Hadith: Niara-nisakafo maraina tamin'ny Mpaminany (S.A.W) izahay, ary nitsangana nivavaka izy avy eo, dia niteny aho hoe : Hafiriana no teo anelanelan'ny Azan sy ny sakafo maraina (Sohor)? Dia hoy izy namaly : Andininy masina dimampolo eo ho eo

عَنْ زَيْدِ بْنِ ثَابِتٍ رَضِيَ اللَّهُ عَنْهُ قَالَ:
تَسَحَّرْنَا مَعَ النَّبِيِّ صَلَّى اللهُ عَلَيْهِ وَسَلَّمَ، ثُمَّ قَامَ إِلَى الصَّلاةِ، قُلْتُ: كَمْ كَانَ بَيْنَ الأَذَانِ وَالسَّحُورِ؟ قَالَ: قَدْرُ خَمْسِينَ آيَةً.
[صحيح] - [متفق عليه] - [صحيح البخاري: 1921]

Tatitra azo avy tamin'i Zaid Ibn Thabit (R.A) niteny :
Niara-nisakafo maraina tamin'ny Mpaminany (S.A.W) izahay, ary nitsangana nivavaka izy avy eo, dia niteny aho hoe : Hafiriana no teo anelanelan'ny Azan sy ny sakafo maraina (Sohor)? Dia hoy izy namaly : Andininy masina dimampolo eo ho eo.
[Mari-pototra] - [Notantarain’i Bokhari sy Moslim] - [Sahìh Al-Bokhari - 1921]

Ny fanazavana

Niara-nisakafo maraina tamin'ny Mpaminany (S.A.W) ny sasany tamin'ireo mpanaradia, ary avy eo dia nitsangana izy handeha hanao ny vavaky ny maraina (Swalat Fajri). Hoy Anas tamin'i Zaid bin Thabit (R.A) : Firy ny fotoana teo anelanelan'ny fiantsoana (Azan) sy ny fiafaran'ny sakafo maraina? Dia hoy i Zaid hoe : Fe-potoana hamakina andininy masina dimampolo eo, sady tsy lava no tsy fohy, na koa haingana na miadana.

Lesona azo avy amin'ny Hadith

1. Tsaratsara ny manemotra ny sakafo maraina mandra-pahamarain'ny andro. Satria raha natarana kely izy dia ho lehibe kokoa ny tombotsoa ho an'ny vatana ary ho lehibe kokoa ny tombony ho azy amin'izany andro izany.
2. Fitiavan'ireo swahaba ny miara-mivory amin'ny Mpaminany (S.A.W) mba hianatra aminy.
3. Fahaizan'ny Mpaminany (S.A.W) miaina tsara amin'ireo namany, toy ny niara-nisakafo tamin'izy ireo.
4. Ny fotoana farany hisakafoana dia ny mangiran-dratsy.
5. Ny teniny hoe : “Hafiriana no faharetana teo anelanelan’ny antso ho amin’ny fivavahana sy ny sahoor”, ny tiana ho lazaina dia eo anelanelan’ny sahoor sy ny ikama; Satria hoy izy ao amin'ny hadith hafa : "Mandra-pahoviana ny fotoana eo anelanelan'izy ireo amin'ny fialan-tsasatra sy ny fidirana amin'ny fivavahana?". Ary ny Hadith dia mifanazava ny andaniny amin'ny ankilany.
6. Hoy i Al-Mohallab : Mirakitra ny fanombanana ny fotoana amin'ny asan'ny vatana izy io, ary ny Arabo dia nanombantombana ny fotoana tamin'ny asa, araka ny filazan'izy ireo hoe : Ny habetsahan'ny rononon-dreny, ary ny habetsahan'ny famonoana rameva, ka i Zaid i bin Thabit (R.A) dia nanova izany mba hanombanana amin'ny famakiana; Fambara fa fotoam-pivavahana tamin’ny alàlan’ny famakiam-boky koran izany fotoana izany, ary raha nanombantombana izany tamin’ny alàlan’ny zavatra hafa ankoatry ny asa izy ireo, dia ho nilaza izy ireo, ohatra : ny habetsahan’ny mari-pahaizana, na ny ampahatelon’ny na ampahadimin’ny ora iray.
7. Hoy I Ibn Abi Jamrah : i Mpaminany (S.A.W) dia mijery izay tsotra sy tsara amin’ny vahoakany dia hanao izany. Satria raha tsy nisakafo tamin'ny maraina izy dia nanaraka azy ireo mpanaradiany, ary raha nisakafo tamin'ny misasak'alina izy, dia sarotra ho an'ny sasany izay rendriky ny torimaso, satria mety hitarika ho amin'ny fandaozan'izy ireo ny vavaka maraina izany na mila miady mafy amin'ny fifoazana amin'ny alina.