ჰადისი: ვინც ალლაჰის გზაზე ერთი დღე იმარხულებს, ალლაჰი მის სახეს ჯოჯოხეთისგან სამოცდაათი წლის (ხარიფ) მანძილით დააშორებს

عَنْ أَبِي سَعِيدٍ الْخُدْرِيِّ رَضِيَ اللهُ عَنْهُ قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ:
«مَنْ صَامَ يَوْمًا فِي سَبِيلِ اللهِ بَاعَدَ اللهُ وَجْهَهُ عَنِ النَّارِ سَبْعِينَ خَرِيفًا».
[صحيح] - [متفق عليه] - [صحيح مسلم: 1153]

გადმოცემულია აბუ საიდ ალ-ხუდრისგან (ალლაჰის იყოს მისით კმაყოფილი), რომ მან თქვა: გავიგონე, თუ როგორ ამბობდა ალლაჰის მოციქული (ალლაჰის ლოცვა და მშვიდობა მას):
«ვინც ალლაჰის გზაზე ერთი დღე იმარხულებს, ალლაჰი მის სახეს ჯოჯოხეთისგან სამოცდაათი წლის (ხარიფ) მანძილით დააშორებს».
[სანდო (საჰიჰ)] - [შეთანხმებული] - [საჰიჰ მუსლიმ - 1153]

განმარტება

მოციქულმა (ალლაჰის ლოცვა და მშვიდობა მას) განმარტა, რომ ვინც იმარხებს ერთი დღე ჯიჰადში, ასევე ითქვა: სხვა დროსაც, გულწრფელად ალლაჰის გულისთვის, ალლაჰისგან მადლისა და საზღაურის ლოდინით; ჭეშმარიტად ალლაჰი თავისი წყალობით დააშორებს მის სახეს ცეცხლისგან სამოცდაათი წლის მანძილზე.

ჰადისის სარგებლობიდან

1. ალ-ნავავიმ თქვა: «მარხვის მადლი ალლაჰის გზაზე - ამ ჰადისის მნიშვნელობა განეკუთვნება იმ ადამიანს, რომელსაც მარხვა ზიანს არ აყენებს, არ უშლის ხელს ვალდებულებების შესრულებაში, არ არღვევს მის ბრძოლას (ჯიჰადს) და არ აფერხებს სხვა მნიშვნელოვან საქმეებს მისი ლაშქრობისას».
2. მოწოდება და წახალისება ნებაყოფილობით მარხვაზე.
3. აუცილებელია გულწრფელობა და ალლაჰის კმაყოფილების ძიება. მარხვა არ უნდა იყოს შესრულებული ჩვენებისთვის, მოწონებისთვის ან სხვა მიზნებისთვის.
4. ას-სინდიმ თქვა: სიტყვები (ალლაჰის გზაზე), შესაძლებელია ამ სიტყვებში მხოლოდ სწორი განზრახვა იგულისხმებოდეს. და ასევე შესაძლებელია, რომ ბრძოლის ველზე ყოფნის დროს მარხვა იგულისხმებოდეს, მეორე ვარიანტი უფრო ახლოსაა.
5. იბნ ჰაჯარი ამბობს: «სიტყვები: (სამოცდაათი ხარიფი) ხარიფი გარკვეული დროის პერიოდია წლის განმავლობაში (შემოდგომა), ამ შემთხვევაში კი ერთი სრული წელი იგულისხმება, და შემოდგომის გამოყოფა მოხდა სხვა სეზონებთან შედარებით - გაზაფხული, ზაფხული და ზამთარი- იმიტომ რომ, შემოდგომა არის ყველაზე ნაყოფიერი სეზონი, რადგან სწორედ მაშინ მწიფდება ნაყოფი.