ሓዲሥ: በአላህ መንገድ ላይ አንድ ቀን የጾመ ሰው አላህ ፊቱን ከእሳት ሰባ ዓመታት ያርቀዋል።
عَنْ أَبِي سَعِيدٍ الْخُدْرِيِّ رَضِيَ اللهُ عَنْهُ قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ:
«مَنْ صَامَ يَوْمًا فِي سَبِيلِ اللهِ بَاعَدَ اللهُ وَجْهَهُ عَنِ النَّارِ سَبْعِينَ خَرِيفًا».
[صحيح] - [متفق عليه] - [صحيح مسلم: 1153]
المزيــد ...
ከአቡ ሰዒድ አልኹድሪይ (ረዲየሏሁ ዐንሁ) - አላህ መልካም ሥራቸውን ይውደድላቸውና - እንደተላለፈው እንዲህ አለ: «የአላህ መልክተኛ (የአላህ ሰላትና ሰላም በእርሳቸው ላይ ይስፈን) እንዲህ ሲሉ ሰምቻለሁ:
"በአላህ መንገድ ላይ አንድ ቀን የጾመ ሰው አላህ ፊቱን ከእሳት ሰባ ዓመታት ያርቀዋል።"
[ሶሒሕ ነው።] - [ቡኻሪና ሙስሊም ዘግበውታል።] - [ሶሒሕ ሙስሊም - 1153]
ነቢዩ (የአላህ ሰላትና ሰላም በእርሳቸው ላይ ይስፈን) አንድ ቀን በጂሃድ ላይ እያለ የጾመ ሰው፤ ‐ በጂሃድም ሆነ ከዛ ውጪ እያለ የአላህን ምንዳና አጅር ፈልጎ ለአላህ አጥርቶ የፆመ ማለት ነውም ተብሏል። ‐ አላህ በችሮታው በርሱና በእሳት መካከል ሰባ ዓመታትን ያራርቃል ብለው ገለፁ።
ከሐዲሱ የምንጠቀማቸው ቁምነገሮች
- ነወዊይ እንዲህ ብለዋል: «በአላህ መንገድ ላይ ሆኖ መጾም የሚያስገኘው ትሩፋት የሚተረጎመው በመጾሙ የማይጎዳ ለሆነ፤ በመጾሙ የሌሎችን ሐቆች የማያስመልጥ ለሆነ፤ የመዋጋቱና ሌሎች የጦርነት ግዳጆቹ ላይ የማያጓድል ለሆነ ሰው ነው።»
- ሱና ጾም በመጾም ላይ መነሳሳቱንና መበረታታቱን እንረዳለን።
- ሥራን ለአላህ ማጥራትና በርሱ የአላህን ውዴታ መፈለግ ግዴታ ነው። ለይዩልኝ፣ ለይስሙልኝና ለሌሎች አላማ ብሎ መጾም የለበትም።
- ሲንዲይ እንዲህ ብለዋል: «ሐዲሡ ውስጥ (በአላህ መንገድ) የሚለው ኒያን ማስተካከል ብቻ (ለአላህ ብሎ) በማለትም ሊተረጎም ይችላል፤ ዘመቻ ላይ ሆኖ የጾመ በማለት ሊተረጎምም ይችላል። ወደ አዕምሮ ፈጥኖ የሚገባው ሀሳብ ግን ሁለተኛው ትርጉም ነው።»
- ኢብኑ ሐጀር እንዲህ ብለዋል: ሐዲሡ ውስጥ (ሰባ መኸር) የሚለው ንግግር: መኸር ከዓመቱ ወቅቶች ውስጥ የሚታወቅ ጊዜ ያለው ወቅት ነው። ሐዲሡ ውስጥ የተፈለገው ግን ዓመትን ለመግለፅ ነው። ሌሎችን የዓመቱ ክፍለጊዜያት (በጋ፣ክረምት፣ በልግን) ትተው መኸርን ለይተው የጠቀሱት መኸር ዘር የሚቀጠፍበት ምርጡ ክፍለጊዜ ስለሆነ ነው።
ምድቦች
- ፊቅህና የፊቂህ መርሆዎች . የአምልኮ ፊቂህ . ፆም . የፈቃደኝነት ጾም