Hadiis: Mam noangã, (Wẽnd pʋʋsg la A tɩlgr be a yĩngɑ) sagla maam ne yεl a tãabo: rasem a tãab no-loeer kiuug fãa, la Dʋhaa rakaar a yiibu, la m pʋʋs wɩtrã taoor tɩ m na n ka gũsi

عَنْ أَبِي هُرَيْرَةَ رَضِيَ اللَّهُ عَنْهُ قَالَ:
أَوْصَانِي خَلِيلِي صَلَّى اللهُ عَلَيْهِ وَسَلَّمَ بِثَلاَثٍ: صِيَامِ ثَلاَثَةِ أَيَّامٍ مِنْ كُلِّ شَهْرٍ، وَرَكْعَتَيِ الضُّحَى، وَأَنْ أُوتِرَ قَبْلَ أَنْ أَنَامَ.
[صحيح] - [متفق عليه] - [صحيح البخاري: 1981]

Yii a Abɩɩ Hʋrayrat nengẽ, (Wẽnd yard be a yĩnga) a yeelame:
Mam noangã, (Wẽnd pʋʋsg la A tɩlgr be a yĩngɑ) sagla maam ne yεl a tãabo: rasem a tãab no-loeer kiuug fãa, la Dʋhaa rakaar a yiibu, la m pʋʋs wɩtrã taoor tɩ m na n ka gũsi.
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 1981]

bilgrã

A Abʋʋ Hurayrat kõta kibare (Wẽnd yarde be a yĩnga) t'a noangã la a tũud-n-taagã, Nabiyaamã (Wẽnd pʋʋsg la A tɩlgr be a yĩngɑ) a sagla yẽnda la a rɩk alkaool ne yẽnda, ne yεl a tãab maanego:
Rẽenemã: Noor loeese rasem a tãab kiuug fãa pʋgẽ.
Yiib soabã: Dʋhaa rakaar a yiibã Pʋʋsgo, raar fãa pʋgẽ.
Tãab soabã: wɩtrã Pʋʋsg taoor tɩ m na n ka gũsi; ne ned ning sẽn yεεs t'a pa na n nek yʋngã baasgẽ.

Sẽn be Hɑdiisã yõod-rãmbẽ

1. Nabiyaamã saglã sẽn yõs taabã (Wẽnd pʋʋsg la A tɩlgr be a yĩngɑ) a sahaabsã nengẽ wã: tikɑ ne a sẽn mi (Wẽnd pʋʋsg la A tɩlgr be a yĩngɑ) a sahaabsã halhaalã, la bũmb ning sẽn segd ne ned fãa b pʋgẽ, rẽnd pãng soaba gɩhaadɩ n zemsd ne-a, la Wẽnd tũudã tũudum n segd ne-a, la bãngdã bãngr n zemsd ne-a, la yaa wot n tãag a tεka.
2. A ɭbn Hagar Al-Asƙalaany yeela a gomdã zugu: (rasm a tãab no-loeer kiuug fãa) sẽn yaa vẽenegã yaa t'a raabã, yaa rasem pεεlã, la bãmbã: yaa rasem piig la a tãabo, la rasem piig la a naase, la rasem piig la a nu, higrã wã kiig pʋgẽ (moog kiuugã).
3. La a ɭbn Hagar Al-Asƙalaany yeelame: be a pʋgẽ tɩ b maana nonglem tɩ b reng wɩtrã gõeemã taoore, la yaa ned ning sẽn ka tar bas-m-yam t'a na n nekame.
4. Wilgda tʋʋm-kãensã b tãabã yell sẽn ta zĩig ninga, Nabiyaamã (Wẽnd pʋʋsg la A tɩlgr be a yĩngɑ) sẽn sagl a sahaabsã sãndã ne-a.
5. A ɭbn Daƙɩɩƙ Al-ʿɭɩd yeela a gomdã pʋgẽ: (la Dʋhaa rakaar a yiibã): tõe t'a togs sẽn paood n yɩɩdã yẽ mɑɑnegã nana sik sẽn kɑ be ɑ pʋgẽ wã, la be yãwã pʋgẽ daliil tɩ b bʋʋ Lʋhaa Pʋʋsg nonglem, la a sẽn pɑood n yɩɩd yaa rakaar a yiibu.
6. Lʋhaa Pʋʋsg wakato: wĩndgã pukr poorẽ, sẽn kolgd wakat sẽn pʋɩ naas n yãk yembre (15 minit), la a wakatã wogendame n tãag Zafarã sẽn ket wɑ minit piiga, la a sõorã: sẽn paood n yɩɩde, yaa rakaar a yiibu, la b yõsa taab ne a sõorã sẽn waoog n yɩɩda, tɩ sãnda yeele: Yaa rakaar a nii, tɩ sãnda yeele: a ka tar tεk ye.
7. Wɩtrã wakato: Sãanfã Pʋʋsg loogre, n tʋg n tãag Fagirã, la a sẽn paood n yɩɩda, yaa rakaar a yiibu, la a sẽn waoog n yɩɩda yaa rakaar piig la a yembre.