Ab Adiis: Xëdd nañu ak Yonente bi yal na ko Yàlla dolli xéewal ak mucc mu daal di jug jëm ca julli ga, ma ne ko: ñaata moo dox ci diggante nodd gi ak xëdd gi? Mu ne: luy tolloo ak juróom-fukki aaya

عَنْ زَيْدِ بْنِ ثَابِتٍ رَضِيَ اللَّهُ عَنْهُ قَالَ:
تَسَحَّرْنَا مَعَ النَّبِيِّ صَلَّى اللهُ عَلَيْهِ وَسَلَّمَ، ثُمَّ قَامَ إِلَى الصَّلاةِ، قُلْتُ: كَمْ كَانَ بَيْنَ الأَذَانِ وَالسَّحُورِ؟ قَالَ: قَدْرُ خَمْسِينَ آيَةً.
[صحيح] - [متفق عليه] - [صحيح البخاري: 1921]

Jële nañu ci Saydu ibn Saabit yal na ko Yàlla dollee gërëm mu wax ne:
Xëdd nañu ak Yonente bi yal na ko Yàlla dolli xéewal ak mucc mu daal di jug jëm ca julli ga, ma ne ko: ñaata moo dox ci diggante nodd gi ak xëdd gi? Mu ne: luy tolloo ak juróom-fukki aaya.
[Wér na] - [Al-buxaariy ak Muslim dëppoo nañu ci génnee ko ci seen ñaari téere yi gën a wér] - [Téere Al-buxaariy bi gën a wér - 1921]

Leeral

Yenn Sahaaba yi yal na leen Yàlla dollee gërëm xëdd nañu ak Yonnente bi yal na ko Yàlla dolli xéewal ak mucc, topp mu jog moom Yonnente bi jëm ca jullig fajar ga. Anas daldi wax Sayd ibn Saabit yal na ko Yàlla dollee gërëm ne ko: ñaata la waxtu wi toll ci diggante nodd gi ak bàyyi xëdd? Sayd yal na ko Yàlla dollee gërëm ne ko: mi ngi tollu ak jàng juróom-fukki aaya yu yam, yoo xamne guddul waaye gàttul, njàng ma it gaawul waaye yeexul.

Bokk na ci njariñi Adiis bi

1. Ngëneelu yeex a xëdd ba fajar gi des lu néew; ndaxte bu yeexee ca la ëppee njariñ ca yaram wi di gën a am njariñ ci moom ci bis bi.
2. Xérug Sahaaba yi am ci dajaloo ak yonente bi ngir ñu jànge ci moom.
3. Rafetug dunddinu Yonnente bi yal na ko Yàlla dolli xéewal ak mucc ñeel ay Sahaabaam, ba tax mu daan lekkandoo ak ñoom.
4. Waxtuw jàpp mooy fenkug fajar gi.
5. Waxam ji: "ñaata moo dox ci diggante nodd gi ak xëdd gi", li ñu ci namm mooy diggante xëdd gi ak liqaam gi; ndax ki mu wax ci beneen hadiis: "ñaata moo dox ci bi ngeen noppee ci xëdd gi ak bi ngeen dugge ci julli gi", te hadiis yi yenn yi dañuy firi yeneen yi.
6. Al-Muhallab nee na: nekk na ci it nattale waxtu yi ci jëfi yaram yi, Araab yi daan nañu nattale waxtu yi ci jëfi yaram yi niki seen wax jii: luy tolloo ak rattub gàtt, ak luy tolloo ak loj giléem, Sayd ibn Saabit yal na ko Yàlla dollee gërëm jeng jëm ci nattale ci njàng mi; ngir junj ci ne waxtu wi waxtuw jaamu la ci jàng, bu doon daan nañu nattale ci lu dul ag jëf, kon dana wax ci misaal: luy tollu daraja sàngam walla mu ne ñatteelu xaaj ci juróomeelu xaaju waxtu wi.
7. Ibn Abii Jamrata nee na: Yonnente bi yal na ko Yàlla dolli xéewal ak mucc daan na xool li gën a woyof ci xeetam wi mu def ko; ndaxte moom bu xëddul woon kon danañu ko ca topp te kon dana diis ci ñenn ñi, bu xëddoon ci diggu guddi gi kon it dana diis ci ñenn ñi nga xam ne nelaw moo leen di not ndax amaana mu yóbbe leen ñu bàyyi jullig suba gi walla muy sonnu lool ngir baña nelaw.