ሓዲሥ: ሰዎች ማፍጠርን እስካቻኮሉ ድረስ መልካም ላይ ከመሆን አይወገዱም።
عَنْ سَهْلِ بْنِ سَعْدٍ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«لَا يَزَالُ النَّاسُ بِخَيْرٍ مَا عَجَّلُوا الْفِطْرَ».
[صحيح] - [متفق عليه] - [صحيح مسلم: 1098]
المزيــد ...
ከሰህል ቢን ሰዕድ (ረዲየላሁ ዐንሁ) - አላህ መልካም ሥራቸውን ይውደድላቸውና - እንደተላለፈው: የአላህ መልክተኛ (የአላህ ሶላትና ሰላም በእርሳቸው ላይ ይስፈንና) እንዲህ ብለዋል:
"ሰዎች ማፍጠርን እስካቻኮሉ ድረስ መልካም ላይ ከመሆን አይወገዱም።"
[ሶሒሕ ነው።] - [ቡኻሪና ሙስሊም ዘግበውታል።] - [ሶሒሕ ሙስሊም - 1098]
ነቢዩ (የአላህ ሰላትና ሰላም በእርሳቸው ላይ ይስፈን) ሰዎች ፀሐይ መግባቷን ካረጋገጡ በኋላ ከጾም ማፍጠርን እስካቻኮሉ ድረስ መልካም ላይ ከመሆን አይወገዱም ብለው ተናገሩ። ይህም ሱናን በመተግበራቸውና የተወሰነላቸው ገደብ ላይ በመቆማቸው ነው።
ከሐዲሱ የምንጠቀማቸው ቁምነገሮች
- ነወዊይ እንዲህ ብለዋል: «ይህ ሐዲሥ ፀሐይ መግባቷ ከተረጋገጠ በኋላ በፍጥነት በማፍጠር ላይ ያነሳሳል። ሀሳቡም ኡመቶቼ ይህን ሱና መጠበቅን እስከዘወተሩበት ድረስ ጉዳያቸው የተስተካከለና ስርዓት የያዘ ከመሆን አይወገድም። ያዘገዩት ጊዜ ደግሞ ይህ ለሚወድቁበት ብልሽት ምልክት ይሆናል።»
- ሰዎች ሱናን በመከተላቸው ምክንያት በመካከላቸው መልካም ነገር እንደሚቆይና የነገሮች መበላሸት ሱናን ከመለወጥ ጋር ተያይዞ እንደሚመጣ እንረዳለን።
- የመጽሐፍ ባለቤቶችና የቢድዓ ሰዎችን መቃረን እንደሚገባ እንረዳለን። እነርሱ አዘግይተው ነው የሚያፈጥሩትና።
- ኢብኑ ሐጀር እንዲህ ብለዋል: «ሐዲሡ ምክንያቱንም አብሮ ገልጿል። ሙሀልለብ እንዲህ ብለዋል: "የዚህም ጥበብ ከምሽቱ ክፍል ቀኑ ላይ እንዳይጨመር ነው። እንዲሁም ለጾመኛው የገራና በአምልኮ ላይም የሚያጠነክረው ስለሆነ ነው። የማፍጠሪያ ወቅትም ፀሐይ መግባቷን በማየት ወይም ሁለት ታማኝ ሰዎች በመናገራቸው የሚረጋገጥ እንደሆነ ዑለማዎች ተስማምተዋል። ልክ እንደዚሁ ሚዛን በሚደፋው የዑለማዎች አቋም መሰረት በአንድ ታማኝ ሰው ንግግር ከተረጋገጠም ማፍጠር ይቻላል።»
- ኢብኑ ሐጀር እንዲህ ብለዋል: "ማስገንዘቢያ: ረመዷን ውስጥ ሁለተኛውን የፈጅር አዛን ፈጅር ከመውጣቱ በፊት በማድረግና መጾም ለፈለገ ሰው የመብላትና የመጠጣት ጊዜው እንዳለቀ ለማሳወቅ በሚል ሙግት የተዘጋጀውን የመብራት ምልክት ማጥፋት በዚህ ዘመን ከሚስተዋሉ ውግዝ ከሆኑ ቢድዓዎች መካከል ነው። ይህንንም የፈለሰፉ ሙብተዲዖች አምልኮ ላይ ጥንቃቄ ለማድረግ ነው ብለው ይሞግታሉ። ይህንንም ምልክት የነሱ ሰዎች ካልሆኑ በቀር አይረዱትም። ቀስ በቀስም ይህ ቢድዓቸው ወቅቱ ላይ እርግጠኛ እንድንሆን ነው በሚል ሙግታቸው ሰበብ ፀሃይ ከገባ በኋላ ካልሆነ በቀር አዛን ላለማድረግ እና የማፍጠሪያ ወቅትንም ለማዘግየት የሱሑርንም ወቅት ለማቻኮል ዳረጋቸው። ስለዚህም በነርሱ ውስጥ መልካሙ መነመነ ክፋቱ በረከተ። አላህን እገዛውን እንማፀናለን።"
ምድቦች
- ፊቅህና የፊቂህ መርሆዎች . የአምልኮ ፊቂህ . ፆም . የፆም ሱናዎች