ჰადისი: ვინც მარხულობს მთელი წელი მას არ აქვს მარხვა, სამი დღის მარხვა (თვეში) მთელი წლის მარხვის მსგავსია

عَنْ عَبْدَ اللَّهِ بْنِ عَمْرِو بْنِ العَاصِ رَضِيَ اللَّهُ عَنْهُمَا، قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«إِنَّكَ لَتَصُومُ الدَّهْرَ، وَتَقُومُ اللَّيْلَ؟»، فَقُلْتُ: نَعَمْ، قَالَ: «إِنَّكَ إِذَا فَعَلْتَ ذَلِكَ هَجَمَتْ لَهُ العَيْنُ، وَنَفِهَتْ لَهُ النَّفْسُ، لاَ صَامَ مَنْ صَامَ الدَّهْرَ، صَوْمُ ثَلاَثَةِ أَيَّامٍ صَوْمُ الدَّهْرِ كُلِّهِ»، قُلْتُ: فَإِنِّي أُطِيقُ أَكْثَرَ مِنْ ذَلِكَ، قَالَ: «فَصُمْ صَوْمَ دَاوُدَ عَلَيْهِ السَّلاَمُ، كَانَ يَصُومُ يَوْمًا وَيُفْطِرُ يَوْمًا، وَلاَ يَفِرُّ إِذَا لاَقَى».
[صحيح] - [متفق عليه] - [صحيح البخاري: 1979]

გადმოცემულია აბდულლაჰ იბნ 'ამრ იბნ ალ-'აასისგან (ალლაჰი იყოს ორივეთი კმაყოფილი), რომ მან თქვა: თქვა ალლაჰის მოციქულმა (ალლაჰის ლოცვა და მშვიდობა მას):
«შემ მარხულობ მთელი წლის განმავლობაში და ლოცულობ მთელი ღამე?», ვუთხარი: დიახ, თქვა: «შენ თუ ასე მოიქცევი ეს შეაწუხებს თვალს და დაასუსტებს სულს, ვინც მარხულობს მთელი წელი მას არ აქვს მარხვა, სამი დღის მარხვა (თვეში) მთელი წლის მარხვის მსგავსია». მე ვუთხარი: მე ამაზე მეტი შემიძლია, თქვა: «მაშ, იმარხე როგორც დაუდი მარხულობდა (მშვიდობა მას), ის ერთი დღე მარხულობდა, ერთი დღე არ მარხულობდა, და თუ მტერს შეხვდებოდა უკან არ იხევდა».
[სანდო (საჰიჰ)] - [შეთანხმებული] - [საჰიჰ ალ-ბუხარი - 1979]

განმარტება

შუამავალთან (ალლაჰის ლოცვა და მშვიდობა მას) მივიდა ამბავი, რომ აბდულლაჰ იბნ 'ამრ ბინ ალ-'ასი (ალლაჰი იყოს ორივეთი კმაყოფილი) მთელი წლის განმავლობაში შეუწყვეტლივ მარხულობდა, ღამეებს კი ლოცვაში ატარებდა და არ იძინებდა, მან აუკრძალა ეს და უთხრა მას: ზოგჯერ იმარხე, ზოგჯერ შეწყვიტე, ზოგჯერ ილოცე, ზოგჯერ დაიძინე. შეუწყვეტლივ მარხვა და შეუწყვეტლივ მთელი ღამის ლოცვაში გატარება აუკრძალა და უთხრა: შენ თუ ასე მოიქცევი დაგისუსტდება თვალები, უკან დაიწევს და ჩაგიცვივდება, დაგისუსტდება სული, დაიღლება და მოდუნდება; ვინც მთელი წელი მარხულობს მას არ ეთვლება მარხვა; რამეთუ ის ვერ მოიპოვებს მარხვის მადლს, რადგან მოიქცა აკრძალვის საპირისპიროდ, და მას არ შეუწყვეტია მარხვა, რადგან სულ მარხულობდა. შემდეგ ურჩია მას ყოველი თვე სამი დღე იმარხოს, რადგან ასეთი ფორმის მარხვა მთელი წლის მარხვის მხგავსია; რამეთუ ყოველი ერთი დღის მარხვაზე მას ათი დღის მადლი დაეწერება, და ეს არის ყველაზე დაბალი საფასური კეთილი საქმეების. (რადგან ყოველ მადლზე მინიმუმ ათი მადლი იწერება). აბდულლაჰმა თქვა: მე ამაზე მეტი შემიძლია. შუამავალმა (ალლაჰის ლოცვა და მშვიდობა მას) თქვა: მაშინ იმარხე დაუდ შუამავლის მარხვა (მშვიდობა მას), რადგან ის ყველაზე კარგი მარხვაა. ის ერთი დღე მარხულობდა, ერთი დღე არ მარხულობდა, და როცა მტერს შეხვდებოდა ის უკან არ იხევდა და არ გარბოდა; რადგან მისი მარხვის ფორმა მის სხეულს არ ასუსტებდა.

ჰადისის სარგებლობიდან

1. ყოველ თვეში სამი დღის მარხვა თითქოს მთელი წლის მარხვის მსგავსია. ეს იმიტომ, რომ ერთ სიკეთეზე ათი მადლი იწერება, ეს სამი დღე კი ოცდაათი დღის მსგავსი იქნება, და თუ ადამიანი ყოველი თვე სამი დღე იმარხებს თითქოს მან მთელი წელი იმარხა.
2. ალლაჰის რელიგიის მოწოდების მეთოდებს შორის ერთ-ერთია კონკრეტული ქმედებისკენ წახალისება, იმაზე საუბრით, თუ რა ჯილდოს მოიტანს მისი შესრულება, განსაკუთრებით მისი რეგულარული და მუდმივი განხორციელების შემთხვევაში.
3. ალ-ხატააბიმ თქვა: «აბდულლაჰ იბნ 'ამრ იბნ ალ-'ასის ამბავისგან ვიგებთ, რომ უზენაეს ალლაჰს მისი მსახურისთვის მხოლოდ მარხვა არ დაუწესებია, პირიქით მას დაუდგინა სხვადასხვა სახის ღვთისმსახურებები, და მან (მონამ) მისი მთელი ძალისხმევა ერთ რამეში რომ გამოიყენოს ეს სხვა ღვთისმსახურებებში ნაკლს გამოიწვევს. უმჯობესია იკმაროს მასში იმდენი, რამდენიც საჭიროა რათა შემოინახოს ძალა სხვა ღვთისმსახურებისთვისაც, ამაზე მიუთითებს შუამავლის (ალლაჰის ლოცვა და მშვიდობა მას) სიტყვები, რომელმაც თქვა დაუდ შუამავალზე (მშვიდობა მას): ''და თუ მტერს შეხვდებოდა უკან არ იხევდა''; რადგან ის როცა წყვეტდა მარხვას, ფიზიკურად ემზადებოდა ჯიჰადისთვის».
4. აკრძალულია ღვთისმსახურებებში საჭიროზე მეტად ჩაღრმავება და პასუხისმგებლობის აღება, უმჯობესია სუნნაზე მიყოლა.
5. სწავლულთა უმრავლესობა მოუწონარ საქციელად მიიჩნევს მთელი წელი მარხვას. ის იქნება ჰარამი (აკრძალული) თუ ეს ადამიანისთვის სირთულეს წარმოადგენს, ზარალს აყენებს მის სულს, ტვირთად აწევს მას, შუამავლის (ალლაჰის ლოცვა და მშვიდობა მას) სუნნას ზურგს აქცევს და ჰგონია, რომ სუნნას გარდა სხვა რაიმე უფრო უკეთესია.