Hadithi: Umukunzi wanjye Intumwa y'Imana (Imana iyihe amahoro n'imigisha) yangiriye inama zo gukora ibintu bitatu: Gusiba iminsi itatu muri buri kwezi, raka ebyiri zo ku iswalat y'agasusuruko, no gusali iswalat ya Witiri mbere y'uko ndyama

عَنْ أَبِي هُرَيْرَةَ رَضِيَ اللَّهُ عَنْهُ قَالَ:
أَوْصَانِي خَلِيلِي صَلَّى اللهُ عَلَيْهِ وَسَلَّمَ بِثَلاَثٍ: صِيَامِ ثَلاَثَةِ أَيَّامٍ مِنْ كُلِّ شَهْرٍ، وَرَكْعَتَيِ الضُّحَى، وَأَنْ أُوتِرَ قَبْلَ أَنْ أَنَامَ.
[صحيح] - [متفق عليه] - [صحيح البخاري: 1981]

Hadith yaturutse kwa Abi Hurayrat (Imana imwishimire) yaravuze ati:
Umukunzi wanjye Intumwa y'Imana (Imana iyihe amahoro n'imigisha) yangiriye inama zo gukora ibintu bitatu: Gusiba iminsi itatu muri buri kwezi, raka ebyiri zo ku iswalat y'agasusuruko, no gusali iswalat ya Witiri mbere y'uko ndyama.
[Hadithi y'impamo] - [Yemeranyijweho na Bukhari na Muslim] - [Swahih Bukhari - 1981]

Ibisobanuro birambuye.

Abu Hurayrat (Imana imwishimire) aravuga ko umukunzi we Intumwa y'Imana ikaba na mugenzi we (Imana imwishimire) yamugiriye inama zo kwita ku bintu bitatu:
Icya mbere: Gusiba iminsi itatu buri kwezi.
Icya kabiri: Gusali raka ebyiri z'iswalat y'agasusuruko buri munsi.
Icya gatatu: Gusali iswalat ya Witri mbere yo kuryama, by'umwihariko kuri wa wundi utinya ko bitaza kumworohera gukanguka mu gice cya nyuma cy'ijoro.

Zimwe mu nyungu dukura muri Hadithi.

1. Gutandukanya kw'inama z'Intumwa y'Imana (Imana iyihe amahoro n'imigisha) ku basangirangendo bayo, bishingiye ku buryo Intumwa y'Imana (Imana iyihe amahoro n'imigisha) yari izi abasangirangendo bayo, na buri wese n'ibimukwiye; nk'umunyembaraga muri bo aberewe no guharanira inzira ya Allah, n'ugaragira Allah cyane aberewe no gukora ibikorwa byo kumugaragira, n'umumenyi aberewe n'ubumenyi,...
2. Umumenyi Ibun Hadjar Al As'qalaniy mu mvugo ye yaravuze ati: Gusiba iminsi itatu buri kwezi, biragaragaza ko igamijwe kuvugwa hano ari iminsi ya Bedha (13, 14, 15) za buri kwezi mu mezi abarwa hakurikijwe imboneko z'ukwezi, aho kuba kwabaye inzora.
3. Umumenyi Ibun Hadjar Al As'qalaniy nanone yaravuze ati: Harimo gushishikariza gusali Witri mbere yo kuryama, by'umwihariko ku muntu utizeye ko ari bukanguke.
4. Agaciro k'ibi bikorwa bitatu; kubera impanuro z'Intumwa y'Imana (Imana iyihe amahoro n'imigisha) yahaye bamwe mu basangirangendo bayo.
5. Umumenyi Ibun Daqiiq Al Iid mu mvugo ye yaravuze ati: (Raka ebyiri zo ku gasusuruko); izo yavuze zishobora kuba ari zo ncye ziba zikwiye gusengwa nta kabuza; ibi bikaba bigaragaza gushishikariza gusali iyi swalat kandi ko raka nke zayo ari ebyiri.
6. Igihe cyo gusali iswalat yo ku gasusuruko ni nyuma y'uko izuba rirasa nk'iminota cumi n'itanu, kigakomeza kugeza hafi y'iswalat yo ku manywa habura hafi nk'iminota icumi. Umubare w'izo raka inke ni ebyiri, gusa abamenyi ntibavuze rumwe ku nyinshi zazo; bamwe bavuze umunani, abandi baravuga ngo nta gipimo cy'iraka nyinshi.
7. Igihe cyo gusali iswalat ya Witri ni nyuma y'iswalat yo mu ijoro kugeza umuseke utambitse, incye ni raka imwe, naho inyinshi ni cumi n'imwe.