Хадис: Эң сүйүктүү досум (пайгамбар) (ага Аллахтын тынчтыгы жана мактоосу болсун) мага үч ишти осуят кылды: ар айда үч күндөн орозо кармоону; (күн сайын) эки рекеттен чашке намазын окууну; уктаардан мурда витр намазын окуп жатууну
عَنْ أَبِي هُرَيْرَةَ رَضِيَ اللَّهُ عَنْهُ قَالَ:
أَوْصَانِي خَلِيلِي صَلَّى اللهُ عَلَيْهِ وَسَلَّمَ بِثَلاَثٍ: صِيَامِ ثَلاَثَةِ أَيَّامٍ مِنْ كُلِّ شَهْرٍ، وَرَكْعَتَيِ الضُّحَى، وَأَنْ أُوتِرَ قَبْلَ أَنْ أَنَامَ.
[صحيح] - [متفق عليه] - [صحيح البخاري: 1981]
المزيــد ...
Абу Хурайра (ага Аллах ыраазы болсун) айтат:
Эң сүйүктүү досум (пайгамбар) (ага Аллахтын тынчтыгы жана мактоосу болсун) мага үч ишти осуят кылды: ар айда үч күндөн орозо кармоону; (күн сайын) эки рекеттен чашке намазын окууну; уктаардан мурда витр намазын окуп жатууну".
[Сахих (ишенимдүү)] - [Муттафакун алайхи (хадистин ишенимдүүлүгүнө бир ооздон макулдашылган)] - [Сахих ал-Бухари - 1981]
Абу Хурайра (ага Аллах ыраазы болсун) сүйүктүү пайгамбары жана жолдошу (ага Аллахтын тынчтыгы жана мактоосу болсун) ага үч ишти осуят кылып эскерткенин кабарлайт:
Биринчиси: ар бир айда үч күн орозо кармоо.
Экинчиси: күн сайын эки рекет чашке намазын окуу.
Үчүнчүсү: уктаардан мурда витр намазын окуу. Витр намаз мындай убакта окуу уйкудан ойгонбой калам деп корккон адамдар үчүн.
Хадистин пайдалары
- Пайгамбарыбыздын (ага Аллахтын тынчтыгы жана мактоосу болсун) сахабаларына айткан осуяттарынын ар түрдүү болуусуна сахбаларынын абалын жакшы билгени себеп. Алардын кимиси эмнеге ылайык экенин жакшы билген. Күчтүү адам жихад кылууга ылайык. Ибадаткөй адам ибадат кылганга ылайык. Аалым адам илим таратканга ылайык, ж.б.
- Ибн Хажар ал-Аскалани минтип айткан: ай сайын үч күндөн кармалуучу орозо дегени, ай толгон учурдагы, б.а. хижра жыл санагы боюнча он үч, он төрт жана он бешинчи күндөгү орозолор.
- Ибн Хажар ал-Аскалани дагы мындай деген: Мында витр намазын уйкудан мурда окуу жакшы экени айтылган. Мындай кылуу уйкудан кайра ойгоно албай калам деп корккон адамдар үчүн.
- Пайгамбарыбыз (ага Аллахтын тынчтыгы жана мактоосу болсун) бир канча сахабасына ушундай осуят кылгандыктан, бул үч амалдын өтө зарылдыгын билебиз.
- Ибн Дакик ал-Ийд "Эки рекет чашке" намазы тууралуу мындай дейт: балким аткарылышы зарыл болгон эң аз сан айтылгандыр. Бул чашке намазынын абзелдигине жана анын эң аз өлчөмү эки рекет экендигине ишарат кылат.
- Чашке намазынын убактысы: Күн чыккандан болжолдуу он беш мүнөт өткөндөн баштап, чак түшкө он мүнөт калганга чейин. Ирекеттеринин саны: азы эки ирекет, көбү жөнүндө кайчы пикирлер бар. Кээ бирлер сегиз ирекет деген. Кээ бирлер көбүнө такталган чек жок дешет.
- Витр намазынын убактысы: Куптан намазынан кийин башталып, таң сүргөнгө чейин. Азы бир ирекет, көбү он бир ирекет.