Ab Adiis: ku woor at mi kooku woorul, woor ñatti fan mooy woor at mi yépp

عَنْ عَبْدَ اللَّهِ بْنِ عَمْرِو بْنِ العَاصِ رَضِيَ اللَّهُ عَنْهُمَا، قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«إِنَّكَ لَتَصُومُ الدَّهْرَ، وَتَقُومُ اللَّيْلَ؟»، فَقُلْتُ: نَعَمْ، قَالَ: «إِنَّكَ إِذَا فَعَلْتَ ذَلِكَ هَجَمَتْ لَهُ العَيْنُ، وَنَفِهَتْ لَهُ النَّفْسُ، لاَ صَامَ مَنْ صَامَ الدَّهْرَ، صَوْمُ ثَلاَثَةِ أَيَّامٍ صَوْمُ الدَّهْرِ كُلِّهِ»، قُلْتُ: فَإِنِّي أُطِيقُ أَكْثَرَ مِنْ ذَلِكَ، قَالَ: «فَصُمْ صَوْمَ دَاوُدَ عَلَيْهِ السَّلاَمُ، كَانَ يَصُومُ يَوْمًا وَيُفْطِرُ يَوْمًا، وَلاَ يَفِرُّ إِذَا لاَقَى».
[صحيح] - [متفق عليه] - [صحيح البخاري: 1979]

Jële nañu ci Abdullah Ibn Amr Ibnul Haas -yal na leen Yàlla dollee gërëm- mu wax ne: Yonnente Yàlla bi -yal na ko Yàlla dolli xéewal ak mucc- nee na:
"yaw de dangay woor at mi, di taxaw guddi gi?" Ma ne ko: waaw, mu ne: "yaw boo defee loolu bët yi dana ca loof, bakkan bi son ca, ku woor at mi kooku woorul, woor ñatti fan mooy woor at mi yépp", ma ne ko: man de man naa lu ëpp loolu, mu ne ma: "kon wooral woorug Daawuda yal na ko Yàlla dolli jàmm, daan na woor bis dog bis, te du daw bu dajee ak noon bi".
[Wér na] - [Al-buxaariy ak Muslim dëppoo nañu ci génnee ko ci seen ñaari téere yi gën a wér] - [Téere Al-buxaariy bi gën a wér - 1979]

Leeral

Yonnente bi yal na ko Yàlla dolli xéewal ak mucc dafa dégg ne Abdullah ibn Amr yal na ko Yàlla dollee gërëm da doon woor te du dog ci at mi yépp, daan julli guddi gi yépp te du nelaw, mu tere ko loolu, daal di ne ko: wooral te dog, taxawal te nelaw. Mu tere ko wéyal ag koor ak di taxaw guddi gi yépp, mu ne ko: boo defee loolu say bët da ciy lompañ daal di ŋiis daal di dugg, sa bakkan day lompañ daal di sonn; ku woor at mi kooku woorul; ndaxte amul fayug woor ngir li mu wuute ak tere gi, te dogul ndax ne daa woor. Yonnente bi yal na ko Yàlla dolli xéewal ak mucc daldi koy xamal woor ñatti fan ci weer wu ne te mooy woor at mi; ndaxte bis bu nekk fukki fan la te mooy li gën a néew ci liñuy ful jëf ju rafet. Abdullah ne ko: man de man naa lu ëpp loolu. Yonnente bi yal na ko Yàlla dolli xéewal ak mucc ne ko: kon wooral woorug Daawuda yal na ko Yàlla dolli jàmm te mooy woor gi gën, moom da daan woor bis dog bis, te daawul daw bu dajee ak noon bi; ndaxte nimuy woore taxul yaramam lott.

Bokk na ci njariñi Adiis bi

1. Woor ñatti fan ci weer wu ne moo ngi mel ni woor at mi yépp, ndaxte benn bu baax fukk yu mel ni moom mooy fayam. kon day nekk fanweeri fan, bu wooree ci weer wu nekk ñatti fan kon day mel ni woor na at mi yépp.
2. Bokk na ci anami woote jëme ci Yàlla xemmemloo jëf ji ak tudd ay yoolam ak yoolu ku saxoo ak moom.
3. Al-Xattaabii nee na: li ñuy jële ci nettalib Abdullah ibn Amr mooy ne Yàlla mu kawe mi jaamuloowul jaamam bi ci woor kese, waaye da ko a jaamuloo ci ay xeeti jaamu, bu ca jeexalee kàttanam kon dana gàtteñlu ci yeneen yi, kon li gën a yey mooy mu yamale ca ngir mu desal kàttan ngir yeneen yi, junj nañu loolu ci waxi Yonnente bi yal na ko Yàlla dolli xéewal ak mucc ci Daawuda yal na ko Yàlla dolli jàmm: "te bu daan dajee ak noon bi daawul daw"; ndaxte da daan dëgërlu ci dog gi ngir jihaad gi.
4. Tere nañu xóotal ak taral ci jaamu gi, yiw mooy taqoo ak sunna.
5. Ngiiru ñi ëpp ci woroom xam-xam yi mooy ne dañoo sib woor at mi, te dana araam bu dee dafa taral ci bakkanam ba lor ko diisal ko, ba mu bàyyi sunnas Yonnente bi yal na ko Yàlla dolli xéewal ak mucc fas ne leneen lu dul sunnaam si moo gën.