Hadiis: Tõnd rɩɩ sugrã rɩɩb ne Nabiyaamã (Wẽnd pʋʋsg la A tɩlgr be a yĩnga), rẽ poorẽ t'a yik n kẽng Pʋʋsgã, tɩ mam yeele: wakatã sẽn da be laandaanã la sugrã rɩɩb yaa wãnã? T'a yeele: Aayae pis-nu alkadre

عَنْ زَيْدِ بْنِ ثَابِتٍ رَضِيَ اللَّهُ عَنْهُ قَالَ:
تَسَحَّرْنَا مَعَ النَّبِيِّ صَلَّى اللهُ عَلَيْهِ وَسَلَّمَ، ثُمَّ قَامَ إِلَى الصَّلاةِ، قُلْتُ: كَمْ كَانَ بَيْنَ الأَذَانِ وَالسَّحُورِ؟ قَالَ: قَدْرُ خَمْسِينَ آيَةً.
[صحيح] - [متفق عليه] - [صحيح البخاري: 1921]

Yii a Zayd ɭbn Saabɩt nengẽ (Wẽnd yard be a yĩnga) a yeelame:
Tõnd rɩɩ sugrã rɩɩb ne Nabiyaamã (Wẽnd pʋʋsg la A tɩlgr be a yĩnga), rẽ poorẽ t'a yik n kẽng Pʋʋsgã, tɩ mam yeele: wakatã sẽn da be laandaanã la sugrã rɩɩb yaa wãnã? T'a yeele: Aayae pis-nu alkadre.
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 1921]

bilgrã

Tõnd rɩɩ sugr rɩɩbo, ne Nabiyaamã (Wẽnd pʋʋsg la A tɩlgr be a yĩnga), rẽ poorẽ t'a yiki (Wẽnd pʋʋsg la A tɩlgr be a yĩnga) n kẽng Fagirã Pʋʋsgẽ wã. T'a Annas yeel a Zayd ɭbn Saabɩt (Wẽnd yard be a yĩnga) laandaanã la sugrã rɩɩb rag n yaa wãnã? T'a Zayd ɭbn Saabɩt yeele (Wẽnd yard be a yĩnga) yaa Aayae pis-nu alkadre, ka wogdo, ka koeese, ka kareng tʋʋlga, leb n ka kareng maasga.

Sẽn be Hɑdiisã yõod-rãmbẽ

1. Wilgda sugrã rɩɩb sõmblem sẽn yɩɩde, n tʋg n tãag fagirã sẽn wat n pẽnege, bala a sã n yaoolg-a a nafda yĩnga n yɩɩde, a nafã me na n leb n gũbga raarã gilli.
2. Wilgda sahaabsã sẽn tar nong-kεgεng ne b na tigim ne Nabiyaamã (Wẽnd pʋʋsg la A tɩlgr be a yĩnga) n rɩtẽ la b karemd a nengẽ.
3. Wilgda Nabiyaamã (Wẽnd pʋʋsg la A tɩlgr be a yĩnga) vɩɩm-n-ta-sõngã ne a sahaabsã, la a rag n rɩta ne-ba.
4. Bas rɩɩbã yaa fagirã pukr wakato.
5. La a sẽn yeele: "wakatã sẽn da be laandaanã la sugrã rɩɩb yaa wãnã?" sẽn ratã yaa sugrã rɩɩb la fagirã Pʋʋsgo, bala a yeela hadiis a to pʋgẽ: "b sẽn na n rɩ sugrã n sε la b kẽ Pʋʋsgã taa wãnã", la hadiis-rãmbã welsda taaba.
6. A Al-Muhallab yeelame (Wẽnd na yols-a): be a pʋgẽ tɩ b tõe n geela wakat-rãmbã ne yĩngã tʋʋma, bala bãmb rag n yɩɩme n geend wakat-rãmbã n makd ne tʋʋmã, wala b sẽn yet tɩ zemsa wala pesg pẽebo, la zemsa wala yʋgemd kʋʋbo, rẽ n kɩt t'a Zayd ɭbn Saabɩt (Wẽnd yard be a yĩnga) bas rẽnda n kẽng n tʋg n mak-a ne karengo, rat n na n wilg tɩ wakat-kãngã rag n yɩɩme n yaa tũudum wakat ne Alkʋrãanã karengo.
7. A ɭbn Abɩɩ Gamra yeelame (Wẽnd na yols-a) Nabiyaamã (Wẽnd pʋʋsg la A tɩlgr be a yĩnga) rag n yɩɩme n get bũmb ning sẽn yaa yol-yol ne a poorẽ rãmba, n maand rẽnda, bala a sã n rag ka rɩ sugrã rɩɩbo, b rag n na n kell n tũ-a lame tɩ wa pak sãnda, la a sã n leb n rɩ sugrã yʋn-sʋk me rẽ rag na n paka sãnda, neb nins gõeemã sẽn wind-b rãmbã, tõeeme n yɩ sabab t'a soabã bas fagirã Pʋʋsgo, maa a wɩsg a meng n kɩɩs a nif n gũ rɩɩbã.