Ab Adiis: Waa ji ñu tudd sama tur te julliwul ci man kooku sooy na, waa ji weeru koor dugg ba jeex ta jéggalu ñu ko sooy na, waa ji fekke dunduk ñaari way-juram ñu nekk ay mag, te dugaluñu ko Àjjana kooku it sooy na

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«رَغِمَ أَنْفُ رَجُلٍ ذُكِرْتُ عِنْدَهُ فَلَمْ يُصَلِّ عَلَيَّ، وَرَغِمَ أَنْفُ رَجُلٍ دَخَلَ عَلَيْهِ رَمَضَانُ ثُمَّ انْسَلَخَ قَبْلَ أَنْ يُغْفَرَ لَهُ، وَرَغِمَ أَنْفُ رَجُلٍ أَدْرَكَ عِنْدَهُ أَبَوَاهُ الكِبَرَ فَلَمْ يُدْخِلاَهُ الجَنَّةَ».
[صحيح] - [رواه الترمذي وأحمد] - [سنن الترمذي: 3545]

Jële nañu ci Abuu Hurayrata -yal na ko Yàlla dollee gërëm -mu wax ne : Yonnente Yàlla bi -yal na ko Yàlla dolli xéewal ak mucc- nee na:
«Waa ji ñu tudd sama tur te julliwul ci man kooku sooy na, waa ji weeru koor dugg ba jeex ta jéggalu ñu ko sooy na, waa ji fekke dunduk ñaari way-juram ñu nekk ay mag, te dugaluñu ko Àjjana kooku it sooy na ».
[Wér na] - [At-tirmisiy soloo na ko, ak Ahmat] - [Téere Sunna yi bu At-tirmisiy - 3545]

Leeral

Ñatt ñii Yonente bi bi yal na ko Yàlla dolli xéewal ak mucc ñaanalna leen ag toroxtange ak doyadi ak ñàkk: Xeet wu njëkk bi: ki ñu tudd Yonnente bi fi moom te julliwul ci moom ci wax: yal na ko Yàlla dolli xéewal ak mucc mbaa lu ko niru. Ñaareel bi: ku fekke weeru koor ba mu jeex ta jéggalu ñu ko ngir ag gàtteñloom ci jaamu gi. Ñatteel bi: waa ji fekk ñaari way-juram di ay mag te nekkuñu sabab ci mu dugg àjjana ngir ag moyam ak gàtteñloom ci seen i àq.

Bokk na ci njariñi Adiis bi

1. As-Sindii nee na: li ñu ciy jële mooy kenn ku ne ci ñii am na lol bu dul woon gàtteñlu ci moom kon dana am yiw wu bari, waaye ba mu gàtteñloo ba loola raw ko moo tax mu sooy daal di ñàkk.
2. Ñaaxe ci julli ci Yonnente bi yal na ko Yàlla dolli xéewal ak mucc saa bu ñu tudee turam wi.
3. Ñaaxe ci pasteefu ak takku ci jaamu gi ci weeru koor.
4. Ñaaxe ngir góor-góor lu ci fonk ñaari way-jur ak teral leen, rawati na bu ñu nekkee mag.