Hadiis: Tõnd rag n yiisda Zakaat al-fɩtrã, Wẽnd Tẽn-tʋʋm (Wẽnd pʋʋsg la A tɩlgr be a yĩnga) sẽn wa n be tõnd pʋgẽ, bi-bilf la kãsem fãa zugu, burkĩn maa yamb fãa zugu, saawall sẽn yaa rɩɩbo, maa saawall sẽn yaa bĩis-koεεnga, maa saawall sẽn yaa Sa'ɩɩre (ki), maa saawall sẽn yaa Tamarʋ, maa saawall sẽn yaa sib-koeemse

عَنْ أَبِي سَعِيدٍ الْخُدْرِيِّ رضي الله عنه قَالَ:
كُنَّا نُخْرِجُ إِذْ كَانَ فِينَا رَسُولُ اللهِ صَلَّى اللهُ عَلَيْهِ وَسَلَّمَ زَكَاةَ الْفِطْرِ، عَنْ كُلِّ صَغِيرٍ وَكَبِيرٍ، حُرٍّ أَوْ مَمْلُوكٍ، صَاعًا مِنْ طَعَامٍ، أَوْ صَاعًا مِنْ أَقِطٍ، أَوْ صَاعًا مِنْ شَعِيرٍ، أَوْ صَاعًا مِنْ تَمْرٍ، أَوْ صَاعًا مِنْ زَبِيبٍ، فَلَمْ نَزَلْ نُخْرِجُهُ حَتَّى قَدِمَ عَلَيْنَا مُعَاوِيَةُ بْنُ أَبِي سُفْيَانَ رضي الله عنه حَاجًّا، أَوْ مُعْتَمِرًا فَكَلَّمَ النَّاسَ عَلَى الْمِنْبَرِ، فَكَانَ فِيمَا كَلَّمَ بِهِ النَّاسَ أَنْ قَالَ: إِنِّي أَرَى أَنَّ مُدَّيْنِ مِنْ سَمْرَاءِ الشَّامِ، تَعْدِلُ صَاعًا مِنْ تَمْرٍ، فَأَخَذَ النَّاسُ بِذَلِكَ، قَالَ أَبُو سَعِيدٍ: فَأَمَّا أَنَا فَلَا أَزَالُ أُخْرِجُهُ كَمَا كُنْتُ أُخْرِجُهُ، أَبَدًا مَا عِشْتُ.
[صحيح] - [متفق عليه] - [صحيح مسلم: 985]

Yii a Abɩɩ Saʿɩɩd Al-ẖʋdriy nengẽ (Wẽnd yard be a yĩnga) a yeelame:
Tõnd rag n yiisda Zakaat al-fɩtrã, Wẽnd Tẽn-tʋʋm (Wẽnd pʋʋsg la A tɩlgr be a yĩnga) sẽn wa n be tõnd pʋgẽ, bi-bilf la kãsem fãa zugu, burkĩn maa yamb fãa zugu, saawall sẽn yaa rɩɩbo, maa saawall sẽn yaa bĩis-koεεnga, maa saawall sẽn yaa Sa'ɩɩre (ki), maa saawall sẽn yaa Tamarʋ, maa saawall sẽn yaa sib-koeemse, la tõnd ka bak n yiisd-a halɩ t'a Mʋ'aawɩya ɭbn Abɩɩ Sʋfyaan wa, n maan hagiimd bɩ Ʋmra, n gom ne nebã mimbarã zugu, a sẽn gom nebã ne bũmb ningã, sẽn be beenẽ, a yeelame: mam neeme tɩ mudd a yiib sẽn yaa Šaam ki wã, a ta tamarʋ saawalle, tɩ nebã rɩk bʋ-kãngã a nengẽ: a Abʋʋ Saɩɩd yeelame: la sã n yaa maam, m ka bak n ket n yiisd-a wala m sẽn da yiisd-a wã m sẽn ket n vɩ tεka.
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Muslim - 985]

bilgrã

Lɩslaambã rag n yiisda b Zakaat Al-fɩtrã Nabiyaamã wakato (Wẽnd pʋʋsg la A tɩlgr be a yĩnga) la a Lεdsdbã sẽn yaa kãndbã, bi-bilf la kãsem zugu, sẽn zems saawall sẽn yaa rɩɩbo. La b rɩɩbã ra yɩɩme n yaa sa'ɩɩre la (zabɩɩbe) sib-koeemse, la (Al-aƙt) biisim sẽn kʋɩɩse la tamarʋ. La saawallã al-ƙadr yaa mudd a naase, la mudd a yembr zemsa wala rao sẽn zems nus a yiib poεεma. La a Mu'aawɩya (Wẽnd yard be a yĩnga) sẽn wa Madiinã, mikame tɩ yẽ la lɩslaambã naaba, mikame tɩ Šaam Al-kamã rag n wʋsgame, a goma ne-ba n yeele: mam neeme tɩ Šaam al-ƙamã mudd a yiib (saawall pʋsʋka) a zemsda tamarʋ wã saawalle, tɩ nebã rɩk rẽnda. A Abʋʋ Sa'ɩɩd Al-hʋdriy (Wẽnd yard be a yĩnga) yeele: la sã n yaa maam, m ka bak n yiisd-a wala m sẽn da yiisd-a Nabiyaamã wakatã (Wẽnd pʋʋsg la A tɩlgr be a yĩnga) tɩ m sã n ket n vɩ.

Sẽn be Hɑdiisã yõod-rãmbẽ

1. Yaa vẽnegr n wilgd Zakaat al-fɩtrã sẽn ta a soabã, Nabiyaamã (Wẽnd pʋʋsg la A tɩlgr be a yĩnga) wakatã, yaa saawall sẽn yaa rɩɩbo, baa t'a kõbgã sã n yõsa taaba.
2. Rɩɩb sẽn yaa ninsaalbã rɩɩb fãa, a sekda yãk Zakaat al-fɩtre, la b welga kõbg a naasã n togse, bala bãmb n rag n yaa nebã rɩɩb sẽn waoog n yɩɩda, Nabiyaamã wakatã (Wẽnd pʋʋsg la A tɩlgr be a yĩnga).
3. Yiis zẽng sẽn ka rɩɩbo, sẽn yaa ligdi, a ka sekd Zakaat al-fɩtr zĩigẽ ye.
4. A An-nawawiy (Wẽnd na yols-a) a yeelame a Muslim sarhã wã pʋgẽ (Wẽnd yard be a yĩnga): la sahaabsã sã n yõs taaba, b sãnda gom reegr ka sõmb n yɩɩd sãnda ye, rẽnd d na n lebg n kẽnga daliil a to n gese, d mikame tɩ daliil-rãmbã vẽenegã la b rɩk n make, fãa zemsa taaba, n maan sart t'a yɩ saawall sẽn yaa Hinta (ki) la sẽn wõnd rẽ, yaa tɩlae tɩ b tablg yẽ.
5. A ɭbn Hagar yeelame (Wẽnd yard be a yĩnga): a Abʋʋ Sa'ɩɩd Al-hudriy hadiisã pʋgẽ, wilgda a sẽn da be bũmb ninga zug sẽn yaa Nabiyaamã pʋgb keelem la a vũun-rãmbã gãdbo, la bas rẽnda n na n bʋ nidg pãnga n lagem ne nasã sẽn be wã fãa, la a Mʋ'aawɩya sẽn maan bũmb ning tɩ nebã sak-a wã wilgdame tɩ nidg pãng sakda dĩinã pʋga, a yaa bũmb b sẽn pẽge la nas sã n wa beẽ n gɩdge, mikdame t'a yaa yooko.