ភាសា
  1. ទំព័រ​ដេីម
  2. បញ្ជីទាំងអស់
  3. Jurisprudence and Juristic Principles

ហាទីស្ហ “មនុស្សលោកនៅតែស្ថិតក្នុងប្រការល្អជានិច្ច ដរាបណាពួកគេរួសរាន់ក្នុងការស្រាយបួស”។

Jurisprudence and Juristic Principles Jurisprudence of Acts of Worship Fasting Recommended Acts of Fasting

عَنْ سَهْلِ بْنِ سَعْدٍ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«لَا يَزَالُ النَّاسُ بِخَيْرٍ مَا عَجَّلُوا الْفِطْرَ».

អំពី សះល៍ ពិន សាអាត់ رضي الله عنه ពិតណាស់រ៉ស៊ូលុលឡោះ ﷺ លោកបានមានប្រសាសន៍ថា៖
“មនុស្សលោកនៅតែស្ថិតក្នុងប្រការល្អជានិច្ច ដរាបណាពួកគេរួសរាន់ក្នុងការស្រាយបួស”។

صحيح متفق عليه صحيح مسلم - 1098

ពន្យល់

ណាពី ﷺ បានប្រាប់ថា ជាការពិតណាស់ មនុស្សលោកនៅតែស្ថិតក្នុងស្ថានភាពល្អប្រសើរជានិច្ច ដរាបណាពួកគេរួសរាន់ ប្រញាប់ប្រញាល់ក្នុងការស្រាយបួសបន្ទាប់ពីប្រាកដថា ព្រះអាទិត្យពិតជាបានលិច ហើយនេះ គឺជាការអនុវត្តតាមស៊ុណ្ណះ និងគោរពនូវព្រំដែនកំណត់របស់វា។

មេរៀនដែលទាញបានពីហាទីស្ហ

  1. អ៊ីម៉ាំ អាន់ណាវ៉ាវី បាននិយាយថា៖ ហាទីស្ហនេះ គឺជំរុញឲ្យរួសរាន់ក្នុងការស្រាយបួសបន្ទាប់ពីប្រាកដថា ព្រះអាទិត្យពិតជាបានលិចហើយ។ ហើយអត្ថន័យរបស់វាគឺមានន័យថា កិច្ចការរបស់ប្រជាជាតិនេះនឹងនៅតែមានសណ្តាប់ធ្នាប់ និងនៅតែល្អប្រសើរ ដរាបណាពួកគេនៅតែថែរក្សាស៊ុណ្ណះមួយនេះ។ ប្រសិនបើពួកគេពន្យារពេលក្នុងការស្រាយបួស វាជាសញ្ញាបង្ហាញពីប្រការមិនល្អដែលពួកគេនឹងធ្លាក់ចូលទៅក្នុងវា។
  2. ភាពល្អប្រសើរនៅតែបន្តមានចំពោះមនុស្ស គឺដោយសារតែការអនុវត្តតាមស៊ុណ្ណះ។ ចំណែកឯការខូចខាតនៃកិច្ចការ គឺទាក់ទងនឹងការបោះបង់នូវស៊ុណ្ណះ។
  3. ជាការធ្វើឲ្យខុសនឹងពួកអះលីគីតាប និងពួកពិតអះ ពីព្រោះពួកគេពន្យារពេលក្នុងការស្រាយបួស។
  4. អ៊ិពនូហាជើរ បាននិយាយថា៖ ហាទីស្ហនេះគឺមានការបញ្ជាក់ពីបុព្វហេតុរបស់វា។ អាល់មូហាល់ឡឹប បាននិយាយថា៖ បុព្វហេតុនៃការធ្វើដូច្នោះ គឺដើម្បីកុំឱ្យបន្ថែមផ្នែកនៃពេលយប់ទៅក្នុងពេលថ្ងៃ និផ្តល់ភាពងាយស្រួលសម្រាប់អ្នកតមអាហារ និងធ្វើឱ្យគេកាន់តែមានកម្លាំងសម្រាប់ការគោរពសក្ការៈ។ សាសនវិទូឥស្លាមបានឯកភាពគ្នាថា វាត្រូវបានអនុវត្តនៅពេលដែលប្រាកដថាព្រះអាទិត្យបានលិចតាមរយៈការមើលឃើញ ឬដោយការរាយការណ៍ពីសាក្សីពីរនាក់ដែលគួរឱ្យទុកចិត្ត ឬក៏សាក្សីតែម្នាក់ក៏ដោយ បើយោងទៅតាមទស្សនៈដែលត្រឹមត្រូវបំផុត។
  5. អ៊ិពនូហាជើរ បាននិយាយថា៖ បម្រុងប្រយ័ត្ន៖ ក្នុងចំណោមពិតអះដែលគេបដិសេធ គឺអ្វីដែលត្រូវបានបង្កើតឡើងក្នុងសម័យនេះ ដូចជាការអាហ្សានលើកទីពីរមុនពេលហ្វាជើររះប្រមាណ២០នាទីក្នុងខែរ៉ម៉ាហ្ទន និងការពន្លត់ភ្លើងចាត់ទុកជាសញ្ញានៃការហាមឃាត់ការបរិភោគអាហារនិងផឹកសម្រាប់អ្នកដែលមានបំណងបួស ដោយអ្នកដែលបង្កើតថ្មីនោះអះអាងថា វាជាការប្រុងប្រយ័ត្នក្នុងការគោរពសក្ការៈប៉ុណ្ណោះ។ ខណៈដែលមានតែមនុស្សមួយចំនួនតូចប៉ុណ្ណោះដែលដឹងពីរឿងនេះ។ ការណ៍នេះក៏បាននាំឱ្យពួកគេមិនអាហ្សានម៉ាហ្គ្រិបឡើយ រហូតដល់ព្រះអាទិត្យលិចបានមួយសន្ទុះ ដោយអះអាងថា ដើម្បីឲ្យច្បាស់។ ដូច្នេះ ពួកគេបានពន្យារពេលក្នុងការស្រាយបួស និងប្រញាប់ប្រញាល់ការបរិភោគបាយបួស(សាហួរ) ដែលទាំងនេះគឺជាទង្វើដែលផ្ទុយពីស៊ុណ្ណះ។ ដោយសារតែរឿងនេះ ភាពល្អក៏បានថយចុះពីពួកគេ និងប្រការអាក្រក់ក៏បានកើនឡើងក្នុងចំណោមពួកគេ។ សូមអល់ឡោះជាម្ចាស់ទ្រង់មេត្តាជួយនូវកិច្ចការទាំងនេះផងចុះ។

បង្ហាញការបកប្រែ

47 ភាសា
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
NE नेपाली النيبالية
PRS دری الدرية
SR Српски الصربية
RO Română الرومانية
HU Magyar المجرية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
UK Українська الأوكرانية
KA ქართული الجورجية
MK Македонски المقدونية
PA ਪੰਜਾਬੀ البنجابية
MR मराठी الماراثية
បញ្ជីទាំងអស់
បន្ថែមទៀត