Hadiis: Wẽnd Tẽn-tʋʋmã (Wẽnd pʋʋsg la A tɩlgr be a yĩnga) maana Zakaat Al-fitrã tɩ yaa tɩlae, tamarʋ saawalle, maa saʿɩɩr saawalle, yamb zug fãa, maa burkĩn zug fãa, la rao zug fãa, maa pag zug fãa, bi-bilf zug fãa, maa kãsem zug fãa, sẽn yi lɩslaambẽ, la a sagl tɩ b kɩs-a taoor tɩ nebã na n ka yi n kẽng Pʋʋsgẽ wã

عَنِ ابْنِ عُمَرَ رَضِيَ اللَّهُ عَنْهُمَا قَالَ:
فَرَضَ رَسُولُ اللَّهِ صَلَّى اللهُ عَلَيْهِ وَسَلَّمَ زَكَاةَ الفِطْرِ صَاعًا مِنْ تَمْرٍ، أَوْ صَاعًا مِنْ شَعِيرٍ، عَلَى العَبْدِ وَالحُرِّ، وَالذَّكَرِ وَالأُنْثَى، وَالصَّغِيرِ وَالكَبِيرِ مِنَ المُسْلِمِينَ، وَأَمَرَ بِهَا أَنْ تُؤَدَّى قَبْلَ خُرُوجِ النَّاسِ إِلَى الصَّلاَةِ.
[صحيح] - [متفق عليه] - [صحيح البخاري: 1503]

Yii a ɭbn ʿƲmar nengẽ, (Wẽnd yard be b yiibã yĩnga), a yeelame:
Wẽnd Tẽn-tʋʋmã (Wẽnd pʋʋsg la A tɩlgr be a yĩnga) maana Zakaat Al-fitrã tɩ yaa tɩlae, tamarʋ saawalle, maa saʿɩɩr saawalle, yamb zug fãa, maa burkĩn zug fãa, la rao zug fãa, maa pag zug fãa, bi-bilf zug fãa, maa kãsem zug fãa, sẽn yi lɩslaambẽ, la a sagl tɩ b kɩs-a taoor tɩ nebã na n ka yi n kẽng Pʋʋsgẽ wã.
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 1503]

bilgrã

Nabiyaamã (Wẽnd pʋʋsg la A tɩlgr be a yĩnga) maana zakaat Al-fɩtr tɩ yaa tɩlae Ramadaanã poorẽ, yẽ me yaa sẽn zems saawalle, a zems mud a naase. La Muddã: yaa sẽn pit rao sẽn zemse a nus a yiibã, yaa tamarʋ maa sa'ɩɩre lɩslaam zug fãa, burkĩn la yamba, raoa la paga, bi-kɩdga la kãsema, la yẽnda yaa ned ning sẽn tara bũmb tɩ kelle, a raarã ne a yĩngã yãkr poorẽ, n yãk a meng yĩnga la ned fãa rɩlgr sẽn zao yẽ. La a saglame tɩ b yãk-a n kɩse, taoor tɩ nebã na n ka yi n kẽng tigrã Pʋʋsgẽ.

Sẽn be Hɑdiisã yõod-rãmbẽ

1. Zakaat Al-fɩtrã Ramadaanã pʋgẽ yaa tɩlae tɩ b kɩs-a, bi-bilf zugu, la kãsema, la burkĩn la yamba, la sẽn gomd ne wã yaa kom-bãanegã zãadba la yembsã zu-sobend-rãmba. La rao yiisd-a-la a mengã zugu la a koamba la neb nins rɩɩb sẽn zao yẽndã wã.
2. Zakaat Al-fɩtr ka tɩlae n zao ne pag-pʋg ye, la b bʋʋ nonglem.
3. Vẽnegdame n wilgd Zakaat Al-fɩtr sẽn yaa tɩlae ne bũmb ningã la ad yaa nebã rɩɩb ningã b sẽn minimã.
4. Yaa tɩlae tɩ b yiis-a taoor tɩ b na n ka kẽng tigrã Pʋʋsgẽ wã, la sõma sẽn yɩɩd yaa a yɩ tigrã raar yibeoogo, la sakdame tɩ b yiis-a tɩ tigrã na n ka ta ne raar a yembr maa rasem a yiibu.