ሓዲሥ: ለይለቱል ቀድርን በረመዷን የመጨረሻ አስር ቀናቶች በጎደሎ ቁጥሮቹ ውስጥ ፈልጓት።
عَنْ عَائِشَةَ رَضِيَ اللَّهُ عَنْهَا أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«تَحَرَّوْا لَيْلَةَ القَدْرِ فِي الوِتْرِ مِنَ العَشْرِ الأَوَاخِرِ مِنْ رَمَضَانَ».
[صحيح] - [متفق عليه] - [صحيح البخاري: 2017]
المزيــد ...
ከዓኢሻ - አላህ መልካም ሥራዋን ይውደድላትና - እንደተላለፈው: የአላህ መልክተኛ (የአላህ ሰላትና ሰላም በእርሳቸው ላይ ይስፈን) እንዲህ ብለዋል:
"ለይለቱል ቀድርን በረመዷን የመጨረሻ አስር ቀናቶች በጎደሎ ቁጥሮቹ ውስጥ ፈልጓት።"
[ሶሒሕ ነው።] - [ቡኻሪና ሙስሊም ዘግበውታል።] - [ሶሒሕ አልቡኻሪ - 2017]
ነቢዩ (የአላህ ሰላትና ሰላም በእርሳቸው ላይ ይስፈን) ለይለቱል ቀድርን ለመፈለግ መልካም ስራዎችን በማብዛት መታገል እንደሚገባ አነሳሱ። ለይለቱል ቀድርም በሁሉም ዓመት ከረመዷን የመጨረሻዎቹ አስር ቀናት በጎዶሎው ምሽቶች መሆኗ ተስፋ ይደረጋል። እነርሱም: ሀያ አንደኛ፣ ሀያ ሶስተኛ፣ ሀያ አምስተኛ፣ ሀያ ሰባተኛና ሀያ ዘጠነኛ ሌሊቶች ናቸው።
ከሐዲሱ የምንጠቀማቸው ቁምነገሮች
- የለይለቱል ቀድርን ትሩፋትና እርሷን በመፈለግ ላይ መነሳሳቱን እንረዳለን።
- ከአላህ ጥበብና እዝነት መካከል ሰዎች እርሷን ፍለጋ በአምልኮ ሲታገሉ ምንዳቸው እንዲጨምር ይህቺን ሌሊት መደበቁ ነው።
- ለይለቱል ቀድር በረመዷን የመጨረሻዎቹ አስር ቀናት ውስጥ ነው። በጎዶሎዎቹ ቀናት መሆኑም ይበልጥ ተስፋ ይደረጋል።
- ለይለቱል ቀድር ማለት ከረመዷን የመጨረሻዎቹ አስር ሌሊቶች መካከል አንዷ ናት። እርሷም አላህ ዐዘ ወጀል በነቢዩ (የአላህ ሰላትና ሰላም በእርሳቸው ላይ ይስፈን) ላይ ቁርአን ያወረደበት ሌሊት ናት። ይህችንም ሌሊት በበረከትና በደረጃዋ ታላቅነት ከአንድ ሺህ ወር የተሻለች አድርጓታል። ስለዚህም በዚህች ሌሊት መልካም ስራ መስራት ታላቅ ስፍራ ያለው ነው።
- (ለይለቱል ቀድር) ተብላ የተጠራቸው ወይ ልቅና ከሚለው ቃል ተወስዶ ነው። (እከሌ ቀድሩ ታላቅ ነው።) ማለትም ልቅናው ከፍ ያለ ነው ማለት ነው። ልክ እንደዚሁ ቀድሯ ትልቅ የሆነችው ሌሊት ሲባል "ቀድር" የሚለው ቃል ሌሊት ለሚለው ቃል ገላጭ ይሆናል። ማለትም የላቀችዋ (የተከበረችዋ) ሌሊት ማለት ነው። ማለትም ደረጃዋ፣ ልቅናዋና ስፍራዋ የላቀ ማለት ነው። {እኛ (ቁርአንን) በተባረከው ምሽት አወረድነው።} [አድዱኻን:3] ወይም ደሞ (ተቅዲር) መወሰኛ ከሚለው ቃል ነው የተወሰደችው ቢባልም ያስኬዳል። ማለትም በዚህች ምሽት ውስጥ በአመት ውስጥ የሚከሰተው ነገር ይወሰናል። {በውስጧ የተወሰነው ነገር ሁሉ ይልለያል።} [አድዱኻን:4]
ምድቦች
ተጨማሪ
- ሓዲሥ: መወሰኛይቱን ሌሊት (ለይለቱል ቀድርን) በአላህ አምኖና ምንዳውን አስቦ የቆመ ሰው ያለፈው ኃጢዓቱ ይማርለታል።
- ሓዲሥ: የአላህ መልክተኛ (ሶለላሁ ዐለይሂ ወሰለም) የአላህ ሶላትና ሰላም በእርሳቸው ላይ ይስፈንና በሌላ ጊዜያት ለአምልኮ ከሚጥሩት የተለየ በመጨረሻዎቹ አስሩ የረመዷን ቀናት ይጥሩ ነበር።
- ሓዲሥ: በህልማችሁ በመጨረሻዎቹ የረመዳን ሰባት ቀናት ሆና ማየታችሁ ህልማችሁ ከእውነታው ጋር ገጥማለች ብዬ አምናለሁ። ስለዚህ ለይለቱል ቀድርን የሚፈልግ የሆነ ሰው በመጨረሻዎቹ የረመዳን ሰባት ቀናት ውስጥ ይፈልጋት።
- ሓዲሥ: የአላህ መልክተኛ (የአላህ ሰላትና ሰላም በእርሳቸው ላይ ይስፈን) የረመዿን የመጨረሻዎቹ አስሩ ቀናት የገቡ ጊዜ ሌሊቱን ህያው ሆነው ያሳልፋሉ፤ ቤተሰባቸውንም ያነቃሉ፤ ይበረቱና ሽርጣቸውንም ያጠብቁ ነበር።