Hadith: Nanoro hevitra ahy hanao zavatra telo ilay sakaizako (S.A.W) : ny fifehezany telo andro isam-bolana, ny fanaovana ny swalat Douha roa rakat, ary ny fanaovana ny swalat Witr alohan'ny hatoriako
عَنْ أَبِي هُرَيْرَةَ رَضِيَ اللَّهُ عَنْهُ قَالَ:
أَوْصَانِي خَلِيلِي صَلَّى اللهُ عَلَيْهِ وَسَلَّمَ بِثَلاَثٍ: صِيَامِ ثَلاَثَةِ أَيَّامٍ مِنْ كُلِّ شَهْرٍ، وَرَكْعَتَيِ الضُّحَى، وَأَنْ أُوتِرَ قَبْلَ أَنْ أَنَامَ.
[صحيح] - [متفق عليه] - [صحيح البخاري: 1981]
المزيــد ...
Tatitra azo avy tamin'i Abo Horaira (R.A) niteny manao hoe :
Nanoro hevitra ahy hanao zavatra telo ilay sakaizako (S.A.W) : ny fifehezany telo andro isam-bolana, ny fanaovana ny swalat Douha roa rakat, ary ny fanaovana ny swalat Witr alohan'ny hatoriako.
[Mari-pototra] - [Notantarain’i Bokhari sy Moslim] - [Sahìh Al-Bokhari - 1981]
Milaza i Abo Horaira (R.A) fa ny sakaizany dia ny Mpaminany (S.A.W) dia nanoro hevitra azy sy nanome azy zavatra telo ireto:
Ny voalohany : fifehezana telo andro isam-bolana.
Faharoa : Swalat roa raka'ah Doha isan'andro.
Fahatelo : Swalat Witr alohan'ny hatoriana; Izany dia ho an'ireo izay matahotra ny tsy hifoha amin'ny faran'ny alina.
Lesona azo avy amin'ny Hadith
- Ny fahasamihafan'ny hafatry ny Mpaminany (S.A.W) amin'ireo mpiara-dia aminy : Izany dia mifototra amin'ny fahalalan'ny Mpaminany (S.A.W) ny toetry ny mpiara-dia aminy sy izay mety ho an'ny tsirairay amin'izy ireo, ka ny matanjaka dia mety amin'ny fanaovana jiady, ny mpivavaka dia mifanaraka aminy ny fanompoana, ny manam-pahalalana dia mifanaraka amin'ny fahalalana, sy tahaka izany hatrany.
- Nilaza Ibn Hajar Al-Askalani tamin'ny teniny : Fifehezana telo andro isam-bolana, izay midika hoe andro fotsy; izy io dia : ny fahatelo ambin'ny folo, ny fahefatra ambin'ny folo, ary ny fahadimy ambin'ny folo amin'ny volana Hijria.
- Nilaza Ibn Hajar Al-Askalani hoe : Izany dia manondro ny famporisihana hanao Witr alohan'ny hatoriana, ary izany dia mihatra amin'ny olona tsy matoky tena amin'ny fifohazana.
- Ny maha zava-dehibe ireo asa telo ireo : satria nanoro izany tamin'ny namany maromaro ny Mpaminany (S.A.W).
- Hoy I Ibn Dakik al-Eid tao amin'ny teniny : (sy ny roa rakat amin'ny Doha) : Angamba izy nanonona ny kely indrindra misy eo aminy, ho fanamafisana amin'ny fanatanterahana azy, ary izany dia manondro ny hatsaran'ny vavaka Doha, ary ny kely indrindra dia roa rakat.
- Ny fotoan'ny vavaka Doha : tokony ho ampahefakadiny aorian'ny fiposahan'ny masoandro, ary ny fotoanany dia mahatratra folo minitra alohan'ny mitataovovonana, ary ny isany : ny kely indrindra aminy dia roa rakat, saingy misy ny tsy fitovian-kevitra momba ny be indrindra; misy ny milaza hoe : Valo rakaat, ary voalaza koa hoe : Tsy misy fetra ny amin'ny fahabetsahany.
- Fotoan'ny Witr : manomboka aorian'ny Swalat Isha ka hatramin'ny maraina mangiran-dratsy, izay kely indrindra dia rak'ah iray, ary ny fara-tampony dia iraika ambin'ny folo rak'ah.