Hadiis: Gẽes-y Laylat al-ƙadrã rasem-pi-yaoogã ra-lugmã pʋgẽ, Ramadaanã kiuug pʋgẽ

عَنْ عَائِشَةَ رَضِيَ اللَّهُ عَنْهَا أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«تَحَرَّوْا لَيْلَةَ القَدْرِ فِي الوِتْرِ مِنَ العَشْرِ الأَوَاخِرِ مِنْ رَمَضَانَ».
[صحيح] - [متفق عليه] - [صحيح البخاري: 2017]

Yii a Aaɩsa nengẽ (Wẽnd yard be a yĩnga) tɩ ad Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeelame:
«Gẽes-y Laylat al-ƙadrã rasem-pi-yaoogã ra-lugmã pʋgẽ, Ramadaanã kiuug pʋgẽ».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 2017]

bilgrã

Nabiyaamã (Wẽnd pʋʋsg la A tɩlgr be a yĩnga) pirsame tɩ b nidg pãnga n bao la b gẽes Laylat al-ƙadrã, n wʋsg tʋʋm sõmse, la yẽnda la b tẽed t'a yɩta rasem-lugsẽ wã, Ramadaanã rasem-pi-yaoogã pʋga, yʋʋm fãa, la bãmb me la rasem pisi la a yembre, rasem pisi la a tãabo, rasem pisi la a nu, rasem pisi la a yopoe la rasem pisi la a wae.

Sẽn be Hɑdiisã yõod-rãmbẽ

1. Wilgda Laylat alƙadrã yɩɩdlem la b kengd tɩ bao-a.
2. Sẽn be Wẽnd minimã la A yolsgã pʋgẽ la A sẽn solg yʋng-kãngã, sẽn na yɩl tɩ nebã nidg pãng ne tũudmã n bao-a tɩ b yel-sõmã wã wʋsge.
3. Laylat alƙadrã bee Ramadaanã rasem pi-yaoogã pʋgẽ, la a rasem lugmẽ wã la a pẽ n yɩɩda.
4. Laylat alƙadrã yaa Ramadaanã rasem pi-yaoogã rasem a yembre, yẽ me la yʋng ninga Wẽnd (A Namm yɩ wagell n zẽke) sik Alkʋrãanã Nabiyaamã zugu (Wẽnd pʋʋsg la A tɩlgr be a yĩnga), la A maan yʋng-kãngã t'a sõmblemã yɩɩd kiuus tusri, barkã la a ƙadrã la tʋʋm sõngã keelem.
5. Rẽnd sẽn yeel tɩ (Kordg yʋngã) tõeeme tɩ yaa a zɩslemã la b sẽn pʋd-a woto wã, bala b yetame: a zagl alkadrã yaa bedre, tɩ sẽn rɩk yʋngã n lagem ne alƙadrã yɩta b sẽn rɩk bũmb n tõk ne a sɩf (bilgri) rat n na n yeel tɩ yʋn-zɩsgã, t'a võorã yaa t'a alƙadrã yaa zɩslgo, zɩslemã sẽn wa n yaa a soab fãa gilli, bala Wẽnd yeelame: (Ad Tõnd sik-a-la yʋng pʋgẽ sẽn yaa bark yʋngo) [Ad-dʋẖaan (Bug-zõosã sʋʋra): 3]. La tõeeme tɩ sẽn yet tɩ kordgã yaa pʋlengo, wakat-kãnga yaa bũmb ning sẽn yɩt yʋngã pʋgẽ wã tɩ b kell n rɩk yẽnda pʋde, rat n yeel tɩ yãwã yaa yʋng ninga b sẽn na n pʋlem bũmb ninga sẽn na n yɩ yʋʋmdã pʋgẽ wã fãa gilli, wala Wẽnd sẽn yeele: (Yʋʋn-kãngɑ pʋgẽ la b welgd yell buud fãa sẽn bʋ n manege) [Ad-dʋẖaan (Bug-zõosã sʋʋra): 4].