ហាទីស្ហ: មនុស្សជាទីស្រលាញ់បំផុតរបស់ខ្ញុំ ﷺ បានផ្ដាំផ្ញើខ្ញុំនូវបីប្រការ៖ បួសបីថ្ងៃរៀងរាល់ខែ សឡាតហ្ទូហាពីររ៉ក្អាត់ និងឲ្យខ្ញុំសឡាតវីតៀរមុនពេលចូលគេង។
عَنْ أَبِي هُرَيْرَةَ رَضِيَ اللَّهُ عَنْهُ قَالَ:
أَوْصَانِي خَلِيلِي صَلَّى اللهُ عَلَيْهِ وَسَلَّمَ بِثَلاَثٍ: صِيَامِ ثَلاَثَةِ أَيَّامٍ مِنْ كُلِّ شَهْرٍ، وَرَكْعَتَيِ الضُّحَى، وَأَنْ أُوتِرَ قَبْلَ أَنْ أَنَامَ.
[صحيح] - [متفق عليه] - [صحيح البخاري: 1981]
المزيــد ...
អំពី អាពូហ៊ូរ៉យរ៉ោះ رضي الله عنه បាននិយាយថា៖
មនុស្សជាទីស្រលាញ់បំផុតរបស់ខ្ញុំ ﷺ បានផ្ដាំផ្ញើខ្ញុំនូវបីប្រការ៖ បួសបីថ្ងៃរៀងរាល់ខែ សឡាតហ្ទូហាពីររ៉ក្អាត់ និងឲ្យខ្ញុំសឡាតវីតៀរមុនពេលចូលគេង។
[صحيح] - [متفق عليه] - [صحيح البخاري - 1981]
អាពូហ៊ូរ៉យរ៉ោះ رضي الله عنه បានប្រាប់ថា មនុស្សជាទីស្រលាញ់បំផុតរបស់គាត់ គឺណាពី ﷺ លោកបានផ្តាំផ្ញើគាត់នូវបីប្រការ៖
ទីមួយ. បួសបីថ្ងៃជារៀងរាល់ខែ
ទីពីរ. សឡាតហ្ទូហាពីររ៉ក្អាត់រាល់ថ្ងៃ
ទីបី. សឡាតវីតៀរមុនចូលគេង។ នេះគឺសម្រាប់អ្នកដែលខ្លាចថា មិនអាចក្រោកសឡាតនៅចុងរាត្រីបាន។
មេរៀនដែលទាញបានពីហាទីស្ហ
- ការផ្តល់ការណែនាំ និងការផ្តាំផ្ញើខុសៗគ្នារបស់ណាពី ﷺ ទៅកាន់សហាហ្ពាត់របស់លោក គឺផ្អែកលើចំណេះដឹងរបស់លោកអំពីស្ថានភាពសហាហ្ពាត់របស់លោក និងអ្វីដែលសមស្របសម្រាប់ពួកគេម្នាក់ៗ។ ពិតណាស់ អ្នកខ្លាំងពូកែសក្តិសមនឹងការចេញប្រយុទ្ធ(ជីហាទ) អ្នកគោរពសក្ការៈសក្តិសមនឹងការសឡាត អ្នកប្រាជ្ញសក្តិសមនឹងចំណេះដឹង ។ល។
- ចំពោះសម្តីរបស់គាត់៖ “បួសបីថ្ងៃរៀងរាល់ខែ” អ៊ិពនូហាជើរ អាល់អាស់កឡានី បាននិយាយថា៖ យោងតាមអត្ថន័យរបស់វាជាក់ស្តែង គឺសំដៅលើថ្ងៃខែភ្លឺ(أيام البيض) គឺថ្ងៃទី១៣ ទី១៤ និងទី១៥ នៃខែចន្ទគតិឥស្លាម។
- អ៊ិពនូហាជើរ អាល់អាស់កឡានី បាននិយាយថា៖ ហាទីស្ហនេះបញ្ជាក់ថា ស៊ូណិតត្រូវសឡាតវីតៀរមុនពេលចូលគេង សម្រាប់អ្នកដែលមិនទុកចិត្តថា ខ្លួនអាចក្រោកសឡាតបាន។
- បង្ហាញពីសារៈសំខាន់នៃទង្វើទាំងបីនេះ ត្បិតណាពី ﷺ លោកបានណែនាំវាដល់សហាហ្ពាត់ជាច្រើនរបស់លោក។
- ចំពោះសម្តីរបស់គាត់៖ “សឡាតហ្ទូហាពីររ៉ក្អាត់” អ៊ិពនូ ទើគីគុលអ៊ីទ បានបកស្រាយថា៖ ប្រហែលជាលោកលើកឡើងពីចំនួនតិចបំផុតដែលត្រូវតែអនុវត្ត។ នេះជាភស្តុតាងបង្ហាញពីការលើកទឹកចិត្តឱ្យសឡាតហ្ទូហា ហើយថាយ៉ាងតិចបំផុត គឺពីររ៉ក្អាត់។
- ពេលវេលាសម្រាប់សឡាតហ្ទូហា៖ ចាប់ផ្តើមប្រមាណ១៥នាទីក្រោយថ្ងៃរះ រហូតដល់ប្រមាណ១០នាទីមុនសឡាតហ្ស៊ូហូរ។ ចំនួនរ៉ក្អាត់របស់វា៖ តិចបំផុត ពីររ៉ក្អាត់។ មានការខ្វែងយោបល់គ្នាចំពោះចំនួនច្រើនបំផុតរបស់វា ខ្លះថាប្រាំបីរ៉ក្អាត់ ហើយខ្លះទៀតថា គ្មានកំណត់នោះឡើយ។
- ពេលវេលាសម្រាប់សឡាតវីតៀរ៖ ចាប់ពីក្រោយសឡាតអ៊ីស្ហា រហូតដល់ពេលស៊ូពុស។ តិចបំផុត មួយរ៉ក្អាត់ ហើយច្រើនបំផុត ដប់មួយរ៉ក្អាត់។
បញ្ជីទាំងអស់
បន្ថែមទៀត
- ហាទីស្ហ: តើលោកយល់យ៉ាងណា ប្រសិនបើខ្ញុំប្រតិបត្តិសឡាតដែលគេដាក់កាតព្វកិច្ច ខ្ញុំបួសខែរ៉ម៉ាហ្ទន ខ្ញុំប្រព្រឹត្តនូវអ្វីដែលគេអនុញ្ញាត ខ្ញុំចៀសវាងពីប្រការដែលគេហាមឃាត់
- ហាទីស្ហ: “ជនណាបួសមួយថ្ងៃក្នុងផ្លូវរបស់អល់ឡោះ នោះអល់ឡោះជាម្ចាស់នឹងឲ្យមុខរបស់គេឃ្លាតឆ្ងាយពីឋាននរកចម្ងាយចិតសិបរដូវស្លឹកឈើជ្រុះ(ចិតសិបឆ្នាំ)”។
- ហាទីស្ហ: គ្មានទេការបួសសម្រាប់អ្នកដែលបួសពេញមួយឆ្នាំនោះ។ បួសរយៈពេលបីថ្ងៃ(ក្នុងមួយខែ) ស្មើនឹងការបួសពេញមួយឆ្នាំ”។