n yɩɩd ne a na gũbg tũudmã pʋgẽ, la ned ka mi rẽnda sã n ka neb bilfu, la yel-kãng tak-b lame tɩ b ka leb n boond laandãanã sã n ka wĩndgã lʋɩɩs poor bilfu, sẽn na yɩl tɩ wakatã paam n kẽ sõma, woto la b yẽgemda, tɩ yɩ sabab tɩ b yaoolg no-kaoorã la b yãg ne sugrã rɩɩbo, n yõsg Nabiyaamã sũnnah, rẽ n kɩt tɩ sõmã wã boog b nengẽ, tɩ b wẽngã wʋsge. La Wẽnd la d kot sõngre.

Wilg Goɑmã lebg-rãmbã

47 Buudɑ gomdã
EN English Ãnglε
UR اردو Urdiimdu
ES Español Espayõlle
ID Indonesia Ẽndoneziimdu
UG ئۇيغۇرچە Wiguuriimdo
BN বাংলা Bãngeliindu
TR Türkçe Turkiindu
RU Русский Risɩɩndã
BS Bosanski Bʋsnɑndã
SI සිංහල Sanhaliimdo
HI हिन्दी Ẽndẽemdo
ZH 中文 Sɩnondo
FA فارسی perisẽendo
VI Tiếng Việt Vieetnãamdo
TL Tagalog Tɑgεloog
KU Kurdî Kurdiimdo
HA Hausa Haoosa
PT Português Portɩgaleemdo
ML മലയാളം Malayalam goama
TE తెలుగు Telgoomdo
SW Kiswahili Sʋwaahɩlɩɩmdo
TA தமிழ் Tamulɩɩmdo
MY မြန်မာ Buruma rãmb goama
TH ไทย Taɩɩland rãmb goama
DE Deutsch Almaando
PS پښتو Pastuumdu
AS অসমীয়া Asaneemdo
SQ Shqip Albaneemdo
SV Svenska Sʋwεεd rãmb goama
AM አማርኛ Amharɩɩmdo
NL Nederlands Holandẽemdo
GU ગુજરાતી Guzaratɩɩmdo
NE नेपाली Nepalẽemdo
PRS دری Dari rãmb goama
SR Српски Serbɩɩmdo
RO Română Rʋmaneemdo
HU Magyar Hõngriimdo
MG Malagasy Madagaskaar rãmb goama
OM Oromoo Oromoomdo
KN ಕನ್ನಡ Kanadẽemdo
WO Wolof الولوف
UK Українська Ikreneemdo
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية
Sagsã
Pɑɑgã