නබි වදන: “කවරෙකු අල්ලාහ්ගේ මාර්ගයේ නිරතව දිනක් උපවාසය රැක්කේ ද අල්ලාහ් ඔහුගේ මුහුණ අපා ගින්නෙන් වසර හැත්තෑවක් දුරස් කරනු ඇත.”
عَنْ أَبِي سَعِيدٍ الْخُدْرِيِّ رَضِيَ اللهُ عَنْهُ قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ:
«مَنْ صَامَ يَوْمًا فِي سَبِيلِ اللهِ بَاعَدَ اللهُ وَجْهَهُ عَنِ النَّارِ سَبْعِينَ خَرِيفًا».
[صحيح] - [متفق عليه] - [صحيح مسلم: 1153]
المزيــد ...
අල්ලාහ්ගේ දූතයාණන් (සල්ලල්ලාහු අලයිහි වසල්ලම්) කළ ප්‍රකාශයට තමන් සවන් දුන් බව පවසමින් අබූ සඊද් අල් කුද්රි (රළියල්ලාහු අන්හු) තුමා විසින් මෙසේ වාර්තා කරන ලදී:
“කවරෙකු අල්ලාහ්ගේ මාර්ගයේ නිරතව දිනක් උපවාසය රැක්කේ ද අල්ලාහ් ඔහුගේ මුහුණ අපා ගින්නෙන් වසර හැත්තෑවක් දුරස් කරනු ඇත.”
[පූර්ව සාධක සහිත හදීසයකි] - [බුහාරි හා මුස්ලිම් හි වාර්තා වී ඇත] - [صحيح مسلم - 1153]
"අල්ලාහ්ගේ මාර්ගයේ අරගල කරන අතරවාරයේ කවරෙකු දිනක් උපවාසයේ නිරත වූයේ ද, තවත් වාර්තාවක අල්ලාහ්ගේ මාර්ගයේ හෝ වෙනත් කටයුත්තක අවංකභාවයෙන් යුතුව අල්ලාහ්ගෙන් කුසල් හා ප්‍රතිඵල බලාපොරොත්තුවෙන් උපවාසයේ නිරත වූයේ ද, එවිට සැබැවින්ම අල්ලාහ් තම භාග්‍යය තුළින් ඔහු හා අපා ගින්න අතර වසර හැත්තෑවක දුර ප්‍රමාණයක් දුරස් කරනු ඇත" යැයි නබි (සල්ලල්ලාහු අලයිහි වසල්ලම්) තුමාණෝ පැහැදිලි කළහ.
හදීසයේ හරය
- නවවි තුමා මෙසේ පවසයි: අල්ලාහ්ගේ මාර්ගයේ නිරතව සිටිය දී උපවාසය රැකීමේ මහිමය. එය පිළිගනු ලබනුයේ එමගින් හිංසාවක් ඇති නොවන, වගකීම් අතපසු නොවන, යුද්ධයට බාධාවක් ඇති නොවන හා ඔහුගේ අනෙකුත් වැදගත් යුදමය කටයුතුවලට බාධාවක් ඇති නොවන අවස්ථාවකය.
- අමතර උපවාසයන්හි නිරත වීම සඳහා උනන්දු කරවා දිරිගැන්වීම.
- ඉහ්ඃලාස් හෙවත් චිත්තපාරිශුද්ධිය හා අල්ලාහ්ගේ තෘප්තිය අපේක්ෂා කළ යුතුය. මුහුණිච්චාවට හෝ ප්‍රසිද්ධියට හෝ වෙනත් අරමුණක් සඳහා හෝ උපවාසයේ නිරත නොවිය යුතුය.
- අස්-සින්දී තුමා මෙසේ පවසයි: (අල්ලාහ්ගේ මාර්ගයේ) යන ප්‍රකාශය වනාහි, එයින් අදහස් කරන්නේ චේතනාව නිවැරදි කිරීම පමණක් විය හැකිය. එසේම ඔහු සටන්කාමියෙකුව සිටියදී උපවාසයේ නිරත වීම ද අදහස විය හැකිය.
- ඉබ්නු හජර් තුමා (වසර හැත්තෑවක්) යන ප්‍රකාශය සම්බන්ධව මෙසේ පවසා ඇත. (මෙහි වසර යනුවෙන් අදහස් කිරීමට යෙදී ඇති) අල්-හඃරීෆ් යන පදය සරත් කාලය වේ. මෙහි එමගින් අදහස් කර ඇත්තේ වසර ය. ග්‍රීස්ම කාලය, ශීත කාලය හා වසන්ත කාලය යන කාල සඳහන් කිරීමෙන් තොරව හඃරීෆ් (සරත් කාලය) යනුවෙන් විශේෂයෙන් සඳහන් කර ඇත්තේ එම කාලය පළතුරු හට ගැණෙන ඉතා පිවිතුරු කාලයක් වන බැවිනි.
ප්‍රවර්ග
අමතර
- නබි වදන: ජුමුආ දිනයේ ඊට පෙර හෝ ඊට පසු දිනක් උපවාසයේ නිරතවීමෙන් තොරව නුඹලා කිසිවකු උපවාසයේ නිරත නොවිය යුතුය.
- නබි වදන: මාගේ මිතුරා වූ අල්ලාහ්ගේ දූතයාණෝ (සල්ලල්ලාහු අලයිහි වසල්ලම්) සෑම මසකම දින තුනක් උපවාසයේ නිරත වීම ලුහා සලාතයේ රකආත් දෙක ඉටු කිරීම හා මා නින්දට යාමට පෙර විත්ර් ඉටු කිරීම යන කරුණු තුන පිළිබඳ මට උපදෙස් දී ඇත්තේය.
- නබි වදන: කවරෙකු භූමියෙන් වියතක තරම් ප්‍රමාණයක් ඩැහැගෙන අපරාධ කළේ ද මහපොළෝ හතකින් ඔහුට තලනු ලැබේ.
- නබි වදන: සෑම මසකම දින තුනක උපවාසයේ නිරත වීම සම්පූර්ණ වසරක් උපවාසයේ නිරත වීමකි.
- නබි වදන: ෂඃබාන් මාසය තරම් වෙනත් කිසිදු මාසයක නබි (සල්ලල්ලාහු අලයිහි වසල්ලම්) තුමාණෝ අධික ලෙස උපවාසයේ නිරත නොවූහ.
- නබි වදන: එළැඹෙන වසර තෙක් මා සිටියේ නම් සැබැවින්ම මම නව වැනි දින ද උපවාසය රකිමි.
- නබි වදන: නියත වශයෙන්ම අල්ලාහ්ගේ දූතයාණෝ -සල්ලල්ලාහු අලය්හි වසල්ලම්- ආෂූරා දිනයේ උපවාසයේ නිරත වූහ.